Auglýsing um skipulagsmál í Dalvíkurbyggð - Svarfaðarbraut

Sveitarstjórn Dalvíkurbyggðar auglýsir hér með eftirtalda skipulagstillögu:

Þann 21. mars 2023 samþykkti sveitarstjórn Dalvíkurbyggðar að auglýsa nýtt deiliskipulag íbúðarsvæðis við Svarfaðarbraut á Dalvík skv. 1. mgr. 41. gr. skipulagslaga nr. 123/2010.

Skipulagssvæðið er skilgreint sem íbúðarsvæði 313-Íb í aðalskipulagi. Skipulagssvæðið afmarkast af Svarfaðarbraut að vestan, raðhúsabyggð að norðan, opnu svæði ofan við grunnskóla Dalvíkur að austan og göngustíg að sunnan. Heildarstærð skipulagssvæðisins er 0.3 ha. Skipulagssvæðið er á þegar röskuðu landi og er þökulagt. Landinu hallar niður til austurs. Innan skipulagssvæðissins eru í dag engin hús. Skipulagssvæðið er í eigu Dalvíkurbyggðar. 

Skipulagstillagan verður til sýnis í ráðhúsi Dalvíkurbyggðar frá og með miðvikudeginum 29. mars nk. til mánudagsins 15. maí 2023 og á heimasíðu Dalvíkurbyggðar, dalvikurbyggd.is. Þeim sem telja sig eiga hagsmuna að gæta er hér með gefinn kostur á að gera athugasemdir við skipulagstillögurnar til mánudagsins 15. maí 2023. Athugasemdir skulu vera skriflegar og skal þeim skilað á skrifstofu Dalvíkurbyggðar, Ráðhúsi, 620 Dalvík eða í tölvupósti á netfangið dalvikurbyggd@dalvikurbyggd.is

Uppdráttinn má sjá hér.
Greinargerð og umhverfisskýrslu má finna hér.

Kynningarfundur var haldin í menningarhúsinu Bergi á Dalvík þriðjudaginn 28. mars 2023.

F.h. Dalvíkurbyggðar

Bjarni Daníel Daníelsson

Sviðsstjóri framkvæmdasviðs Dalvíkurbyggðar