Er okkur kalt?

Vegna fjölda fyrirspurna varðandi hækkun hitaveitureikninga, fyrir tímabilið janúar – febrúar 2024 var farið gagngert yfir forsendur reikninga og ekkert óeðlilegt kom fram. Niðurstaðan er hækkun sem stýrist af aukinni notkun heita vatnsins ásamt hækkun gjaldskrár, sem var 4.9% um áramótin.

Á Þjónustugátt á heimasíðu Dalvíkurbyggðar geta viðskiptavinir fylgst með notkun sinni á heitu vatni undir flipanum „Orkan mín“.

Á heimasíðu Dalvíkurbyggðar má nálgast gjaldskrá Hitaveitunnar.

Bent er á að viðmiðunarhitastig gjaldskrár er 25°C og eru gjöld fyrir afnot af hitaveituvatni skv. orkumæli kr. 3,20 pr. kWst. fyrir utan virðisauka- og orkuskatt.
Notendur eru hvattir til að fara sparlega með heita vatnið þar sem það er ekki óþrjótandi auðlind.

Hér eru nokkrar ábendingar varðandi nýtingu heita vatnsins:

• Jafna innihita með lofthitastýrðum ofnlokum.
• Athuga hitastilla í ofnum, er nálin liðug?
• Yfirfara þéttleika og einangrun hurða og glugga.
• Ekki gott að lofta út og hækka í ofnum samtímis.
• Fylgjast með stýringu snjóbræðslukerfa.
• Takmarka notkun á heitum pottum.

Við bendum skemmtilega fróðleiksmola á vef Byggðastofnunar, í útgefnu efni er að finna lesningu varðandi orkukostnað heimila í landinu.