Þróun upplifunar; Arctic Coast Way - Norðurstrandarleið

Vinna við verkefnið  Arctic Coast Way eða Norðurstrandarleið hefur staðið yfir nú í nokkurn tíma en verkefnið snýst um að búa til ferðamannaveg meðfram strandlengjunni frá Hvammstanga í vestri yfir á Bakkfjörð í austri. Verkefnið er samstarfsverkefni fjölmargra aðila, sveitarfélaga, ferðaþjónustuaðila og sérfræðinga, og er Dalvíkurbyggð einn af þátttakendunum. Nú stendur fyrir dyrunum að þróa afþreyingu og upplifanir ferðamanna á leiðinni og eru ferðaþjónustuaðilar hvattir til þess að taka þátt í því verkefni en það er ráðgjafafyrirtækið Blue Sail sem sér um þennan þátt vinnunnar. Nánari upplýsingar um þróun upplifunar með Blue Sail má finna hér fyrir neðan. 

Taktu þátt í þróun á upplifunum í apríl með Blue Sail!

Í apríl verða haldnar vinnustofur með breska ráðgjafafyrirtækinu Blue Sail vegna verkefnisins Arctic Coast Way eða Norðurstrandarleiðar. Skráning fer fram á heimasíðu MN og hefst þriðjudaginn 27. mars. Við viljum þróa það besta sem völ er á þegar kemur að upplifun ferðamanna, þar á meðal þeim sem tengjast mat og matargerð.

Skráning fer fram hér að neðan.

https://www.northiceland.is/is/markadsstofan/acw/skraning

Við viljum fá þig til þess að taka hafa áhrif á Arctic Coast Way með því að taka þátt í þessum vinnistofum, sem verða bæði áhugaverðar og skemmtilegar. Markmiðið er að sjálfsögðu það að fá fleiri gesti á það svæði Arctic Coast Way sem þú tilheyrir og að þróa þær upplifanir sem eru í boði fyrir ferðamenn.

Þróun á upplifunum hjálpar ferðaþjónustufyrirtækjum að:

• Taka þátt í því nýjasta sem er gerast í ferðaþjónstu á heimsvísu
• Laða að ferðamenn sem eru meira menntaðir og meðvitaðir um þau samfélögin, menninguna og umhverfið þar sem þeir ferðast.
• Auka sýnileika sinn á alþjóðamörkuðum og sýna fram á að þeir bjóða upp á það allra nýjasta og vinsælasta sem í boði er.
• Styrkja ímynd sína, bæði vörumerkisins en einnig áfangastaðarins.

Lykilspurningarnar eru:

Við erum öðruvísi en aðrir – en afhverju?

• Hvað er það sem er einstakt hér og ekki er hægt að gera annarsstaðar?
• Hvernig gefum við gestum okkar tækifæri til að kynnast hversdagslífinu og upplifa það beint í æð??
• Hvernig getum við unnið betur saman? Með hverjum getum við starfað, búið til pakka og skapað fleiri einstakar upplifanir?

Afhverju að gera þetta í samvinnu fyrir Arctic Coast Way?

• Það er það sem er vinsælast á erlendum mörkuðum.
• Það laðar að gesti og hvetur þá til að velja áfangastaðinn en ekki bara fyrirtækin.
• Það hvetur gesti til þess að vera lengur á svæðinu og kaupa meira af þjónustu.
• Það styður við sjálfbæra þróun.
• Það setur áherslu á upplifanir sem eru ekki endilega vinsælastar
• Það býr til hvata til þess að ferðast utan hánnatíma

Tímasetningarnar fyrir vinnustofurnar eru:

24.04.2018 Sauðárkrókur; 14.00-17.30
25.04.2018 Akureyri; 14.00-17.30
26.04.2018 Ásbyrgi; 14.00-17.30

Þátttökugjald: 2000 krónur á mann

Fyrir meiri upplýsingar um þróun á upplifunum, er bent á heimasíðu Markaðsstofunnar. Sérstaklega er fjallað um þennan hluta verkefnisins í Þriðju skýrslu sem hægt er að finna á þessari slóð:

https://www.northiceland.is/is/markadsstofan/acw

Hlökkum til að sjá þig í apríl!