Auglýsing um skipulagsmál í Dalvíkurbyggð - Böggvisstaðafjall

Grenndarkynning á óverulegu fráviki á deiliskipulagi fólkvangsins í Böggvisstaðafjalli frá 21. febrúar - 26. mars 2023

Sveitarstjórn hefur á fundi sínum 17. janúar 2023 samþykkt að grenndarkynna óverulegt frávik á deiliskipulagi fólkvangsins í Böggvisstaðafjalli ofan við Dalvík skv. 2. mgr. 43. gr. skipulagslaga nr. 123/2010. Grenndarkynningin skal fara fram á heimasíðu Dalvíkurbyggðar.

Breytingin felst í hækkun á mænishæð vélageymslu Skíðafélags Dalvíkur um 0,4 metra. Hámarksflatarmál vélageymslunnar er 450 m² á tveimur hæðum með hámarksmænishæð 7.4 m í stað 7.0 m.

Grenndarkynningargögn vegna óverulegs fráviks á deiliskipulagi fólkvangsins í Böggvisstaðafjalli eru hér með birt á vef Dalvíkurbyggar, www.dalvikurbyggd.is þar sem gefið er færi á að gera skriflegar athugasemdir við tillöguna með því að senda tölvupóst á bjarnidan@dalvikurbyggd.is.

Tillöguna má nálgast hér.

Frestur til að senda inn ábendingar eða gera athugasemdir eru fjórar vikur frá birtingu þessarar auglýsingar, þ.e. til kl. 16.00, miðvikudaginn 26. mars 2023.

F.h. Dalvíkurbyggðar

Bjarni Daníel Daníelsson
Sviðsstjóri framkvæmdasviðs Dalvíkurbyggðar