Byggðaráð

Undir þessum lið komu á fund byggðaráðs Sigurgeir B. Hreinsson, framkvæmdastjóri Búnaðarsambands Eyjafjarðar, og Óðinn Steinsson, verkefnastjóri þvert á svið, kl. 13:15.

Á 370. fundi sveitarstjórnar þann 18. júní sl. var eftirfarandi bókað:
"Til máls tóku: Freyr Antonsson, sem gerði grein fyrir samantekt frá Búnaðarsambandi Eyjafjarðar á tjóni vegna kals í túnum og ótíðar í byrjun júní 2024 í Dalvíkurbyggð og lögð var fram á fundinum. Kristinn Bogi Antonsson. Freyr Antonsson leggur fram eftirfarandi bókun: Tún á Norðausturlandi eru víða mjög illa leikin, miklar kalskemmdir hafa komið í ljós á túnum bænda, einna helst í vestanverðum Eyjafirði. Ástandið er verst í Svarfaðardal og þar eru dæmi um að 90% túna séu ónýt. Er kalið það versta sem sést hefur í 40 ár! Það er því mikil vinna, að græða upp túninn og því fylgir gríðarlegur kostnaður. Í Dalvíkurbyggð er áætlað að um 1200 hektarar séu skemmdir og kostnaður vegna uppgræðslu og fóðurkaupa gæti numið 200 milljónum. Bjargráðasjóður á að bæta sem verður vegna kals, en þar er fjármögnun ótrygg, þó hefur ríkið ávallt brugðist við stórtjónum af völdum náttúrunnar. Mikilvægt er að fjárlaganefnd tryggi fjármögnun þannig að bændum verði bættur skaðinn. Tjónið er grafalvarlegt og ógnar erfiðri afkomu bænda. Mikilvægt er að samfélagið sýni stuðning og þrýsti á um að staðið verði við að bæta það tjón sem orðið er. Sveitarstjórn feli byggðaráði og umhverfis- og dreifbýlisráði að fylgja málinu eftir og fylgjast grannt með framvindu. Fleiri tóku ekki til máls.Niðurstaða:Sveitarstjórn samþykkir samhljóða með 7 atkvæðum ofangreinda tillögu forseta sveitarstjórnar að bókun."

Til umræðu ofangreint.

Sigurgeir vék af fundi kl. 13:48.
Óðinn vék af fundi kl. 13:48.

Tekið fyrir erindi frá deildarstjóra Eigna- og framkvæmdardeildar, dagsett þann 1. júlí 2024, þar sem óskað er eftir viðauka við fjárhagsáætlun 2024 til að klára þá verkþætti sem teknir voru út úr verksamningi vegna endurnýjun lóðar á Krílakoti og samið um sérstaklega.


Fyrir liggur samkomulag við Steypustöðina á Dalvík ehf. um ný einingaverð fyrir sjö af þeim verkþáttum sem teknir voru út úr samningi en tveir verða felldir niður. Samkomulagið hljóðar upp á kr. 4.107.500. Einnig er búið að bæta við einum verkþætti sem ekki var í útboði; lagning snjóbræðslu undir hellulögn á ungbarnasvæði. Óskað er eftir viðauka við fjárhagsáætlun 2024 að upphæð kr. 4.727.500.

Á 1108. fundi byggðaráðs þann 23. maí sl. var eftirfarandi bókað:
"Tekið fyrir erindi frá slökkviliðsstjóra, dagsett þann 14. maí 2024, þar sem sóakð er eftir viðauka vegna endurnýjunar á reykköfunarkútum. Keyptir voru 8 nýjir kútar sem ekki var gert ráð fyrir á áætlun 2024. Óskað er eftir kr. 982.000 viðauka á fjárhagsáætlun 2024, deild 07210, lykil 2810. Niðurstaða:Lagt fram til kynningar."

Tekið fyrir erindi frá slökkviliðsstjóra, dagsett þann 1. júlí 2024, þar sem óskað er eftir viðauka til kaupa á handverkfærum og öðrum búnaði á nýjan slökkvibíl. Á fjárhagsáætlun 2024 er gert ráð fyrir kr. 1.500.000 til þessa verks en þar sem ófyrirséð afföll urðu á öðrum búnaði liðsins þurfi að nota hluta heimild til búnaðarkaupa til að bregðast við kaupum á reykköfunarkútum. Óskað er eftir viðauka að upphæð kr. 982.000.

Á 1113. fundi byggðaráðs þann 27. júní sl. var m.a. eftirfarandi bókað:
"Með fundarboði fylgdi tillaga frá sveitarstóra að starfslýsingu og uppfært minnisblað.Niðurstaða:Byggðaráð samþykkir samhljóða með 3 atkvæðum fyrirliggjandi tillögu að starfslýsingu fyrir nýtt starf Hafnastjóra og felur sveitarstjóra auglýsa starfið og leggja fyrir byggðaráð launaviðauka, viðauki nr. 22, fyrir næsta fund byggðaráðs."

Með fundarboði byggðaráðs fylgdi viðaukabeiðni vegna launa að upphæð kr. 5.706.454 á deild 41210 vegna starfs Hafnastjóra.

Bókað í trúnaðarmálabók.
Byggðaráð samþykkir samhljóða með 3 atkvæðum viðauka nr. 27 við fjárhagsáætlun 2024, að upphæð kr. 5.069.621 launa vegna afleysingar og að honum verði mætt með lækkun á handbæru fé.

Bókað í trúnaðarmálabók.

Byggðaráð samþykkir samhljóða viðaukabeiðni, viðauki nr. 26 við fjárhagsáætlun 2024, að upphæð kr. 3.468.044 vegna launa.
Byggðaráð samþykkir jafnframt samhljóða að viðaukanum verði mætt með lækkun á handbæru fé.

Á 370. fundi sveitarstjórnar þann 18 júní sl. var eftirfarandi bókað:
"Á 41. fundi skólanefndar TÁT þann 31. maí sl. var eftirfarandi bókað: "Guðrún Pálína Jóhannsdóttir, fer yfir hvaða breytingar þarf að gera er varðar Sportabler, reikningagerð og bókhald hjá Dalvíkurbyggð.Niðurstaða:Skólanefnd TÁT samþykkir með þremur atkvæðum að fara í þessar breytingar á innheimtukerfi og óska eftir að Guðrún Pálína Jóhannsdóttir, sviðsstjóri fjármála- og stjórnsýslu hjá Dalvíkurbyggð, leggi fyrir minnisblað er varðar kostnað við þessar breytingar inn í Bæjarráð Fjallabyggðar og Byggðaráð Dalvíkurbyggðar." Með fundarboði sveitarstjórnar fylgdi minnisblað sviðsstjóra fjármála- og stjórnsýslusviðs, dagsett þann 28. maí sl. Lagt er til að sett verði upp stafræn vefumsókn með beintengingu við Sveitagáttina / BC fyrir skráningu í TÁT, Sportabler sleppt en boðið verðir upp á að sækja um frístundastyrk sem og ganga frá skráningu frístundastyrks ásamt bókun. Áætlaður kostnaður vegna þessa er um kr. 670.000 fyrir utan mánaðargjöld.Niðurstaða:Til máls tók: Freyr Antonsson, forseti sveitarstjórnar. Fleiri tóku ekki til máls. Sveitarstjórn samþykkir samhljóða með 7 atkvæðum að farin verði sú leið sem lögð er til í ofangreindu minnisblaði. Kostnaður vegna þessa fari á deild 04540 og skiptist í hlutföllum á milli sveitarfélaganna samkvæmt samstarfssamningi. Jafnframt fari kostnaður vegna mánaðargjalds á deild 04540 og skiptist í sömu hlutföllum þar til Dalvíkurbyggð ákveður að innleiða vefumsóknir fyrir annað."

Á fundi bæjarráðs Fjallabyggðar 21. júní sl. var eftirfarandi bókað:
"Innheimta skólagjalda hjá TÁT mál nr. 2406032
Lagt fram erindi frá Dalvíkurbyggð varðandi innheimtu skólagjalda hjá Tónlistarskólanum á Tröllaskaga, TÁT.
Lagt er til að sett verði upp stafræn vefumsókn með beintengingu við sveitargáttina hjá Dalvíkurbyggð í stað þess að innheimta gjöld í gegnum Sportabler eins og nú er gert.
Niðurstaða:
Bæjarráð samþykkir þátttöku Fjallabyggðar og felur deildarstjóra fræðslu-, frístunda- og menningarmála að ræða við Dalvíkurbyggð og afgreiða fyrir hönd Fjallabyggðar."

Með fundarboði byggðaráðs fylgdi rafpóstir deildarstjóra fræðslu-, frístunda- og menningarmála Fjallabyggðar, dagsettur þann 25. júní sl. með afgreiðslu fyrir hönd Fjallabyggðar.

Á 1105. fundi byggðaráðs þann 2. maí sl. var eftirfarandi bókað:
"Á 1102. fundi byggðaráðs þann 4. apríl sl. var eftirfarandi bókað: "Tekið fyrir erindi frá Eignarhaldsfélagi Brunabótafélags Íslands, dagsett þann 21. mars sl., þar sem fram kemur að aðildarsveitarfélög EBÍ geta sótt um styrk í Styrktarsjóð EBÍ fyrir apríllok. Hvert sveitarfélag getur sent inn eina umsókn um sérstök framfaraverkefna á vegum sveitarfélags Niðurstaða:Byggðaráð samþykkir samhljóða með 3 atkvæðum að fela upplýsingafulltrúa að koma með tillögur að verkefnum sem Dalvíkurbyggð ætti að sækja um styrk fyrir." Með fundarboði fylgdi rafpóstur frá EBÍ, dagsettur þann 24. apríl sl., þar sem upplýst er um að umsóknarfrestur hefur verið framlengdur til 7. maí nk. Með fundarboði fylgdi einnig minnisblað upplýsingafulltrúa með tillögum að verkefnum til að sækja um styrk fyrir í styrktarsjóð EBÍ, 1) Skilti fyrir vetrarferðamennsku. 2) Instagram vænir rammar /staðir.Niðurstaða:Byggðaráð samþykkir samhljóða með 3 atkvæðum að sótt verði um styrk fyrir verkefnið um skilti fyrir vetrarferðamennsku."

Með fundarboði byggðaráðs fylgdi rafpóstur frá EBÍ, dagsettur þann 7. júní sl., þar sem fram kemur að Dalvíkurbyggð var úthlutað styrk að upphæð kr. 400.000 vegna skiltis fyrir vetrarferðamennsku.

Lagðar fram til kynningar fundargerðir stjórnar Sambands íslenskra sveitarfélaga nr. 949 og nr. 950.

Á 22. fundi skipulagsráðs þann 28. júni sl. var eftirfarandi bókað:
"Auglýsingu tillögu að breytingu á Aðalskipulagi Dalvíkurbyggðar 2008-2020 lauk þann 9. júní sl. Engar athugasemdir bárust. Umsagnir bárust frá Mílu, Minjastofnun Íslands og Vegagerðinni. Niðurstaða:Skipulagsráð leggur til við sveitarstjórn að hún samþykki framlagða tillögu að breytingu á Aðalskipulagi Dalvíkurbyggðar 2008-2020 skv. 1. mgr. 32. gr. skipulagslaga nr. 123/2010. Samþykkt samhljóða með fimm atkvæðum."

Á 22. fundi skipulagsráðs þann 28. júní sl. var eftirfarandi bókað:
"Auglýsingu tillögu að nýju deiliskipulagi fyrir 2. áfanga frístundabyggðar í landi Skáldalækjar ytri lauk þann 9. júní sl. Engar athugasemdir bárust. Umsagnir bárust frá Mílu, Rarik, slökkviliði Dalvíkurbyggðar, Minjastofnun Íslands og Vegagerðinni. Landeigendur á svæðinu hafa lagt til að nýr vegur innan svæðisins fái heitið Skáldalækjartröð.Niðurstaða:Skipulagsráð leggur til við sveitarstjórn að hún samþykki framlagða tillögu að deiliskipulagi fyrir 2.áfanga frístundabyggðar í landi Skáldalækjar með þeirri breytingu eftir auglýsingu að vegur innan svæðisins (merktur "aðkoma") fái heitið Skáldalækjartröð til samræmis við tillögur landeigenda. Skipulagsráð leggur áherslu á að hugað verði sérstaklega að staðsetningu brunahana á svæðinu í samræmi við umsögn slökkviliðsstjóra. Samþykkt samhljóða með fimm atkvæðum."

Á 22. fundi skipulagsráðs þann 28. júní sl. var eftirfarandi bókað:
"Lögð fram uppfærð tillaga að breytingu á deiliskipulagi atvinnu- og íbúðarsvæðis á Árskógssandi til samræmis við bókun skipulagsráðs frá 4. júní sl. Uppfærð tilaga gerir ráð fyrir að sömu útlitsskilmálar gildi um alla bygginarreiti innan lóðarinnar. Niðurstaða:Skipulagsráð leggur til við sveitarstjórn að hún samþykki framlagða tillögu og að tillagan verði auglýst skv. 41. gr. skipulagslaga nr. 123/2010. Á auglýsingatíma verði efnt til íbúafundar þar sem lóðarhafi kynni áform um uppbyggingu á svæðinu. Samþykkt með fjórum atkvæðum. Þorsteinn Ingi Ragnarsson B-lista greiðir atkvæði gegn tillögunni og ítrekar fyrri bókun sína frá 19. fundi skipulagsráðs þann 10.apríl sl. "

Á 22. fundi skipulagsráðs þann 28. júní sl. var eftirfarandi bókað:
"Lögð fram tillaga Eflu verkfræðistofu f.h. Norðurorku hf. að breytingu á Aðalskipulagi Dalvíkurbyggðar 2008-2020 vegna nýs athafnasvæðis í landi Ytri Haga og hitaveitulagnar frá borholum í landi Ytri Haga að Hjalteyri. Meðfylgjandi skipulagslýsing. Niðurstaða:Skipulagsráð leggur til við sveitarstjórn að hún samþykki að gerð verði breyting á Aðalskipulagi Dalvíkurbyggðar til samræmis við framlögð gögn. Þá leggur skipulagsráð til við sveitarstjórn að hún samþykki framlagða lýsingu og að lýsingin verði kynnt skv. 1. mgr. 30. gr. skipulagslaga nr. 123/2010. Samþykkt samhljóða með fimm atkvæðum."

Á 22. fundi skipulagsráðs þann 28. júní sl. var eftirfarandi bókað:
"Sveitarstjórn Dalvíkurbyggðar samþykkti þann 16. apríl sl. að gera óverulega breytingu á Aðalskipulagi Dalvíkurbyggðar 2008-2020 vegna áforma um nýtt 0,05 ha iðnaðarsvæði á Hauganesi. Skipulagsstofnun hefur óskað eftir frekari rökstuðningi vegna ákvörðunar sveitarstjórnar. Niðurstaða:Skipulagsráð leggur til við sveitarstjórn að hún samþykki framlagðan rökstuðning fyrir ákvörðun um óverulega breytingu á aðalskipulagi skv. 2. mgr. 36. gr. skipulagslaga nr. 123/2010. Samþykkt samhljóða með fimm atkvæðum."

Á 22. fundi skipulagsráðs þann 28. júní 2024 var eftirfarandi bókað:
"Erindi Hörgársveitar dags. 3. júní 2024 þar sem óskað er umsagnar Dalvíkurbyggðar um tillögu að breytingu á Aðalskipulagi Hörgársveitar 2012-2024. Umsagnarfrestur er veittur til 15. júlí 2024. Niðurstaða:Skipulagsráð gerir ekki athugasemdir við framlagða tillögu. "

Á 22. fundi skipulagsráðs þann 28. júní sl. var eftirfarandi bókað:
"Erindi Fjallabyggðar dags. 3. júní 2024 þar sem óskað er umsagnar Dalvíkurbyggðar um tillögu að breytingu á Aðalskipulagi Fjallabyggðar 2020-2032 vegna breytinga á hafnarsvæði á Siglufirði. Umsagnarfrestur er veittur til 19. júlí 2024. Niðurstaða:Skipulagsráð gerir ekki athugasemdir við framlagða tillögu. "

Á 22. fundi skipulagsráðs þann 28. júní sl. var eftirfarandi bókað:
"Erindi dagsett 5. júní 2024 þar sem Tryggvi Kristbjörn Guðmundsson sækir um stækkun bílgeymslu á lóðinni Árgerði (L152225) á Árskógssandi . Til stendur að breikka bílgeymsluna til austurs um 2 m. Ekki er í gildi deiliskipulag á svæðinu. Meðfylgjandi er afstöðumynd. Niðurstaða:Að mati skipulagsráðs er ekki þörf á að grenndarkynna áformin skv. 3. mgr. 43. gr. skipulagslaga nr. 123/2010 þar sem um svo óverulegt frávik er að ræða að ekki er talið að hagsmunir nágranna skerðist hvað varðar landnotkun, útsýni, skuggavarp eða innsýn. Samþykkt samhljóða með fimm atkvæðum. Vísað til sveitarstjórnar til staðfestingar og afgreiðslu byggingarfulltrúa í kjölfarið. "

Á 22. fundi skipulagsráðs þann 28. júní sl. var eftirfarandi bókað:
"Lögð fram uppfærð afstöðumynd af fyrirhuguðu sumarhúsi á lóðinni Rikkubæ í landi Kóngsstaða til samræmis við bókun skipulagsráðs frá 8. nóvember 2023. Málið varðar umsókn um byggingarleyfi fyrir sumarhúsi á lóðinni. Ekki er í gildi deiliskipulag á svæðinu. Niðurstaða:Skipulagsráð leggur til við sveitarstjórn að áformin verði grenndarkynnt í samræmi við 44. gr. skipulagslaga nr. 123/2010. Grenndarkynnt skal fyrir landeigendum Kóngsstaða. Samþykkt samhljóða með fimm atkvæðum."

Erindi frá byggingarfulltrúa Dalvíkurbyggðar dags. 28. júní 2024 þar sem óskað er eftir afstöðu skipulagsráðs varðandi byggingu vélageymslu og aðstöðuhúss á lóð Skíðafélags Dalvíkur við Brekkusel.
Hæð fyrirhugaðrar byggingar er 5,3 m en skilmálar deiliskipulags fyrir svæðið kveða á um hámarkshæð 5 m.

Á 22. fundi skipulagsráðs þann 28. júní sl. var eftirfarandi bókað:
"Erindi dagsett 10.júní 2024 þar sem EGO hús ehf. sækir um lóð nr. 6 við Lokastíg á Dalvík.Niðurstaða:Skipulagsráð samþykki erindið. Deiliskipulagsskilmálar ásamt almennum byggingarskilmálum gilda. Samþykkt samhljóða með fimm atkvæðum. Vísað til sveitarstjórnar til staðfestingar."

Á 22. fundi skipulagsráðs þann 28. júní sl. var eftirfarandi bókað:
"Erindi dagsett 21. júní 2024 þar sem Valgerður I.R. Guðmundsdóttir sækir um frest til framkvæmda á lóð nr. 24 við Hringtún. Lóðinni var úthlutað til lóðarhafa þann 23. janúar sl. Niðurstaða:Skipulagsráð samþykkir að framlengja framkvæmdafrest um 3 mánuði, eða til 23.október 2024. Samþykkt samhljóða með fimm atkvæðum."

Tekið fyrir erindi frá deildarstjóra Eigna- og framkvæmdadeildar, dagsett þann 2. júlí sl., þar sem fram kemur að ekkert tilboð barst í verkið vegna endurbóta á Sundlaug Dalvíkur í Íþróttamiðstöðinni. Lagt er til að framkvæmdum verði frestað í ár og útboðið verði auglýst aftur strax í byrjun næsta árs með verktíma að vori og fram á sumar.

Tekið fyrir erindi frá Bátum og búnaði ehf., dagsett þann 3. júlí sl., þar sem óskað er eftir yfirlýsingu sveitarfélagsins að Dalvíkurbyggð ætli ekki að nýta sér forkaupsrétt að skipinu Rún EA351. Samkvæmt lögum um stjórn fiskveiða nr. 116/2006, 12. grein, 3. mgr., þá er kveðið á um að eigi að selja fiskiskip, sem leyfi hefur til veiða í atvinnuskyni, til útgerðar sem heimilisfesti hefur í öðru sveitarfélagi en seljandi á sveitarstjórn í sveitarfélagi seljanda forkaupsrétt að skipinu. Ákvæði þessarar greinar um forkaupsrétt gilda ekki við sölu opinna báta.

Lögð fram til kynningar fundargerð skipulagsráðs nr. 22 frá 28. júní sl.

Enginn tók til máls um fundargerðina.