Söfn Dalvíkurbyggðar og upplýsingamiðstöð fyrir ferðamenn óskar eftir sumarstarfsfólki.

Við leitum nú að einstaklingum sem hafa áhuga á því að starfa í fjölbreyttu og menningarlegu umhverfi í sumar. Um er ræða störf frá 50-90% starfshlutfalli auk helgarvinnu en starfsstöðvar eru Bókasafn Dalvíkurbyggðar, Byggðasafn Dalvíkurbyggðar og Upplýsingamiðstöð. Starfsmenn öðlast þannig innsýn í heim ferðaþjónustunnar og grunnþætti safnastarfs í sveitafélaginu.

Helstu verkefni eru:

• Móttaka viðskiptavina á bókasafni, ýmis dagleg verkefni og almenn upplýsingagjöf til almennings.
• Skráning og pökkun safnkosts á byggðasafninu ásamt tilfallandi verkefnum.
• Upplýsingagjöf til ferðamanna um afþreyingu, þjónustu og gönguleiðir í sveitafélaginu.
• Þátttaka, utanumhald og aðkoma að skipulagningu ýmissa viðburða á vegum safnanna og Menningarhússins Berg.

Hæfniskröfur

• Rík þjónustulund og frumkvæði í starfi.
• Góð tölvukunnátta, þekking á samfélagsmiðlum og færni til að tileinka sér ný forrit.
• Sveigjanleiki og vilji til að prófa nýja hluti.
• Góð tungumálaþekking í máli og riti. Sérstaklega er horft til ensku og íslensku, norðurlandamál er kostur.
• Geta unnið 1-2 helgar í mánuði.
• Umsækjendur þurfa að hafa náð 18 ára aldri.
• Reynsla af safnastarfi og upplýsingagjöf er kostur.
• Stúdentspróf eða önnur sambærileg menntun er kostur.

Ofangreindar hæfniskröfur eru ekki í áhersluröð. Auk þeirra hæfniskrafna sem tilgreindar eru er leitað að lausnamiðuðum og metnaðarfullum einstaklingum með góða samskiptafærni.
Æskilegt er að umsækjendur geti hafið störf í lok maí og geti unnið fram til ágústloka en nákvæmur starfstími er þó umsemjanlegur.
Umsækjendur eru vinsamlegast beðnir um að sækja um í gegnum þjónustugátt á heimasíðu Dalvíkurbyggðar og velja þar: „Söfn Dalvíkurbyggðar og Upplýsingamiðstöð“. Ásamt umsókn þarf að fylgja starfsferilskrá og kynningarbréf þar sem gerð er grein fyrir ástæðu umsóknar, rökstuðningur fyrir hæfni í starfið og stutt persónuleg kynning á umsækjanda.
Greitt er samkvæmt kjarasamningi Sambands íslenskra sveitarfélaga og viðeigandi stéttarfélags.

Allar frekari upplýsingar veitir Björk Hólm, forstöðumaður safna í síma 460-4931 eða á netfangið: bjork@dalvikurbyggd.is

Öllum umsóknum verður svarað þegar ákvörðun um ráðningu hefur verið tekin.