Umsókn um framkvæmdarleyfi vegna malartöku í landi Grundar, Svarfaðardal 2023

Með innsendu erindi dags. 5. maí 2023 óskar Friðrik Þórarinsson eftir framkvæmdarleyfi fyrir efnistöku úr Svarfaðardalsá í landi Grundar. Meðfylgjaldi er umsögn Fiskistofu og veiðifélags Svarfaðardalsár.
Óskað er eftir heimild til 5 ára að taka í heild 20.000 m3 af möl (um 4000 m3 á ári) úr þremur áreyrum á þremur samliggjandi stöðum í Svarfaðardalsá í landi Grundar. Ekkert efnistökusvæði er skilgreint á umræddu svæði í landi Grundar í Aðalskipulagi Dalvíkurbyggðar 2008-2020.

Lögð fram skipulagslýsing fyrir breytingu á Aðalskipulagi Dalvíkurbyggðar 2008-2020 vegna áforma um efnisnám úr Svarfaðardalsá í landi Grundar í Svarfaðardal, unnin af Teiknistofu arkitekta.

Á 15. fundi skipulagsráðs þann 13. desember sl. var eftirfarandi bókað:
"Lögð fram skipulagslýsing fyrir breytingu á Aðalskipulagi Dalvíkurbyggðar 2008-2020 vegna áforma um efnisnám úr Svarfaðardalsá í landi Grundar í Svarfaðardal, unnin af Teiknistofu arkitekta.Niðurstaða:Skipulagsráð leggur til við sveitarstjórn að hún samþykki framlagða skipulagslýsingu og að lýsingin verði kynnt skv. 3. mgr. 40. gr. skipulagslaga nr. 123/2010. Samþykkt samhljóða með fimm atkvæðum. "

Kynningu á skipulagslýsingu fyrir breytingu á Aðalskipulagi Dalvíkurbyggðar 2008-2020 vegna áforma um efnisnám í landi Grundar í Svarfaðardal lauk þann 20.mars sl.
Ein athugasemd barst. Umsagnir bárust frá Minjastofnun Íslands, Fiskistofu, Vegagerðinni, Umhverfisstofnun, Heilbrigðiseftirliti Norðurlands eystra, Skipulagsstofnun og Veiðifélagi Svarfaðardalsár.

Á 20.fundi skipulagsráðs þann 8.maí sl. var eftirfarandi bókað:
Kynningu á skipulagslýsingu fyrir breytingu á Aðalskipulagi Dalvíkurbyggðar 2008-2020 vegna áforma um efnisnám í landi Grundar í Svarfaðardal lauk þann 20.mars sl.
Ein athugasemd barst. Umsagnir bárust frá Minjastofnun Íslands, Fiskistofu, Vegagerðinni, Umhverfisstofnun, Heilbrigðiseftirliti Norðurlands eystra, Skipulagsstofnun og Veiðifélagi Svarfaðardalsár.
Anna Kristín Guðmundsdóttir D-lista bar upp vanhæfi við afgreiðslu málsins og var það samþykkt. Vék hún af fundi undir umræðum og við afgreiðslu máls.
Skipulagsráð felur skipulagsfulltrúa að halda áfram vinnu við gerð aðalskipulagsbreytingar og leggja fram tillögu á vinnslustigi á næsta fundi.
Samþykkt samhljóða með fjórum atkvæðum.
Vísað til sveitarstjórnar til staðfestingar.

Á fundi skipulagsráðs þann 8.maí sl. var bókað að lögð skyldi fram tillaga á vinnslustigi að breytingu á Aðalskipulagi Dalvíkurbyggðar 2008-2020 vegna áforma um efnisnám úr Svarfaðardalsá í landi Grundar.
í ljósi þess að Úrskurðarnefnd umhverfis- og auðlindamála hefur fellt úr gildi heimild Fiskistofu frá 12.maí 2023 til efnistöku á umræddu svæði er málið lagt fyrir til umræðu um framhald þess.

Á 21. fundi skipulagsráðs þann 4. júní sl. var eftirfarandi bókað:
"Á fundi skipulagsráðs þann 8.maí sl. var bókað að lögð skyldi fram tillaga á vinnslustigi að breytingu á Aðalskipulagi Dalvíkurbyggðar 2008-2020 vegna áforma um efnisnám úr Svarfaðardalsá í landi Grundar. í ljósi þess að Úrskurðarnefnd umhverfis- og auðlindamála hefur fellt úr gildi heimild Fiskistofu frá 12.maí 2023 til efnistöku á umræddu svæði er málið lagt fyrir til umræðu um framhald þess. Niðurstaða:Anna Kristín Guðmundsdóttir D-lista bar upp vanhæfi við afgreiðslu málsins og var það samþykkt. Vék hún af fundi undir umræðum og við afgreiðslu máls. Í ljósi úrskurðar Úrskurðarnefndar umhverfis- og auðlindamála dags. 24.maí 2024 þar sem fellt er úr gildi leyfi Fiskistofu dags. 12.maí 2023 til malartöku úr Svarfaðardalsá í landi Grundar leggur skipulagsráð til við sveitarstjórn að frekari vinnu við breytingu á Aðalskipulagi Dalvíkurbyggðar 2008-2020 vegna áforma um efnisnám á svæðinu verði frestað þar til fyrir liggur álit Skipulagsstofnunar um matsskyldu fyrirhugaðrar framkvæmdar. Samþykkt samhljóða með fjórum atkvæðum."