Covid-staðan í Dalvíkurbyggð

Þann 25. febrúar kl. 08:00, eru tölurnar í okkar sveitarfélagi eftirfarandi:
Í einangrun - 85 einstaklingar, 67 í póstnúmeri 620 og 18 í póstnúmeri 621.

Ný smit í gær voru 2.

542 einstaklingar í Dalvíkurbyggð hafa frá upphafi smitast af Covid sem gera u.þ.b. 28,9% íbúa sveitarfélagsins.

Þetta er vonandi síðasta útgáfa af póstnúmeraskránni varðandi tölfræði upplýsingar um Covid.
Ekki verður haldið neitt frekar utan um tölur í umdæmi Norðurlands eystra og því standa vonir til að þetta verði lokatölur.

Öllum samkomutakmörkunum vegna Covid-faraldursins hefur nú verið aflétt, bæði innanlands og á landamærunum. Þá hefur krafa um einangrun þeirra sem greinast smitaðir verið felld niður þó tilmæli séu áfram til þeirra sem smitast og hafa mikil einkenni, að þeir einangri sig í allt að 5 daga. Þetta er í annað sinn sem samkomutakmörkunum innanlands hefur verið aflétt en nú hefur skrefið verið tekið að fullu, og vonandi í síðasta sinn.

Ef einhverjar spurningar vakna er öllum áfram velkomið að hafa samband við undirritaða á irish@dalvikurbyggd.is eða í síma 460-4908.

Íris Hauksdóttir
Þjónustu- og upplýsingafulltrúi Dalvíkurbyggðar