Auglýsing um skipulagsmál í Dalvíkurbyggð – deiliskipulag Hóla- og Túnahverfi Dalvík Dalvíkurbyggð

Þann 21. nóvember 2017 samþykkti sveitarstjórn Dalvíkurbyggðar að auglýsa tillögu að deiliskipulagi Hóla- og Túnahverfis, Dalvíkurbyggð skv. 41. gr. skipulagslaga nr. 123/2010.

Í deiliskipulagstillögunni eru alls áttatíu lóðir undir íbúðarhús. Í dag eru á svæðinu alls fimmtíu og fjögur hús íbúðarhús í eftirfarandi húsgerðum; tvö raðhús við Lynghóla, fjögur raðhús við Reynihóla auk tveggja raðhúsa við Skógarhóla, tvö parhús við Lynghóla, sautján einbýlishús við Skógarhóla og tvö við Böggvisbraut, eitt við Hólaveg, þrjú við Miðtún, fjögur við Steintún, sex við Böggvisbraut og ellefu við Hringtún.

Skipulagstillagan er auglýst í Lögbirtingablaðinu og í dagskrá sem dreift er í hús á norðurlandi. Skipulagstillagan verður til sýnis í ráðhúsi Dalvíkurbyggðar á Dalvík frá og með fimmtudeginum 30. nóvember nk. til föstudagsins 12. janúar 2018 og á heimasíðu Dalvíkurbyggðar, www.dalvikurbyggd.is.  Þeim sem telja sig eiga hagsmuna að gæta er hér með gefinn kostur á að gera athugasemdir við skipulagstillöguna til föstudagsins 12. janúar 2018. Athugasemdir skulu vera skriflegar og skal þeim skilað á skrifstofu Dalvíkurbyggðar, Ráðhúsi, 620 Dalvík eða í tölvupósti til byggingarfulltrúa, borkur@dalvikurbyggd.is.

Kynningarfundur mun verða haldin í Upsum fundarsal ráðhússins á 3. hæð miðvikudaginn 6. desember kl. 17.00.

Hóla- og Túnahverfi, uppdráttur

Hóla- og Túnahverfi, greinargerð

29.11.2017

Börkur Þór Ottósson

Sviðsstjóri Umhverfis- og tæknisviðs