Lausar stöður í íþróttamiðstöð

Íþróttamiðstöð Dalvíkurbyggðar auglýsir eftir konum 20 ára eða eldri í 100% vaktavinnustarf og 80% dagvinnustarf frá 8 til 14 við laugarvörslu, afgreiðslu, þrif og baðvörslu. Æskilegt að geta hafið störf 1. september.

Umsóknarfrestur er til og með 30. júní 2020.

Íþróttamiðstöð Dalvíkur leggur áherslu á öryggi gesta, að veita góða þjónustu og að aðstaða sé ávallt snyrtileg. Það er líf og fjör í Íþróttamiðstöðinni frá morgni til kvölds.

Helstu verkefni og ábyrgð:

• Umsjón með öryggi sundlaugargesta.
• Taka á móti gestum og veita upplýsingar um þjónustu.
• Gæsla í klefum og úti á skólatíma
• Leiðbeina gestum eftir því sem við á.
• Eftirfylgni með umgengnisreglum.
• Eftirlit með gæðum laugarvatns.
• Þrif og ræsting.
• Minniháttar daglegt viðhald.
• Önnur störf falin af yfirmanni.

Nöfn umsækjenda verða birt á heimasíðu Dalvíkurbyggðar eftir að umsóknarfresti lýkur.

Hæfniskröfur
Umsækjendur verða að eiga gott með að umgangast fólk, hafa ríka þjónustulund, vera stundvísir, hafa ágæta tölvukunnáttu og sýna frumkvæði.
Umsækjandi þarf að standast hæfnispróf sbr. reglugerð um hollustuhætti á sund- og baðstöðum. Starfsmenn þurfa að hafa náð 20 ára aldri og hafa hreint sakavottorð.

Laun og starfskjör eru samkvæmt kjarasamningi Kjalar og Sambands íslenskra sveitarfélaga.

Umsækjendur eru vinsamlegast beðnir að sækja um starfið á minni Dalvíkurbyggð, http://min.dalvikurbyggd.is/ (umsóknir/atvinnuumsókn/starfsmaður íþróttamiðstöðvar). Taka þarf fram undir öðrum upplýsingum um hvort starfið er verið að sækja um.

Umsókn um starfið þarf að fylgja ferilsskrá og kynningarbréf þar sem gerð er grein fyrir ástæðu umsóknar og  rökstuðningur fyrir hæfni viðkomandi í starfið.
Nánari upplýsingar veitir Gísli Rúnar Gylfason (gislirunar@dalvikurbyggd.is / 863-4369) ,  íþrótta- og æskulýðsfulltrúi Dalvíkurbyggðar.