Auglýsing á tillögu að deiliskipulagi fyrir Hauganes og breyting á Aðalskipulagi Dalvíkurbyggðar

Tillaga að breytingu á Aðalskipulagi Dalvíkurbyggðar 2008-2020 - Landnotkun á Hauganesi

Sveitarstjórn Dalvíkurbyggðar auglýsir hér með tillögu að breytingu á Aðalskipulagi Dalvíkurbyggðar 2008-2020 samkvæmt 31. gr. skipulagslaga nr. 123/2010.

Breytingin felst í að þéttbýlismörkum Hauganess er breytt, hafnarsvæðið er stækkað til vesturs og norðurs, íbúðasvæði vestan og sunnan við hafnarsvæði er fellt út, afmarkað er afþreyingar og ferðamannasvæði ofan Sandvíkur, Aðalgata 2 verður verslunar- og þjónustusvæði og opið svæði er minnkað.

Skipulagstillagan mun liggja frammi hjá Skipulagsstofnun og verður til sýnis í Ráðhúsi Dalvíkur við Goðabraut á Dalvík frá 20. desember 2021 til 14. febrúar 2022. Tillagan er einnig aðgengileg HÉR.

Þeir sem telja sig eiga hagsmuna að gæta er hér með gefinn frestur til mánudagsins 14. febrúar 2022 til að gera athugasemdir við breytingartillöguna. Athugasemdir skulu vera skriflegar og berast á Skrifstofur Dalvíkurbyggðar, Ráðhúsinu, 620 Dalvík, eða í tölvupósti á netfangið helgairis@dalvikurbyggd.is

Tillaga að deiliskipulagi fyrir Hauganes í Dalvíkurbyggð

Sveitarstjórn Dalvíkurbyggðar samþykkti á fundi sínum þann 14. desember 2021 að auglýsa tillögu að deiliskipulagi fyrir Hauganes skv. 1. mgr. 41. gr. skipulagslaga nr. 123/2010.

Skipulagssvæðið afmarkast af þéttbýlismörkum Hauganess. Deiliskipulagstillagan felur í sér endurskoðun og sameiningu fyrirliggjandi mæliblaða ásamt mótun heilstæðrar byggðar með ýmis konar atvinnuhúsnæði, einbýlis-, rað- og parhúsum, þar sem ekkert formlegt deiliskipulag liggur fyrir af svæðinu.

Tillagan liggur frammi í Ráðhúsi Dalvíkur við Goðabraut á Dalvík frá 20. desember 2021 til 14. febrúar 2022. Tillagan er einnig aðgengileg HÉR.

Hér má einnig finna greinargerð vegna tillögunnar.

Athugasemdir eða ábendingar skulu vera skriflegar og berast skipulags- og tæknifulltrúa í síðasta lagi mánudaginn 14. febrúar 2022 annað hvort á Skrifstofur Dalvíkurbyggðar í Ráðhúsinu, 620 Dalvík eða á netfangið helgairis@dalvikurbyggd.is