Líf og fjör á hátíðarhöldum vegna 17. júní

17. júní var haldinn hátíðlegur í Dalvíkurbyggð í gær í blíðskaparveðri. Dagskráin var nokkuð hefðbundinn en hún hófst með 17. hlaupinu á Dalvíkurvelli.
Þaðan var svo skrúðganga að menningarhúsinu Bergi þar sem Fjallkonan sem í ár var Silja Dröfn Jónsdóttir las ljóð eftir Hjalta Haraldsson frá Ytra-Garðshorni

Hátt brennur himinljós,
hlýnar um dali.
Brosleitar björk og rós
bregðast á tali.

Leikur við ljósa drós

ljúfvindur svali.

Ræðumaður dagsins var Eyrún Ingibjörg Sigþórsdóttir Sveitarstjóri.

Þröstur Ingvarsson flutti svo nokkur lög auðvitað öll á íslensku. 

Eftir hin hefðbundnu hátíðarhöld voru svo hoppukastalar og hin víðfræga sápurennibraut í kirkjubrekkunni, ásamt sápufótbolta.