Laust starf aðstoðarmanns umhverfisstjóra

Dalvíkurbyggð óskar eftir að ráða aðstoðarmann umhverfisstjóra á umhverfis- og tæknisvið í 100% starf.  Um er að ræða nýtt starf hjá sveitarfélaginu.   Leitað er eftir einstaklingi sem er tilbúinn að þróast áfram í starfi og aðlaga sig að breyttu starfsumhverfi á hverjum tíma. Viðkomandi þarf að vera tilbúinn að takast á við fjölbreytt og krefjandi starf.  Æskilegt er að viðkomandi geti hafið störf sem fyrst. 

Starfssvið:   

• Vinna við ýmis umhverfismál og viðhaldsverkefni
• Umsjón með sorphirðu, snjómokstri, hálkueyðingu, hunda- og kattahaldi og  efnisnámum ásamt umhverfisstjóra
• Almenn umhirða í sveitarfélaginu
• Aðstoðar við skreytingar
• Eftirlit og úrbætur á leiksvæðum
• Önnur verkefni

Menntunar- og hæfniskröfur:

• Iðnmenntun er kostur
• Þekking og reynsla af sambærlegum störfum er kostur
• Ökuréttindi eru skilyrði
• Góð almenn tölvuþekking
• Metnaður til árangurs og frumkvæði
• Skipulagshæfileikar
• Framúrskarandi þjónustulund
• Virðing í mannlegum samskiptum

Umsóknarfrestur er til og með 15. febrúar nk. Umsækjendur eru vinsamlegast beðnir að senda umsókn um starfið á netfangið borkur@dalvikurbyggd.is.

Umsókn um starfið þarf að fylgja starfsferilsskrá.  Nánari upplýsingar veita Börkur Þór Ottósson (borkur@dalvikurbyggd.is) og í síma 4604920.  

Laun og launakjör eru í samræmi við kjarasamning Sambands íslenskra sveitarfélaga og KJALAR.  Tekið verður tillit til Mannréttindastefnu Dalvíkurbyggðar við ráðningu í starfið um jafnréttismál.