Félagsþjónusta Dalvíkurbyggðar leitar eftir liðsmönnum

Framlengdur umsóknarfrestur vegna liðsmanna í félagsþjónustu Dalvíkurbyggðar til starfa við málefni fatlaðra og barnavernd á Dalvík.

ÁTTU AUÐVELT MEÐ AÐ VINNA Í TEYMI OG VILTU VINNA MEÐ SKEMMTILEGU FÓLKI?

Félagsþjónusta Dalvíkurbyggðar  leitar eftir liðsmönnum í samhentan hóp af skemmtilegu fólki sem starfar við málefni fatlaðra og barnavernd í Dalvíkurbyggð. Unnið er á vöktum dag, kvöld og helgar og er starfshlutfall samkomulagsatriði.

Helstu verkefni og ábyrgð:

• Að virkja einstaklingana til sjálfshjálpar og iðju ýmiskonar hvort sem er á heimili viðkomandi, úti í samfélaginu og í samstarfi við starfsmenn félagsþjónustunnar
• Aðstoð við athafnir daglegs lífs
• Sondugjafir og lyfjagjafir
• Vinna með félagsþjónustunni og fjölskyldum notenda
• Finna lausnir og vinna með það sem fyrir er
• Heimanámsaðstoð og aðstoð inni á heimilum

Hæfniskröfur:

• Hlýlegt viðmót, jákvæðni og umhyggja
• Hæfni í mannlegum samskiptum
• Frumkvæði í starfi og geta til að vinna sjálfstætt
• Að sýna ábyrgð og vera ábyrgðarfullur
• Að vera hugmyndaríkur og sveigjanlegur
• Hugsa út fyrir boxið og vera lausnamiðaður

Umsóknarfrestur er til 20.desember. Greitt er samkvæmt kjarasamningum stéttarfélagsins Kjalar.

Frekari upplýsingar veitir Þórhalla Franklín Karlsdóttir, þroskaþjálfi í síma 460-4900 eða á netfanginu tota@dalvikurbyggd.is.  Umsókn og ferilskrá skal senda inn á Íbúagátt (inná heimasíðu www.dalvikurbyggd.is ) eða skila í þjónustuver bæjarskrifstofunnar. Bent er á að nöfn umsækjenda verða birt á heimasíðu Dalvíkurbyggðar. 

Við ráðningu eru jafnréttissjónarmið jafngild öðrum málefnalegum sjónarmiðum. Vakin er athygli á að þörf er á fleiri körlum til starfa á verksviðinu.