Deiliskipulag fólkvangs í Böggvisstaðafjalli

Nú eru í kynningu drög að deiliskipulagi fólkvangsins í Böggvisstaðafjalli.

Tilgangur skipulagsins er að móta stefnu fyrir framtíðaruppbyggingu og nýtingu fólkvangsins til þess að bæta aðstöðu til fjölbreyttrar útivistar. Meðfylgjandi skipulaginu er umhverfisskýrsla þar sem lagt er mat á umhverfisáhrif tillögunnar.

Í skipulaginu kemur meðal annars fram:

• hvað má byggja, hvar og hversu stórt
• hvar og hvernig megi planta trjám og runnum
• hvar mismunandi stígar skulu liggja
• hvar áningarstaðir og leiksvæði skulu vera
• hvar megi keyra bíla og vélsleða
• hvernig lýsingu skuli háttað

Á þessu stigi gefst íbúum og hagsmunaaðilum kostur á að koma sjónarmiðum sínum á framfæri áður en gengið verður frá skipulagstillögunni til auglýsingar. 

Hér meðfylgjandi eru þau gögn sem snúa að drögum deiliskipulagsins fyrir íbúa sveitarfélagsins að kynna sér.
Drög að deiliskipulagi fólkvangs í Böggvisstaðafjalli
Drög að greinargerð vegna deiliskipulags og umhverfisskýrsla
Drög - Mynd 1
Drög - Mynd 2
Drög - Mynd 3
Drög - Mynd 4

Íbúar eru hvattir til þess að kynna sér deiliskipulagstillöguna.
Tillögur og athugasemdir má senda á: borkur@dalvikurbyggd.is fyrir 21. október 2020.