J listi – óháð framboð og B listi - Framsóknarmanna hafa gert með sér samkomulag um meirihlutasamstarf

J listi - óháð framboð og B listi - Framsóknarmanna hafa gert með sér samkomulag um meirihlutasamstarf í bæjarstjórn Dalvíkurbyggðar kjörtímabilið 2006 til 2010.

Samkomulag er um að Svanfríður Jónasdóttir verði bæjarstjóri fyrri hluta kjörtímabilsins. Í samræmi við stefnuskrá B listans verði síðan auglýst eftir bæjarstjóra. Ráðið verði í starfið samkvæmt tilnefningu B listans.

Embætti forseta bæjarstjórnar verði hjá B lista fyrri hluta kjörtímabilsins og verður Bjarnveig Ingvadóttir fyrsti forseti bæjarstjórnar.

Formennska í bæjarráði skiptist milli framboðanna. Anna Sigríður Hjaltadóttir, J lista, verður fyrsti formaður bæjarráðs.

Aðilar eru sammála um að meðal helstu verkefna á kjörtímbilinu séu:

- Ábyrg fjármálastjórn og jafnvægi í rekstri sveitarfélagsins

- Styrking atvinnulífsins og fjölgun atvinnutækifæra

- Undirbúningur og bygging íþróttahúss

- Vinna við gerð aðalskipulags fyrir Dalvíkurbyggð

- Fráveituframkvæmdir og önnur umhverfisverkefni; gámasvæði girt og   vaktað

- Hitaveituframkvæmdir

- Vinna að auknum námstækifærum bæði í símenntun og á    framhaldsskólastigi

- Mótun skólastefnu fyrir Grunnskóla Dalvíkurbyggðar

- Enn frekari stuðningur við barnafjölskyldur

- Lausn fundin á húsnæðismálum félagsmiðstöðvar ungmenna

- Bætt farsíma og tölvusamband í öllu sveitarfélaginu

- Verkefni á sviði heimaþjónustu og heimahjúkrunar færist á forræði sveitarfélagins

- Aðstaða á Dalbæ verði bætt

- Stefnumótun og samningar við nágrannasveitarfélög um verkefni á sviði félags- og skólaþjónustu; sérstaklega verði samið um málefni fatlaðra

- Stefnumörkun og vinna að framtíðarskipan hafnarmála

- Efling og kynning á fjölbreyttu íþrótta- og menningarstarfi í byggðarlaginu

Frekari upplýsingar gefa Svanfríður Jónasdóttir s. 862 1460 og Bjarnveig Ingvadóttir s. 862 6896