Laust til umsóknar - nemendur vinnuskóla sumarið 2022

Eigna- og framkvæmdadeild Dalvíkurbyggðar auglýsir laus störf nemenda vinnuskóla. Öll ungmenni sem stunda nám í grunnskóla í Dalvíkurbyggð fædd á árunum 2006, 2007 og 2008 geta sótt um, einnig ef nemandi á a.m.k. annað foreldri með lögheimili í Dalvíkurbyggð.

 

Vinnuskóli hefst 6. júní og er áætlaður starfstími eftirfarandi:

Árgangur 2006: 10 vikur, 6,5 klst. á dag.

Árgangur 2007: 8 vikur, 3,5 klst. á dag

Árgangur 2008: 5 vikur, 3,5 klst. á dag

 

Umsækjendur eru vinsamlegast beðnir að sækja um starfið á minni Dalvíkurbyggð, http://min.dalvikurbyggd.is/

Skráning nemenda í vinnuskóla í gegnum Mína Dalvíkurbyggð

 

Að gefnu tilefni er það tekið fram að allir þeir nemendur sem ætla að sækja um í vinnuskólanum í sumar þurfa að sækja Íslykil til að geta skráð sig á Mína Dalvíkurbyggð. Hann er hægt að nálgast við skráningu inn í Mína Dalvíkurbyggð, eða á www.island.is. Þegar komið er inn í mína Dalvíkurbyggð er notað formið „Atvinnuumsókn“. og valið “Nemendur vinnuskóla”

Athugið að foreldrar geta ekki sótt um í gegnum sinn Íslykil, þar sem skráning verður sjálfkrafa á kennitölu þess sem skráir sig inn á Mína Dalvíkurbyggð.

 

Nánari upplýsingar veitir undirrituð

 

Helga Íris Ingólfsdóttir

Deildarstjóri eigna- og framkvæmdadeildar Dalvíkurbyggðar