Merkingar á stofnunum

Í gær voru settar upp merkingar á skilti við stofnanir Dalvíkurbyggðar. Merkingin segir hvaða stofnun er starfrækt á viðkomandi stað og svo er saga húsanna undir þar sem sagt er frá byggingarári, hönnuð, verktaka og fleiru skemmtilegu. Einnig var í leiðinni skipt um merkingu á stóra skiltinu við Ásgarð þar sem götukort af Dalvík var. Núna er þar nýtt götukort af Dalvík ásamt korti af Dalvíkurbyggð. Götukort eru einnig komin við Árskógssand og Hauganes. Merkingar á götum Dalvíkur, Árskógssands og Hauganes eru tilbúnar en eftir er að hengja þær upp og verður það gert á næstunni.

Núna er tilvalið að ganga milli skilta og lesa um sögu húsanna. Eftirfarandi skilti eru komin upp:

1. Leikskólinn Krílakot
2. Leikskólinn Fagrihvammur
3. Dalvíkurskóli
4. Tónlistarskóli Dalvíkur/Námsver
5. Sundlaug Dalvíkur
6. Sundskáli Svarfdæla
7. Slökkvistöð Dalvíkur
8. Hita- og vatnsveita Dalvíkur
9. Víkurröst félagsmiðstöð
10. Hvoll Byggðasafn
11. Leikskólinn Leikbær
12. Árskógarskóli
13. Félagsheimilið Árskógur
14. Húsabakki