Lovísa Rut Aðalsteinsdóttir - Íþróttamaður Dalvíkurbyggðar 2022

Kjör íþróttamanns Dalvíkurbyggðar fór fram við hátíðlega athöfn í Bergi fimmtudaginn 12. janúar. Það var blakkonan Lovísa Rut Aðalsteinsdóttir sem varð valin í ár. En hún hefur stundað blak með KA undanfarið ár.

Lovísa varð Íslandsmeistari, Bikarmeistari og Deildarmeistari í blaki með KA á síðasta keppnistímabili. Hún spilaði alla leiki KA á síðustu leiktíð og það sem af er á þessari leiktíð.

Hún hefur æft með U20 landsliðinu og einnig valin í æfingahóp hjá A-landsliðinu. Lovísa hefur sýnt mikinn metnað og dugnað við æfingar sem hefur skilað sér í þessum góða árangri. Innilega til hamingu Lovísa Rut.

Aðrir tilnefndir voru eftirtaldir aðilar:

• Anna Kristín Friðriksdóttir - Hestar
• Elín Björk Unnarsdóttir - Sund
• Esther Ösp Birkisdóttir - Skíði
• Marsibil Sigurðardóttir - Golf
• Þröstur Mikael Jónasson – Knattspyrna

Einnig voru við þetta tækifæri afhentir styrkir til iðkenda og voru þeir afhentir í eftirfarandi röð:

• Hafsteinn Thor Guðmundsson 75.000 vegna ástundunar og árangurs í golfi
• Brynjólfur Máni Sveinsson 75.000 vegna ástundunar og árangurs á skíðum
• Dagur Ýmir Sveinsson 125.000.- vegna ástundunar og árangurs á skíðum
• Torfi Jóhann Sveinsson 75.000.- vegna ástundunar og árangurs á skíðum
• Bil Guðröðardóttir 125.000.- vegna ástundunar og árangurs í Hestamennsku
• Sundfélagið Rán 135.000.- vegna sundnámskeiðs fyrir fullorðna og afmælishátíðar

Íþróttamaður Dalvíkurbyggðar fékk þá einnig 150.000. styrk úr afreks og styrktarsjóði í ár.