Tímabundið starf í Sundlaug Dalvíkur

Laust er til umsóknar tímabundið starf í Sundlaug Dalvíkur. Starfshlutfall er breytilegt, allt að 80% starf í vaktavinnu. Möguleiki er að skipta starfinu upp. Sundkunnátta og góð þjónustulund áskilin. Leitað er að starfsmanni sem er traustur, reglusamur og vandvirkur, sem er orðinn 18 ára og á auðvelt með að eiga samskipti við fólk. Um er að ræða tímabundið starf út maí 2010 á litlum en líflegum og skemmtilegum vinnustað þar sem við leggjum okkur fram við að veita góða þjónustu öllum þeim er okkur sækja heim. Viðkomandi þarf að geta hafið störf hið fyrsta. Sundlaug Dalvíkur er reyklaus vinnustaður.

Starfið felur m.a. í sér; móttöku gesta, afgreiðslu og sölu, laugarvörslu, baðvörslu í klefum karla, þrif og aðra almenna þjónustu við gesti sundlaugarinnar t.d. að veita upplýsingar til ferðamanna um Dalvíkurbyggð og nágrenni. Mikilvægur hluti starfsins er að hafa samskipti við börn og unglinga. Viðkomandi þarf að gangast undir öryggispróf sundstaða og hafa/taka skyndihjálparnámskeið þ.m.t. um björgun úr laug.

Laun eru skv. samningi launanefndar sveitarfélaga og Kjalar, stéttarfélags í almannaþjónustu.

Umsóknarfrestur er til hádegis á mánudag 5. október. Umsóknum skal skilað í þjónustuver bæjarskrifstofunnar merktum Íþrótta- og æskulýðsfulltrúi (eyðublöð hjá ritara í þjónustuveri bæjarskrifstofunnar. Einnig er hægt að senda tölvupóst á netfangið bjarni@dalvik.is og verður umsóknareyðublað þá sent um hæl.

Nánari upplýsingar gefur íþrótta- og æskulýðsfulltrúi á skrifstofu í Ráðhúsinu eða í símum 460-4913 og gsm: 896-3133 eða í tölvupósti á netfanginu: bjarni@dalvik.is.

Sundlaug Dalvíkur
Íþrótta- og æskulýðsfulltrúinn í Dalvíkurbyggð