Fasteignaskattur og álagning gjalda 2008

Dalvíkurbyggð hefur auglýst álagningu gjalda og fasteignaskatt vegna ársins 2008. Nánari upplýsingar er að finna í auglýsingu frá Dalvíkurbyggð.

Sú breyting hefur verið gerð að  ekki þarf að sækja um afslátt fasteignaskatts þar sem framkvæmd útreiknings verður sjálfvirkur í gegnum álagningarkerfi fasteignagjalda, Landskrá fasteigna.  Vegna útreiknings á afslætti skal liggja fyrir sem fyrr staðfest skattframtal af skattstjóra og örorkumatsvottorð ef við á.

Afsláttur til elli- og örorkulífeyrisþega er tekjutengdur sem hér segir:

• a) Einstaklingur með tekjur allt að kr. 1.518.008,-
• b) Hjón og sambýlisfólk með tekjur allt að kr. 2.095.049,-

Varðandi tekjuviðmið er litið til tekna eins og þær eru samkvæmt tekju- og útsvarsstofni sem og til fjármagnstekna.

Hámarksafsláttur af fasteignaskatti er kr. 40.700,-.    Afslátturinn verður þó aldrei hærri en álagður fasteignaskattur.