Kærar þakkir til íbúa Dalvíkur

Undanfarið hafa nemendur 5. bekkjar EÞ í Dalvíkurskóla gengið í hús á Dalvík og safnað peningastyrkjum fyrir ABC barnahjálp. Samskonar söfnun á sér stað meðal skólabarna um allt land og þetta árið verður peningunum varið í byggingu heimavistar fyrir fátækar skólastúlkur í Pakistan. All flestir íbúar Dalvíkur tóku nemendum 5. bekkjar vel og gáfu með glöðu geði einhvern pening. Það á svo sannarlega við að margt smátt gerir eitt stórt því alls söfnuðust 130.677 krónur hér á Dalvík og þeir peningar eiga eftir að skipta sköpum fyrir líf stúlknanna í Pakistan. Nemendur 5. bekkjar EÞ og íbúar Dalvíkur eiga hrós skilið fyrir hjálpsemina.

Kveðja frá Dalvíkurskóla.