Athafnasvæði og hitaveitulögn í landi Ytri Haga - umsókn um breytingu á aðalskipulagi

Lögð fram tillaga Eflu verkfræðistofu f.h. Norðurorku hf. að breytingu á Aðalskipulagi Dalvíkurbyggðar 2008-2020 vegna nýs athafnasvæðis í landi Ytri Haga og hitaveitulagnar frá borholum í landi Ytri Haga að Hjalteyri.
Meðfylgjandi skipulagslýsing.

Á 22. fundi skipulagsráðs þann 28. júní sl. var eftirfarandi bókað:
"Lögð fram tillaga Eflu verkfræðistofu f.h. Norðurorku hf. að breytingu á Aðalskipulagi Dalvíkurbyggðar 2008-2020 vegna nýs athafnasvæðis í landi Ytri Haga og hitaveitulagnar frá borholum í landi Ytri Haga að Hjalteyri. Meðfylgjandi skipulagslýsing. Niðurstaða:Skipulagsráð leggur til við sveitarstjórn að hún samþykki að gerð verði breyting á Aðalskipulagi Dalvíkurbyggðar til samræmis við framlögð gögn. Þá leggur skipulagsráð til við sveitarstjórn að hún samþykki framlagða lýsingu og að lýsingin verði kynnt skv. 1. mgr. 30. gr. skipulagslaga nr. 123/2010. Samþykkt samhljóða með fimm atkvæðum."

Á fundi byggðaráðs þann 4.júlí sl. var samþykkt að setja lýsingu fyrir breytingu á Aðalskipulagi Dalvíkurbyggðar 2008-2020 vegna áforma um athafnasvæði í landi Ytri Haga í kynningu skv. 1. mgr. 30. gr. skipulagslaga nr. 123/2010.
Skipulagstillagan gerir ráð fyrir að skilgreint verði nýtt 5 ha athafnasvæði fyrir borholur og tengd mannvirki á landi sem skilgreint er sem landbúnaðarland í gildandi aðalskipulagi. Þá gerir tillagan jafnframt ráð fyrir vegtengingu frá Ólafsfjarðarvegi að athafnasvæði og hitaveitulögn frá athafnasvæði og að sveitarfélagsmörkum við Hörgársveit.
Með hliðsjón af uppfærðum gögnum frá umsækjanda er málið lagt fyrir á nýjan leik til afgreiðslu sem óveruleg breyting á aðalskipulagi.

Meðfylgjandi er aðalskipulagsuppdráttur ásamt greinargerð.