Sveitarstjórn

Fundargerðin er í 7 liðum.
Liður 4 er sér liður á dagskrá; mál 202404040.
Liður 7 er sér liður á dagskrá; mál 202404089.

Fundargerðin er í 17 liðum.
Liður 9 er sér liður á dagskrá; mál 202105085.
Liður 11 er sér liður á dagskrá; mál 202403116.
Liður 12 er sér liður á dagskrá; mál 202203130.
Liður 13 er sér liður á dagskrá; mál 202404115.

Fundargerðin er í 9 liðum.
Liður 4 er sér liður á dagskrá; mál 202402139.
Liður 5 er sér liður á dagskrá; mál 202309104.
Liður 6 er sér liður á dagskrá; mál 202404024; a) auglýsing og d) tímarammi.
Liður 8 er sér liður á dagskrá; mál 202111018.

Fundargerðin er í 9 liðum.
Liður 1 er sér mál á dagskrá; mál 202309054.
Liður 7 er sér mál á dagskrá; mál 202311016.
Liður 8 er sér mál á dagskrá; mál 202402040.

Fundargerðin er í 4 liðum.
Liður 1 er sér liður á dagskrá; mál 202307014.

Fundargerðin er í 8 liðum.
Liður 7 er sér mál á dagskrá; mál 202403090.

Fundargerðin er í 10 liðum.
Liður 3 er sér mál á dagskrá; mál 202305021
Liður 4 er sér mál á dagskrá; mál 202401062
Liður 5 er sér mál á dagskrá; mál 202404098
Liður 6 er sér mál á dagskrá; mál 202306096
Liður 7 er sér mál á dagskrá; mál 202404105
Liður 8 er sér mál á dagskrá; mál 202404122
Liður 9 er sér mál á dagskrá; mál 202205007.

Fundargerðin er í 8 liðum.
Liður 4 er sér liður á dagskrá; mál 202402040.
Liður 7 er sér liður á dagskrá; mál 202307014.

Fundargerðin er í 5 liðum.
Liður 3 er sér liður á dagskrá; mál 202404143.

Málið var tekið fyrir á 134.fundi veitu- og hafnarráðs þann 11.apríl, og var samþykkt samhljóða með 4 atkvæðum að leggja til við sveitarstjórn að kaupa steyptan fingur við flotbryggju sem liggur út frá olíubryggju. Silja Pálsdóttir tók ekki þátt í atkvæðagreiðslu eða umfjöllun vegna vanhæfis.

Þá var málið tekið fyrir á 368.fundi sveitarstjórnar þann 16.apríl sl. og var eftirfarandi bókað: Sveitarstjórn samþykkir samhljóða með 6 atkvæðum ofangreinda afgreiðslu og tillögu veitu- og hafnaráðs að keyptur verði steyptur fingur við flotbryggju sem liggur út frá olíubryggju og felur sveitarstjóra að leggja viðaukabeiðni fyrir byggðaráð þar sem framkvæmdin er ekki á starfs- og fjárhagsáætlun 2024. Freyr Antonsson tekur ekki þátt í atkvæðagreiðslu og umfjöllun vegna vanhæfis."

Á 1106.fundi byggðaráðs þann 8.maí var eftirfarandi bókað:
Byggðaráð samþykkir samhljóða með 3 atkvæðum ofangreinda viðaukabeiðni, viðauka nr. 18 við fjárhagsáætlun 2024, að upphæð kr. 4.597.315 á lið 42200-11551. Byggðaráð samþykkir jafnframt að viðaukanum verði mætt með lækkun á handbæru fé.
Vísað til umfjöllunar og afgreiðslu sveitarstjórnar.

Freyr Antonsson, forseti sveitarstjórnar, kom inn á fundinn að nýju og tók við fundarstjórn, kl. 16:21.

Á 1103. fundi byggðaráðs þann 11. apríl sl. var eftirfarandi bókað:
"Farið var yfir fyrstu skref skv. kafla 2.1. í Samþykkt um fjárhagsáætlunarferli Dalvíkurbyggðar varðandi vinnu við fjárhagsáætlunar Dalvíkurbyggðar í apríl og maí þegar ársreikningur liggur fyrir.
Niðurstaða:Byggðaráð samþykkir samhljóða með 3 atkvæðum að fela sveitarstjóra að boða til fundar á vordögum með kjörnum fulltrúum um vinnu við fjárhagsáætlun 2025 og þriggja ára áætlun 2026-2028."

a) Auglýsing
b) Þjónustustefna
c) Þátttaka íbúa; OneVote, Hugmyndakassi fl.
d) Tímarammi.
e) Kjörnir fulltrúar

Til umræðu ofangreint.
Lagt fram til kynningar.

Á 40.fundi skólanefndar TÁTs þann 16.apríl sl. var eftirfarandi bókað:
Uppfærð gjaldskrá TÁT lögð fyrir skólanefnd TÁT.
Leiðrétting á gjaldskrá TÁT í framhaldi af tilmælum samningsaðila við gerð síðustu kjarasamninga.
Skólanefnd samþykkir með þremur atkvæðum uppfærða gjaldskrá TÁT og nefndin leggur til að uppfærð gjaldskrá taki gildi frá upphafi næsta skólaárs tónlistarskólans.

Á 161.fundi íþrótta- og æskulýðsnefndar þann 2.maí sl. var eftirfarandi bókað:
Sveitarstjórn hefur óskað eftir því við sviðsstjóra að uppfæra gjaldskrá, þannig að hún taki mið af því að hækka um 3,5% í stað 4,9% eins og búið var að ákveða.
Tillaga að breyttri gjaldskrá lögð fyrir ráðið. Þá var einnig uppfærður texti varðandi sér afsláttarkjör, s.s. vegna lögreglu.
Íþrótta- og æskulýðsráð samþykkir meðfylgjandi gjaldskrá með 5 atkvæðum.

Á 1103.fundi byggðaráðs þann 11.apríl sl. var eftirfarandi bókað:
Með fundarboði byggðaráðs fylgdi minnisblað sviðsstjóra fjármála- og stjórnsýslusviðs, dagsett þann 9. apríl sl., þar sem gert er grein fyrir endurskoðun á Lýðræðisstefnu Dalvíkurbyggðar sem er meðfylgjandi.
Lagt er til að stefnan fari til umsagnar í Hugmyndakassa Dalvíkurbyggðar undir Betra Ísland á heimasíðu Dalvíkurbyggðar. Íbúum veri þannig gefinn kostur að koma með tillögur og umsögn um leiðir til lýðræðis. Hvernig vilja íbúar taka þátt og hafa áhrif ?
Byggðaráð gerir ekki athugasemdir við endurskoðaða Lýðræðisstefnu eins og hún liggur fyrir.
Byggðaráð samþykkir samhljóða með 3 atkvæðum að Lýðræðisstefnan fari til umsagnar í Hugmyndakassa Dalvíkurbyggðar og að umsagnarfrestur verði til og með 2. maí nk.

Engar tillögur eða ábendingar komu frá íbúum Dalvíkurbyggðar um Lýðræðisstefnuna

Á 1103. fundi byggðaráðs þann 11. apríl sl. var eftirfarandi bókað:
"Með fundarboði byggðaráðs fylgdi minnisblað sviðsstjóra fjármála- og stjórnsýslusviðs, dagsett þann 10. apríl 2024, þar sem gert er grein fyrir tilgangi og markmiðum með Launastefnu Dalvíkurbyggðar. Tillaga að stefnunni er meðfylgjandi.Niðurstaða:Byggðaráð gerir ekki athugasemdir við drög að Launastefnu Dalvíkurbyggðar eins og hún liggur fyrir og óskar eftir umsögn frá sérfræðingum á sviði kjarasamála Sambands íslenskra sveitarfélaga."

Fyrir liggur umsögn samninganefndar Sambands íslenskra sveitarfélaga. Sviðsstjóri fjármála- og stjórnsýslusviðs gerði grein fyrir að búið er að taka tillit til þeirrar umsagnar í meðfylgjandi drögum og gerðar breytingar á 4. gr.
Byggðaráð samþykkir samhljóða með 3 atkvæðum fyrirliggjandi launastefnu Dalvíkurbyggðar og vísar henni til umfjöllunar og afgreiðslu sveitarstjórnar.

Á 368. fundi sveitarstjórnar þann 16. apríl sl. var eftirfarandi bókað:
"Á 19. fundi skipulagsráðs þann 10. apríl sl. var eftirfarandi bókað: "Erindi dagsett 22. mars 2024 þar sem Sigurlaug Hanna Hafliðadóttir f.h. Blakfélagsins Rima sækir um leyfi fyrir uppsetningu skiltis sunnan íþróttamiðstöðvar á Dalvík. Stærð skiltis er 90 x 150 cm. Niðurstaða:Skipulagsráð leggur til við sveitarstjórn að hún samþykki erindið og feli skipulagsfulltrúa að leggja til heppilega staðsetningu í samráði við umsækjanda og framkvæmdasvið. Umsókn um fjárstyrk fyrir uppsetningu skiltis er vísað til byggðaráðs. Samþykkt samhljóða með fimm atkvæðum. "Niðurstaða:Enginn tók til máls. Sveitarstjórn samþykkir samhljóða með 7 atkvæðum ofangreinda afgreiðslu skipulagsráðs um leyfi til Blakfélagsins Rima fyrir uppsetningu skiltis sunnan Íþróttamiðstöðvarinnar á Dalvík. Stærð skiltis er 90 x 150. Sveitarstjórn felur skipulagsfulltrúa að finna heppilega staðsetningu í samráði við umsækjanda og Framkvæmdasvið."

Á 1105.fundi byggðaráðs þann 2.maí sl. var eftirfarandi bókað:
Byggðaráð samþykkir samhljóða með 3 atkvæðum að hafna beiðni um styrk frá sveitarfélaginu við að setja skiltið upp.
Vísað til umfjöllunar og afgreiðslu sveitarstjórnar.

Á 1105.fundi byggðaráðs þann 2.maí sl. var eftirfarandi bókað:
Tekið fyrir erindi frá Háskólanum á Akureyri, dagsett þann 19. mars sl, þar sem fram kemur að forstöðumaður SHA við Háskólann á Akureyri er að byrja að skipuleggja Sjávarútvegsskóla unga fólksins vegna sumarsins 2024. Skólinn hefur verið starfræktur frá árinu 2013 og þar af 8 ár hér við Eyjafjörð á Akureyri, Dalvík og í Grenivík og í Fjallabyggð. Óskað er eftir styrk frá Dalvikurbyggð til að styðja fjárhagslega við skólann. Allar upphæðir vel þegnar en ein kennsluvika kostar ca kr.1.000.000
Byggðaráð samþykkir samhljóða með 3 atkvæðum að Dalvíkurbyggð getur ekki orðið við ofangreindu erindi um fjárhagslegan stuðning.
Vísað til umfjöllunar og afgreiðslu sveitarstjórnar.

Á 293.fundi fræðsluráðs þann 8.maí sl. var eftirfarandi bókað:
Vinnuhópur um gjaldfrjálsan leikskóla skilar af sér vinnu hópsins með greinagerð.
Fræðsluráð samþykkir með 5 atkvæðum að leggja til við sveitarstjórn að samþykktar verði þær tillögur sem vinnuhópur leggur til og taki þær gildi strax eftir sumarfrí leikskólanna. Verði þetta gert til prufu í 1 ár og árangur skoðaður næsta vor. Jafnframt samþykkir fræðsluráð með 5 atkvæðum nýtt erindisbréf fyrir vinnuhóp.

Tillögurnar eru:

1) Að boðið verði uppá sveigjanlega 30 klst gjaldfrjálsa leikskóladvöl í dalvíkurbyggð, þó með þeim skilyrðum að vistun hefjist ekki eftir kl 09:00 á morgnana, og verði að lágmarki 4 klst í senn, þá daga sem börn mæta í skóla.

2) Að börn yngri en 18 mánaða verði boðin vistun til kl 15:15.

3) Að teknir verði í gagnið skráningardagar og sérstakt gjald verði fyrir þá daga 2.696kr.

4) Að vinnuhópur starfi áfram samkvæmt nýju erindisbréfi og hlutverk hans verði að taka saman gögn og upplýsingar og upplýsa fræðsluráð á fundum næsta vetur.

Fræðsluráð leggur áherslu á að verkefnið er tilraunaverkefni í 1 ár. Ef vankantar verða, eða ef aðrar leiðir væru færari, þurfum við að geta stigið skref til hliðar, eða til baka, og vera ófeimin við það. Bent er á að foreldrar barna þurfa að greiða fæði í leikskóla.

Á 102.fundi menningarráðs þann 3.maí sl. var eftirfarandi bókað:
Tekið fyrir bréf frá Sölku kvennakór sem óskar eftir styrk vegna afmælistónleika í Bergi.
Menningarráð samþykkir með þremur atkvæðum að veita Sölku kvennakór 300.000 kr. styrk.

Katrín Sif Ingvarsdóttir, kom aftur inn á fundinn kl. 16:42

Á 293.fundi fræðsluráðs þann 8.maí sl. var eftirfarandi bókað:
Gísli Bjarnason, sviðsstjóri fræðslu - og menningarsviðs, lagði fyrir drög að samningi við pólska sendiráðið.
Fræðsluráð samþykkir samning samhljóða með fimm atkvæðum.

á 368.fundi sveitarstjórnar þann 16.apríl var eftirfarandi bókað:
Á 292. fundi fræðsluráðs þann 10. apríl sl. var eftirfarandi bókað:
"Skóladagatöl skólanna fyrir skólaárið 2024 - 2025 lögð fyrir fræðsluráð. Tekið fyrir minnisblað frá stjórnendum leikskóla og sviðsstjóra.Niðurstaða:Skóladagatal Dalvíkurskóla samþykkt með fimm atkvæðum. Fræðsluráð samþykkir með fimm atkvæðum að taka fyrir skóladagatal Árskógarskóla og Krílakots á næsta fund hjá ráðinu. "
Enginn tók til máls.
Sveitarstjórn samþykkir samhljóða með 7 atkvæðum ofangreinda afgreiðslu fræðsluráðs og samþykkir fyrirliggjandi tillögu að skóladagatali Dalvíkurskóla fyrir skólaárið 2024 - 2025.

Á 40. fundi skólanefndar Tónlistarskólans á Tröllaskaga þann 16. apríl sl. var eftirfarandi bókað:
Magnús Guðmundur Ólafsson, skólastjóri TÁT, fer yfir drög að skóladagatali TÁT fyrir skólaárið 2024 - 2025. Skólanefnd TÁT samþykkir með þremur atkvæðum skóladagatal TÁT fyrir skólaárið 2024 - 2025.

Á 293.fundi fræðsluráðs þann 8.maí 2024 sl. var eftirfarandi bókað:
Tekið fyrir leikskóladagatal skólanna í Dalvíkurbyggð fyrir skólaárið 2024 - 2025.
Einnig tekið fyrir minnisblað frá sviðsstjóra fræðslu - og menningarsviðs.
Skóladagatal leikskólanna er samþykkt með fjórum atkvæðum með þessum breytingum
Lokað í haust - og vetrarfríi (fjórir dagar)
Dagar milli jóla og nýsárs, Dymbilvika og fimmta vika í sumarfríi verða skráningadagar. Fimmta vikan þarf að vera öðru hvoru megin við lokunardaga í sumarfríi.
Benedikt Snær er á móti lokun í vetrarfríi og getur því ekki samþykkt leikskóladagatal.

Á 358. fundi sveitarstjórnar þann 25. apríl sl. var eftirfarndi bókað:
"Á 1064. fundi byggðaráðs þann 13. apríl sl. var eftirfarandi bókað: "Á 1062. fundi byggðaráðs þann 16. mars sl. var eftirfarandi bókað: Sveitarstjóri gerði grein fyrir fundi með Snæbirni Sigurðarsyni, verkefnastjóri hjá Landsneti, föstudaginn 10. mars sl., um Dalvíkurlínu 2 og lagningu stíga meðfram lagnaleið. Sveitarstjóri leggur til að lögð verði áhersla á lagningu hjólastígs samhliða lagningu jarðstrengs frá Árskógarskóla til Dalvíkur. Jafnframt er lagt til að gengið verði frá yfirlýsingu og samningi við þá landeigendur sem heimila lagningu hjólastígs á landi þeirra, þrátt fyrir að hann komi ekki til fyrr en eftir einhver ár. Niðurstaða:Byggðaráð samþykkir samhljóða með 3 atkvæðum ofangreinda tillögu sveitarstjóra og vísar henni til umfjöllunar og afgreiðslu í sveitarstjórn. Með fundarboði byggðaráðs fylgdu samningsdrög um uppgjör landbóta vegna landsréttinda í þágu hjóla- og göngustígs. Niðurstaða:Byggðaráð samþykkir samhljóða með 3 atkvæðum fyrirliggjandi samningsdrög."Niðurstaða:Enginn tók til máls. Sveitarstjórn samþykkir samhljóða með 7 atkvæðum ofangreinda afgeiðslu byggðaráðs og fyrirliggjandi samningsdrög um uppgjör landbóta vegna landsréttinda í þágu hjóla- og göngustígs."

Á 1106.fundi byggðaráðs þann 8.maí sl. var eftirfarandi bókað:
Með fundarboði byggðaráðs fylgdu yfirlýsingar vegna göngu- og hjólastígs sem landeigendur í Dalvíkurbyggð hafa undirritað í tengslum við lagningu Dalvíkurlínu 2, sbr. rafpóstur dagsettur þann 30. apríl sl.
Byggðaráð samþykkir samhljóða með 2 atkvæðum fyrirliggjandi yfirlýsingar að hálfu Dalvíkurbyggðar.

Á 19. fundi skipulagsráðs þann 10. apríl sl. var eftirfarandi bókað:
"Erindi dagsett 3. apríl 2024 þar sem Kristín A. Símonardóttir óskar eftir að kaupa fjárhús sunnan Ásgarðs á Dalvík. Erindið var áður á dagskrá byggðaráðs Dalvíkurbyggðar þann 28.september 2023 og var því hafnað. Niðurstaða:Emil Júlíus Einarsson K-lista bar upp vanhæfi við afgreiðslu málsins og var það samþykkt. Vék hann af fundi undir umræðum og við afgreiðslu máls. Skipulagsráð fer ekki með sölu eigna Dalvíkurbyggðar og vísar því erindinu til afgreiðslu byggðaráðs. Samþykkt samhljóða með fjórum atkvæðum"

Á 1104.fundi byggðaráðs þann 23.apríl sl. var eftirfarandi bókað:
Byggðaráð samþykkir samhljóða með 3 atkvæðum að hafna ofangreindu erindi með vísan í bókun skipulagsráðs frá 13. september 2023.
Fjárhúsin eru á gildandi aðalskipulagi Dalvikurbyggðar 2008-2020. Svæði 407-Ó er óbyggt svæði sem skilgreint er sem framtíðarsvæði íbúabyggðar. Þar verði ekki heimilt að ráðstafa landi á þann hátt að hindri nýtingu landsins undir byggð síðar. Norðan við svæðið er landnoktunarreitur 406-V fyrir verslun og þjónustu sem er ætlað er fyrir blandaða byggð verslunar og þjónustu við íbúa. Svæðið verður andlit bæjarins gagnvart aðkomu úr suðri. Byggðaráð bendir jafnframt á að vinna við nýtt aðalskipulag er að hefjast þar sem skilgreind verður nýting svæðisins til framtíðar og samhliða því þarf þá skipulagsráð að taka til skoðunar framtíð húsanna í skipulagi sveitarfélagsins.

Á 20.fundi umhverfis- og dreifbýlisráðs þann 3.maí sl., var eftirfarandi bókað:
Deildarstjóri lagði fram tillögu að uppfærðum markmiðum hreinsunarátaks frá 2023.
Umhverfis- og dreifbýlisráð samþykkir framlögð markmið hreinsunarátaks.
Ráðið leggur til að hreinsunardagur á Dalvík verði laugardaginn 8.júní nk. Gert verði ráð fyrir rýmri opnunartíma á gámasvæði þann dag. Deildarstjóra er falið að auglýsa hreinsunardaga á Dalvík, Hauganesi og Árskógssandi.
Samþykkt samhljóða með fimm atkvæðum.

Á 1104. fundi byggðaráðs þann 23.apríl sl. var eftirfarandi bókað:
Tekið fyrir boð á ársfund Símey 29. apríl nk. kl. 14. Hægt er að taka þátt í gegnum TEAMS eða vera á staðnum, Þórsstíg 4 á Akureyri.
Byggðaráð samþykkir samhljóða með 3 atkvæðum að sviðsstjóri fræðslu- og menningarsviðs sæki fundinn fyrir hönd Dalvíkurbyggðar og fari með umboð sveitarfélagsins.

Á 20.fundi skipulagsráðs þann 8.maí sl. var eftirfarandi bókað:
Kynningu á skipulagslýsingu fyrir breytingu á Aðalskipulagi Dalvíkurbyggðar 2008-2020 vegna áforma um efnisnám í landi Grundar í Svarfaðardal lauk þann 20.mars sl.
Ein athugasemd barst. Umsagnir bárust frá Minjastofnun Íslands, Fiskistofu, Vegagerðinni, Umhverfisstofnun, Heilbrigðiseftirliti Norðurlands eystra, Skipulagsstofnun og Veiðifélagi Svarfaðardalsár.
Anna Kristín Guðmundsdóttir D-lista bar upp vanhæfi við afgreiðslu málsins og var það samþykkt. Vék hún af fundi undir umræðum og við afgreiðslu máls.
Skipulagsráð felur skipulagsfulltrúa að halda áfram vinnu við gerð aðalskipulagsbreytingar og leggja fram tillögu á vinnslustigi á næsta fundi.
Samþykkt samhljóða með fjórum atkvæðum.
Vísað til sveitarstjórnar til staðfestingar.

Á 20.fundi skipulagsráð var eftirfarandi bókað:
Kynningu á tillögu á vinnslustigi að breytingu á Aðalskipulagi Dalvíkurbyggðar 2008-2020 vegna stækkunar á íbúðarsvæðum ÍB-302 og ÍB-303 lauk þann 2.maí sl.
Engar athugasemdir bárust. Umsagnir bárust frá Rarik, Minjastofnun Íslands, Vegagerðinni og Mílu.
Skipulagsráð leggur til við sveitarstjórn að hún samþykki að tillagan verði auglýst skv. 41.gr skipulagslaga nr. 123/2010 með breytingum til samræmis við umsögn Vegagerðarinnar. Umræddar breytingar felast í því að fallið er frá stækkun íbúðarsvæðis ÍB-303 til austurs meðfram Ólafsfjarðarvegi.
Samþykkt samhljóða með fimm atkvæðum.

Á 20.fundi skipulagsráðs þann 8.maí sl. var eftirfarandi bókað:
Kynningu á vinnslutillögu fyrir breytingu á deiliskipulagi íbúðarsvæðis við Kirkjuveg vegna áforma um byggingu íbúða fyrir íbúa í aldurshópnum 60 ára og eldri lauk þann 2.maí sl.
Engar athugasemdir bárust.
Umsagnir bárust frá Minjastofnun Íslands, Rarik, Mílu, Vegagerðinni og Veitum Dalvíkurbyggðar.
Skipulagsráð leggur til við sveitarstjórn að hún samþykki framlagða tillögu að deiliskipulagi með þeirri breytingu að heimilt verði að reisa allt að þriggja hæða byggingu á lóð Dalbæjar og að tillagan verði auglýst skv. 41. gr. skipulagslaga nr. 123/2010, samhliða auglýsingu aðalskipulagsbreytingar.
Samþykkt samhljóða með fimm atkvæðum.

Á 20. fundi skipulagsráðs þann 8.maí sl. var eftirfarandi bókað:
Í kjölfar fundar með íbúum Skógarhóla 29 varðandi beiðni þeirra um að lóðin verði minnkuð og gata innan lóðar verði þar með í umsjá sveitarfélags leggur framkvæmdasvið til að gerð verði breyting á deiliskipulagi Hóla- og Túnahverfis til samræmis við ofangreint ásamt því að bætt verði við lóð og byggingarreit fyrir 3-4 íbúða raðhús á einni hæð á opnu svæði norðan við lóð Skógarhóla 29 og leiksvæði fært til norðurs.
Skipulagsráð leggur til við sveitarstjórn að hún samþykki að gerð verði breyting á deiliskipulagi Hóla- og Túnahverfis til samræmis við ofangreint.
Er breytingin óveruleg skv. 2.mgr. 43.gr. skipulagslaga nr. 123/2010 og skal hún grenndarkynnt skv. 44.gr. laganna.
Grenndarkynnt skal fyrir lóðarhöfum Skógarhólum 1, 3, 5, 7, 9, 11 og 23 og Böggvisbraut 16, 18 og 20.
Samþykkt samhljóða með fimm atkvæðum.

Á 20. fundi skipulagsráðs þann 8. maí sl. var eftirfarandi bókað:
Erindi dagsett 16.apríl 2024 þar sem Vífill Björnsson leggur fram fyrirspurn um breytta notkun húsnæðis á lóð L188976 við Svarfaðardalsveg.
Samkvæmt gildandi deiliskipulagi fyrir svæðið er núverandi húsnæði skilgreint sem kjúklingabú en fyrirhugað er að breyta því í geymslu- og lagerhúsnæði og fjölga eignarhlutum úr einum í fjórtán.
Meðfylgjandi er skýringaruppdráttur.
Skipulagsráð leggur til við sveitarstjórn að hún samþykki að gerð verði breyting á deiliskipulagi landbúnaðarsvæðis í landi Ytra Holts til samræmis við erindið.
Er breytingin óveruleg skv. 2.mgr. 43.gr. skipulagslaga nr. 123/2010 og skal hún grenndarkynnt skv. 44.gr. laganna.
Grenndarkynnt skal fyrir lóðarhöfum Holtsgötu 22 og Hestamannafélaginu Hring.
Samþykkt samhljóða með fimm atkvæðum.

Á 20. fundi skipulagsráðs þann 8. maí sl., var eftirfarandi bókað:
Erindi dagsett 26. apríl 2024 þar sem Sveinn Valdimar Ríkarðsson sækir um leyfi til breytingar á bílgeymslu á lóð nr. 28 við Svarfaðarbraut.
Umrædd breyting felst í því að setja lágt risþak á núverandi bílgeymslu. Hækkun á þakhæð er um 0,5 m í hæsta punkti.
Ekki er í gildi deiliskipulag á svæðinu.
Meðfylgjandi er skýringaruppdráttur.
Skipulagsráð leggur til við sveitarstjórn að hún samþykki að áformin verði grenndarkynnt skv. 44. gr. skipulagslaga nr. 123/2010.
Grenndarkynnt skal fyrir lóðarhöfum Svarfaðarbraut 26 og Sunnubraut 7 og 9.
Samþykkt samhljóða með fimm atkvæðum.

Á 20.fundi skipulagsráðs þann 8. maí sl. var eftirfarandi bókað:
Erindi dagsett 29.apríl 2024 þar sem Cristof Wenker sækir um frest til framkvæmda á frístundalóð nr. 8 í landi Hamars.
Lóðinni var úthlutað þann 5.maí 2022.
Skipulagsráð samþykkir að veita framlengdan frest til framkvæmda til 1.ágúst 2024.
Samþykkt samhljóða með fimm atkvæðum.

Á 368. fundi sveitarstjórnar þann 16. apríl sl. var eftirfarandi bókað:
"Á 19. fundi skipulagsráðs þann 10. apríl sl. var eftirfarandi bókað: "Kynningu tillögu á vinnslustigi að breytingu á deiliskipulagi fyrir lóð nr. 31 við Öldugötu, Árskógssandi lauk þann 19. mars sl. Tólf athugasemdir bárust auk umsagna frá Minjastofnun Íslands og Heilbrigðiseftirliti Norðurlands eystra. Niðurstaða:Skipulagsráð leggur til við sveitarstjórn að hún samþykki að unnin verði endanleg skipulagstillaga í samræmi við framlögð gögn og að tillagan verði auglýst skv. 41. gr. skipulagslaga nr. 123/2010. Á auglýsingatíma verði jafnframt lögð fram þrívíddarmynd af fyrirhuguðum mannvirkjum á lóð nr. 31 við Öldugötu. Þorsteinn Ingi Ragnarsson B-lista leggur fram eftirfarandi bókun: "Breyting þessi á deiliskipulagi gerir það að verkum að stærð og umfang bygginga er óæskilegt m.t.t. nálægðar við núverandi og fyrirhugaða íbúðabyggð." Samþykkt með þremur atkvæðum. Þorsteinn Ingi Ragnarsson greiðir atkvæði gegn tillögunni og Katrín Sif Ingvarsdóttir K-lista situr hjá við afgreiðslu málsins. "Niðurstaða:Til máls tóku: Freyr Antonsson, forseti sveitarstjórnar, sem leggur til að þessum lið verði frestað og málinu vísað til byggðaráðs til frekari umræðu. Byggðaráði er falið að ræða við umsækjendur og kanna aðrar leiðir til uppbyggingar starfsemi Laxós ehf. í Dalvíkurbyggð. Monika Margrét Stefánsdóttir ítrekar bókun Þorsteins Inga Ragnarssonar fyrir hönd B-lista: Breyting þessi á deiliskipulagi gerir það að verkum að stærð og umfang bygginga er óæskilegt m.t.t. nálægðar við núverandi og fyrirhugaða íbúðabyggð. Fleiri tóku ekki til máls. a) Sveitarstjórn samþykkir samhljóða með 7 atkvæðum ofangreinda tillögu Freys Antonssonar. b) Monika Margrét Stefánsdóttir og Lilja Guðnadóttir greiða atkvæði með bókun Moniku Margrétar, en 5 sitja hjá. "

Á 1106.fundi byggðaráðs þann 8.maí sl. var eftirfarandi bókað:
Byggðaráð samþykkir samhljóða með 3 atkvæðum að óska eftir að fá Guðmund Val Stefánsson á fund byggðaráðs í gegnum TEAMS.

Á 1103.fundi byggðaráðs þann 11.apríl 2024 var eftirfarandi bókað:
Undir þessum lið komu á fund byggðaráðs kl. 13:15, Þorsteinn G. Þorsteinsson, löggiltur endurskoðandi sveitarfélagsins frá KPMG, sveitarstjórnarfulltrúinn Freyr Antonsson og sviðsstjórarnir Eyrún Rafnsdóttir, sviðsstjóri félagsmálasviðs og Gísli Bjarnason, sviðsstjóri fræðslu- og menningarsviðs. Þorsteinn fór yfir helstu niðurstöður úr ársreikningi. Þorsteinn, Freyr og Eyrún viku af fundi kl. 14:37.
Niðurstaða: Byggðaráð samþykkir samhljóða með 3 atkvæðum að vísa ársreikningi Dalvíkurbyggðar fyrir árið 2023 til fyrri umræðu í sveitarstjórn.

Með fundarboði sveitarstjórnar fylgdi ársreikningur Dalvíkurbyggðar fyrir árið 2023, sundurliðun ársreiknings 2023, skýrsla til sveitarstjóra um stjórnsýsluendurskoðun 2023 og endurskoðunarskýrsla 2023.
Til máls tók: Eyrún Ingibjörg Sigþórsdóttir, sveitarstjóri sem gerði grein fyrir helstu forsendum og niðustöðum ársreiknings.

Helstu niðurstöður:
Rekstrarniðurstaða samstæðu A- og B- hluta er jákvæð um kr. 260.337.000.
Rekstrarniðurstaða A-hluta (Aðalsjóður og Eignasjóður) er jákvæð um kr. 206.244.000.
Fjárfestingar samstæðu A- og B-hluta voru kr. 180.302.000.
Lántaka var kr. 0 og afborganir langtímalána samstæðu A- og B- hluta voru kr. 120.012.000.
Handbært fé frá rekstri samstæðu A- og B- hluta var kr. 602.554.000 og veltufé frá rekstri fyrir samstæðuna var kr. 609.715.000.

Fleiri tóku ekki til máls.
Niðurstaða: Sveitarstjórn samþykkir samhljóða með 7 atkvæðum að vísa ársreikningi Dalvíkurbyggðar 2023 til síðari umræðu í sveitarstjórn þriðjudaginn 14. maí nk.

Með fundarboði sveitarstjórnar fylgdi eftirfarandi tillaga vegna kosninga til Forseta Íslands, laugardaginn 1.júní 2024.

a)
Kjörskrá
Samkvæmt Samþykkt um stjórn Dalvíkurbyggðar þá hefur byggðaráð umboð sveitarstjórnar að semja kjörskrá vegna almennra kosninga, fjalla um athugasemdir, gera nauðsynlegar leiðréttingar og úrskurðar um ágreiningsmál sem upp kunna að koma fram að kjördegi.
Samkvæmt nýjum kosningalögum þá þarf sveitarstjórn ekki lengur að staðfesta kjörskrá og þar af leiðandi þarf ekki lengur að undirrita kjörskrá þegar hún er lögð fram almenningi til sýnis. Jafnframt tekur núna Þjóðskrá Íslands við athugasemdum við kjörskrá.

b)
Ákvörðun sveitarstjórnar um fjölda kjördeilda og kjörstaði vegna forsetakosninga 1. júní 2024, sbr. 11. gr. III. kafla kosningalaga nr. 112 frá 25. júní 2021 og sbr. 78 gr. XIII. kafla sömu laga, með síðari breytingum.

Sbr. 11. og 78. gr. kosningalaga nr. 112 frá 25. júní 2021 með síðari breytingum samþykkir sveitarstjórn eina kjördeild í Dalvíkurbyggð og verður hún í Dalvíkurskóla, líkt og verið hefur undanfarnar kosningar.