Sérkennslustjóri Leikskólinn Krílakot auglýsir eftir sérkennslustjóra í 90% starf.

Sérkennslustjóri

Leikskólinn Krílakot auglýsir eftir sérkennslustjóra í 90% starf. Æskilegt er að viðkomandi geti hafið störf sem fyrst.
Leikskólinn Krílakot er 5 deilda leikskóli á Dalvík. Leikskólinn Krílakot er heilsueflandi leikskóli sem vinnur eftir aðferðum Uppeldi til ábyrgðar. Önnur verkefni eru Lubbi finnur málbein, Orðaleikur, Grænfáni, útikennsla og stærðfræði.

Gildi Krílakots eru Gleði – Sköpun – Þor og má kynna sér starf Krílakots hér.
Helstu verkefni:

• Hefur yfirumsjón með að áherslum annarra sérfræðinga sé fylgt eftir ásamt skýrslu gerð.
• Samstarfi við foreldra nemenda sem njóta sérkennslu í leikskólanum og situr fundi og samtöl með þeim.
• Veitir foreldrum nemenda sem njóta stuðnings, fræðslu og ráðgjöf.
• Er tengiliður leikskólans í farsæld barna.
• Veitir ráðgjöf til starfsmanna.
• Gerir frumprófun vegna frávika í þroska nemenda og sendir beiðni á sérfræðinga.
• Ber ábyrgð á að gera einstaklingsnámskrár
• Verkstýrir og leiðbeinir starfsmönnum sem koma að sérkennslu.

Menntunar- og hæfniskröfur

• Þroskaþjálfi / sérkennari
• Þekking og reynsla á leikskólastigi æskileg.
• Starfsreynsla við sérkennslu.
• Jákvæðni og sveigjanleiki.
• Góð færni í mannlegum samskiptum.
• Frumkvæði og sjálfstæði í vinnubrögðum.
• Áhugi á fræðslu barna og velferð þeirra.
• Íslenskukunnátta á stigi B2 https://www.rannis.is/media/islenskukennsla/Evropski-tungumalaramminn.pdf
• Hreint sakavottorð.

Starfið hentar öllum kynjum. Við ráðningu eru jafnréttissjónarmið jafngild öðrum málefnalegum sjónarmiðum og hvetjum við áhugasama að sækja um, óháð kyni og uppruna.
Laun og starfskjör eru samkvæmt kjarasamningi á milli Sambands ísl. sveitarfélaga og þess stéttafélags og viðkomandi stéttarfélags.
Ef umsækjendur uppfylla ekki menntunar- og hæfniskröfur áskilur leikskólastjóri sér rétt til að hafna öllum umsóknum.

Umsóknafrestur er til 6. apríl 2025

Sótt er um starfið í gegnum íbúagátt Dalvíkurbyggðar. Með umsókn skal fylgja afrit af leyfisbréfi, ferilskrá og kynningarbréfi, þar sem gerð er grein fyrir ástæðu umsóknar, rökstuðningur fyrir hæfni í starfið, stutt persónuleg kynning ásamt nöfnum umsagnaraðila.

Frekari upplýsingar veitir: Ágústa Kristín Bjarnadóttir leikskólastjóri Krílakots í síma 460-4950 eða á netfangið agusta@dalvikurbyggd.is

Dalvíkurbyggð er tæplega 2000 manna sveitafélag við Eyjafjörð. Þar er blómlegt atvinnulíf, öflugt menningarlíf og aðstaða til íþróttaiðkunar framúrskarandi. Umhverfið er sérlega fjölskylduvænt og aðstæður til útivistar með besta móti.