Málþing í Dalvíkurskóla

,, Grunnskólinn okkar- horft til framtíðar" er yfirskrift málþings sem haldið verður í Dalvíkurskóla laugardaginn 10. mars næstkomandi og stendur frá kl. 10:45 til 15:00.  Málþingið er vettvangur þar sem allir íbúar hafa tækifæri til að koma sínum hugmyndum og ábendingum á framfæri varðandi málefni grunnskólans.

Málþingið hefst með tveimur fyrirlestrum. Áslaug V. Þórhallsdóttir kennari við Dalvíkurskóla fjallar um stefnumótun í skólamálum og verkefni dagsins. Dr. Anna Kristín Sigurðardóttir flytur erindi um lærdómsmenningu í grunnskóla. Að loknu hádegsishléi  hefst hugmyndavinna í hópastarfi. Skilaboð þátttakenda eru mikilvæg. Þau munu verða efniviður fyrir skólastefnu Grunnskóla Dalvíkurbyggðar.    

Málþingið er samræðuvettvangur og er mjög mikilvægt að sem flest sjónarmið heyrist.  Á málþing eiga allir erindi og hægt er að lofa fróðlegum, gagnlegum og skemmtilegum degi. Boðið verður upp á kaffi, léttar veitingar og barnapössun.

Dagskrá málþingsins.

Kl. 10:45     Húsið opnað, kaffi á könnunni

Kl. 11.00     Málþing sett - bæjarstjóri Dalvíkurbyggðar Svanfríður I. Jónasdóttir

Kl. 11.00     Hvert skal stefnt? - Áslaug V. Þórhallsdóttir opnar skólaþingið og segir frá tilurð og tilgangi skólaþingsins.

Kl. 11:30     Lærdómsmenning í grunnskóla - Dr. Anna Kristín Sigurðardóttir.

Kl. 12:15     Hádegishlé.  Léttar veitingar í boði

Kl. 12.45     Önnur umræðulota, unnið í sex umræðuhópum:

·         Skólinn og samfélagið

·         Skólinn og fjölskyldan

·         Umhverfi og aðstaða

·         Áherslur í skólastarfi

·         Námsmat og kennsluhættir

·         Stoðþjónusta

Kl. 14.00     Kynning á niðurstöðum hópa. 

Kl. 15.00     Þingi slitið - Formaður fræðsluráðs Dalvíkurbyggðar, Auður Helgadóttir.

Frekari upplýsingar gefur skólastjóri Grunnskóla Dalvíkurbyggðar, Anna Baldvina Jóhannesdóttir í síma 460-4980.