Árskógarskóli fær viðurkenningu fyrir lestur

Frá vefsíðu Árskógarskóla:

"Við erum alltaf stolt af nemendum okkar en í dag erum við sérstaklega stolt af nemendum á miðstigi. Í vetur höfum við lagt mikla áherslu á lestur og ritun á grunnskólastigi og fengum meðal annars Ævar vísindamann í heimsókn (sem heillaði alla upp úr skónum). Einnig tókum við þátt í lestrarátakinu sem hann stendur fyrir. Í gær kom í ljós að miðstig Árskógarskóla fékk viðurkenningu fyrir hlutfallslega mesta lestur á sínu skólastigi. Árskógarskóli fær það í verðlaun að vera skrifaður inn í síðustu bókina í Bernskubrekum Ævars vísindamanns, Óvænt endalok, sem kemur út í júní. Vel gert krakkar og til hamingju"