Ósk um sameiningu lóða Öldugötu 31, 33 og 35, Árskógssandi

Skipulagsráð leggur til við sveitarstjórn að umsækjanda verði heimilt að leggja fram tillögu að deiliskipulagsbreytingu samkvæmt skv. 1. mgr. 43. gr. skipulagslaga nr. 123/2010 fyrir næsta fund ráðsins. Skipulagsráð setur fram skilmála um útlitsleg gæði bygginganna í samræmi við umræður á fundinum.

Samþykkt samhljóða með 5 atkvæðum.

Enginn tók til máls.

Sveitarstjórn samþykkir samhljóða með 7 atkvæðum ofangreinda afgreiðslu skipuagsráðs og þá tillögu um að heimila umsækjanda, Laxós ehf., að leggja fram tillögu að deiliskipulagsbreytingu samkvæmt 1. mgr. 43. gr. skipulagslaga nr. 123/2010.

Skipulagsráð felur skipulagsfulltrúa að vinna málið áfram í samvinnu við skipulagshönnuð í samræmi við umræður á fundinum.
Samþykkt samhljóða með fimm atkvæðum.

Skipulagsráð leggur til við sveitarstjórn að hún samþykki framlagða tillögu á vinnslustigi og að tillagan verði kynnt skv. 4. mgr. 40. gr. skipulagslaga nr. 123/2010.
Samþykkt samhljóða með fjórum atkvæðum.

Enginn tók til máls.

Sveitarstjórn samþykkir með 6 atkvæðum ofangreinda og framlagða tillögu á vinnslustigi að breytingu á deiliskipulagi vegna Öldugötu 31, 33 og 35 á Árskógssandi. Sveitarstjórn samþykkir jafnframt með 6 atkvæðum að tillagan verði kynnt skv. 4. mgr. 40. gr. skipulagslaga nr. 123/2010.
Monika Margrét situr hjá.

Skipulagsráð leggur til við sveitarstjórn að hún samþykki að unnin verði endanleg skipulagstillaga í samræmi við framlögð gögn og að tillagan verði auglýst skv. 41. gr. skipulagslaga nr. 123/2010.
Á auglýsingatíma verði jafnframt lögð fram þrívíddarmynd af fyrirhuguðum mannvirkjum á lóð nr. 31 við Öldugötu.

Þorsteinn Ingi Ragnarsson B-lista leggur fram eftirfarandi bókun:
"Breyting þessi á deiliskipulagi gerir það að verkum að stærð og umfang bygginga er óæskilegt m.t.t. nálægðar við núverandi og fyrirhugaða íbúðabyggð."

Samþykkt með þremur atkvæðum.
Þorsteinn Ingi Ragnarsson greiðir atkvæði gegn tillögunni og Katrín Sif Ingvarsdóttir K-lista situr hjá við afgreiðslu málsins.

Til máls tóku:

Freyr Antonsson, forseti sveitarstjórnar, sem leggur til að þessum lið verði frestað og málinu vísað til byggðaráðs til frekari umræðu. Byggðaráði er falið að ræða við umsækjendur og kanna aðrar leiðir til uppbyggingar starfsemi Laxós ehf. í Dalvíkurbyggð.

Monika Margrét Stefánsdóttir ítrekar bókun Þorsteins Inga Ragnarssonar fyrir hönd B-lista: Breyting þessi á deiliskipulagi gerir það að verkum að stærð og umfang bygginga er óæskilegt m.t.t. nálægðar við núverandi og fyrirhugaða íbúðabyggð.

Fleiri tóku ekki til máls.

a) Sveitarstjórn samþykkir samhljóða með 7 atkvæðum ofangreinda tillögu Freys Antonssonar.
b) Monika Margrét Stefánsdóttir og Lilja Guðnadóttir greiða atkvæði með bókun Moniku Margrétar, en 5 sitja hjá.

Byggðaráð samþykkir samhljóða með 3 atkvæðum að óska eftir að fá Guðmund Val Stefánsson á fund byggðaráðs í gegnum TEAMS.

Málinu er frestað þar sem það er til umræðu hjá byggðaráði.

Kynnt voru ný hönnunargögn sem fara fyrir næsta fund skipulagsráðs.

Guðmundur Valur, Hreinn Þór og Ágúst viku af fundi kl. 14:07

Lagt fram til kynningar.

Skipulagsráð leggur til að sömu útlitsskilmálar gildi um byggingarreit 2 og byggingarreit 1. Samantekt um áhrifamat vantar á deiliskipulagsuppdrátt.
Ráðið leggur til að uppfærður deiliskipulagsuppdráttur verði lagður fyrir á næsta fundi.
Samþykkt samhljóða með fimm atkvæðum.

Skipulagsráð leggur til við sveitarstjórn að hún samþykki framlagða tillögu og að tillagan verði auglýst skv. 41. gr. skipulagslaga nr. 123/2010.
Á auglýsingatíma verði efnt til íbúafundar þar sem lóðarhafi kynni áform um uppbyggingu á svæðinu.
Samþykkt með fjórum atkvæðum.

Þorsteinn Ingi Ragnarsson B-lista greiðir atkvæði gegn tillögunni og ítrekar fyrri bókun sína frá 19. fundi skipulagsráðs þann 10.apríl sl.

a) Monika Margrét Stefánsdóttir leggur fram eftirfarandi bókun:
"Breyting þessi á deiliskipulagi gerir það að verkum að stærð og umfang bygginga er óæskilegt m.t.t. nálægðar við núverandi og fyrirhugaða íbúðabyggð."
Byggðaráð samþykkir með 2 atkvæðum atkvæðum ofangreinda tillögu skipulagsráðs og samþykkir fyrirliggjandi tillögu og að tillagan verði auglýst skv. 41. gr. skipulagslaga nr. 123/2010. Á auglýsingatíma verði efnt til íbúafundar þar sem lóðarhafi kynni áform um uppbyggingu á svæðinu.
Monika Margrét Stefánsdóttir greiðir atkvæði á móti.

b) Byggðaráð samþykkir samhljóða með 3 atkvæðum að kannað verði hvernig íbúakönnun verði framkvæmd meðal íbúa á Árskógssandi innan þéttbýlismarka um ofangreind áform.

Undir þessum lið kom María Markúsdóttir, skipulagsfulltrúi til fundar kl. 13:15.

Byggðaráð þakkar Maríu fyrir yfirferðina og felur henni að undirbúa íbúafund á auglýsingatíma og í kjölfar hans íbúakönnun meðal íbúa og lóðarhafa á Árskógssandi. Samþykkt samhljóða með 3 atkvæðum.

Skipulagsráð frestar afgreiðslu þar til niðurstöður íbúakönnunar liggja fyrir.
Samþykkt samhljóða með fimm atkvæðum.

Til máls tóku:
Katrín Sif Ingvarsdóttir.

Fleiri tóku ekki til máls.

Sveitarstjórn samþykkir samhljóða með 7 atkvæðum þá tillögu forseta að þessum lið verði frestað með tilliti til þess að skipulagsráð þarf að fjalla um athugasemdir og afgreiða deiliskipulagsbreytinguna, sbr. skipulagslög nr. 123/2010.

Skipulagsráð frestar afgreiðslu og boðar til aukafundar um málið.
Samþykkt samhljóða með fimm atkvæðum.

Skipulagsráð leggur til við sveitarstjórn að tillögunni verði hafnað í ljósi innkominna athugasemda og niðurstöðu íbúakönnunar.
Samþykkt með fjórum atkvæðum.

Gunnþór Sveinbjörnsson sat hjá við afgreiðslu málsins.

Til máls tóku:
Lilja Guðnadóttir.
Helgi Einarsson.
Katrín Sif Ingvarsdóttir.
Freyr Antonsson.
Monika Margrét Stefánsdóttir.

Fleiri tóku ekki til máls.

Sveitarstjórn samþykkir samhljóða með 7 atkvæðum ofangreinda tillögu skipulagsráðs og hafnar tillögunni að breytingu á deiliskipulagi fyrir athafna-, verslunar-, þjónustu- og íbúðarsvæði á Árskógssandi vegna áforma á lóðum nr. 31, 33 og 35 við Öldugötu í ljósi innkominna athugasemda og niðurstöðu ibúakönnunar.

Í ljósi innkominna athugasemda er tillögu að breytingu á deiliskipulagi verslunar-, athafna- og íbúðarsvæðis á Árskógssandi sem felst í sameiningu lóða nr. 31, 33 og
35 við Öldugötu og hækkun á byggingarheimildum hafnað.
Skilmálar núgildandi deiliskipulags fyrir svæðið munu því áfram halda gildi sínu. Þeir skilmálar eru eftirfarandi:
 Fyrir lóð nr. 31 við Öldugötu: Lóðarstærð er 11.719,4 m2. Hámarks nýtingarhlutfall er 0,41 fyrir byggingu á einni hæð og 0,5 fyrir byggingu á einni hæð með
millilofti. Það samsvarar hámarks leyfilegu byggingarmagni 4.805 m2 fyrir byggingu á einni hæð og 5.860 m2 fyrir einnar hæðar byggingu með millilofti.
Leyfileg hámarksvegghæð er 8 m og hámarksmænishæð er 11 m.
 Fyrir lóð nr. 33 við Öldugötu: Lóðarstærð er 4.580 m2. Hámarks nýtingarhlutfall er 0,3 fyrir byggingu á einni hæð og 0,4 fyrir byggingu á einni hæð með
millilofti. Það samsvarar hámarks leyfilegu byggingarmagni 1.374 m2 fyrir byggingu á einni hæð og 1.832 m2 fyrir einnar hæðar byggingu með millilofti.
Leyfileg hámarksvegghæð er 6 m og hámarksmænishæð er 9 m.
 Fyrir lóð nr. 35 við Öldugötu: Lóðarstærð er 3.671,7 m2. Hámarks nýtingarhlutfall er 0,3 fyrir byggingu á einni hæð og 0,4 fyrir byggingu á einni hæð með
millilofti. Það samsvarar hámarks leyfilegu byggingarmagni 1.101,5 m2 fyrir byggingu á einni hæð og 1.468,7 m2 fyrir einnar hæðar byggingu með millilofti.
Leyfileg hámarksvegghæð er 6 m og hámarksmænishæð er 9 m.
Öllum þremur lóðunum var úthlutað til Laxóss ehf. í júní og júlí 2023. Í apríl 2024 gaf Umhverfisstofnun út starfsleyfi fyrir landeldi á laxfiskum með hámarkslífmassa
allt að 400 tonnum og gildir leyfið til ársins 2040. Tillaga að starfsleyfinu var auglýst frá 7.mars til 5.apríl sl. Engar athugasemdir bárust við tillöguna.
Lóðarhafi getur því hafið uppbyggingu á lóðunum þremur í samræmi við ákvæði gildandi deiliskipulags fyrir svæðið.