Skriðsundsþjálfun og kennsla í sundlauginni á Dalvík

Íþróttamiðstöðin og stýrihópur um heilsueflandi samfélag í Dalvíkurbyggð ætla að bjóða íbúum uppá tvennskonar námskeið og kennslu í skriðsundi.

Skriðsundstækninámskeið fyrir þá sem synda og "afplána" sína metra og vantar uppá skriðsundstæknina og hvatann. Kennt verður á mánudögum og miðvikudögum.

Skriðsundskennsla fyrir þá sem kunna ekki skriðsund og vilja læra það frá grunni. Kennt verður á þriðjudögum og fimmtudögum.

Þetta verða 4 vikna námskeið 2 x í viku klukkutíma í senn frá 18:30 til 19:30 og hefst mánudaginn 4. nóvember. 
Aðalheiður Ýr sér um kennslu og þjálfun. Hún er fyrrum keppniskona í sundi og hefur bæði þjálfað sund og verið með fólk í einkakennslu.

Námskeiðið kostar kr. 3.000.- Allir þeir sem ná 60% mætingu á námskeiðið fá þriggja mánaða sundkort í verðlaun frá íþróttamiðstöðinni til að halda áfram á eigin vegum. Einnig fá þátttakendur gilt sundkort á meðan að á námskeiðinu stendur (því hægt að fá aðgang í allt að 4 mánuði í sund með þessu námskeiði)

Íþróttamiðstöðin getur haft milligöngu um að panta froskalappir fyrir þá sem það vilja (á kostnaðarverði fyrir þátttakendur)

Skráning og nánari upplýsingar hjá Gísla Rúnari, íþrótta- og æskulýðsfulltrúa:
gislirunar@dalvikurbyggd.is (einnig hægt að skrá sig í afgreiðslu íþróttamiðstöðvarinnar)

Skipulag tímanna:

1. tími - Förum yfir helstu þætti sem kemur að því að læra að njóta þess að synda

1. Líkamslega
2. Öndun
3. Fótatök
4. Synda á réttum hraða miðað við púls

2. tími - Áhersla á fótatök og finna taktinn fyrir öndun.

1. Stöðug fótatök
2. Velta axlargrindar
3. Taktur og öndun

3. tími - Farið yfir handtök

1. Öndun
2. Velta axlargrindar
3. Handtök
4. Taktur

4. tími - Samhæfing

1. Legan í vatninu
2. Stöðug fótatök
3. Taktur
4. Öndun

5. tími - Samhæfing og nýting handtaka

1. Lengd handtaks
2. Tækniæfingar sem auka vegalengd á hvert sundtak
3. Taktur
4. Öndun

6. tími - Samhæfing og meiri tækni

1. Höldum áfram með handtök
2. Bætum við hraða
3. Taktur
4. Öndun

7. tími - Samhæfing og nýting handtaka

1. Undirtak og grip
2. Tækniæfingar sem auka grip

8. tími - Samantekt

1. Upprifjun
2. Uppsetning þjálfunar (prógrams) til þess að halda áfram að synda