Byggðaráð

Lagt fram minnisblað skipulagsfulltrúa um ferli skipulagsbreytinga á lóðum nr. 31, 33 og 35 við Öldugötu, Árskógssandi.

Á fundi byggðaráðs þann 4.júlí sl. var samþykkt að setja lýsingu fyrir breytingu á Aðalskipulagi Dalvíkurbyggðar 2008-2020 vegna áforma um athafnasvæði í landi Ytri Haga í kynningu skv. 1. mgr. 30. gr. skipulagslaga nr. 123/2010.
Skipulagstillagan gerir ráð fyrir að skilgreint verði nýtt 5 ha athafnasvæði fyrir borholur og tengd mannvirki á landi sem skilgreint er sem landbúnaðarland í gildandi aðalskipulagi. Þá gerir tillagan jafnframt ráð fyrir vegtengingu frá Ólafsfjarðarvegi að athafnasvæði og hitaveitulögn frá athafnasvæði og að sveitarfélagsmörkum við Hörgársveit.
Með hliðsjón af uppfærðum gögnum frá umsækjanda er málið lagt fyrir á nýjan leik til afgreiðslu sem óveruleg breyting á aðalskipulagi.

Meðfylgjandi er aðalskipulagsuppdráttur ásamt greinargerð.

Erindi dagsett 17.júlí 2024 þar sem Skíðafélag Dalvíkur sækir um framkvæmdaleyfi fyrir lagningu rafmagnsstrengs í jörðu frá dælustöð skíðafélagsins að götukassa við neðri lyftu við Brekkusel.
Meðfylgjandi er skýringarmynd.

Þann 2.júlí sl., tilkynnti háskóla-, iðnaðar- og nýsköpunarráðherra um þau áform að klára ljósleiðaravæðingu landsins. Opinbert markmið stjórnvalda um aðgengi að ljósleiðara hefur verið að allir þéttbýlisstaðir og byggðakjarnar á landinu nái a.m.k. 80% hlutfalli tengdra lögheimila fyrir árslok 2028. Nýju áformunum sem kynnt voru í dag er aftur á móti ætlað að stuðla að 100% aðgengi fyrir árslok 2026, á grundvelli samvinnu íbúa, sveitarfélaga, fjarskiptafyrirtækja og ríkisins. Með fundarboði fylgja skilmálar fjarskiptasjóðs. Sveitarfélagið hefur frest til kl. 12:00, föstudaginn 16. ágúst, að samþykkja eða hafna tilboðinu en óskað er eftir svari sem fyrst.

Tekið fyrir erindi frá Sýslumanninum á Norðurlandi eystra, töluvpóstur frá 3.júlí sl., þar sem óskað er umsagnar um umsókn um veitingaleyfi í flokki II-E kaffishús um borð í Sæfara (2691), frá Almenningssamgöngum ehf. Fyrir liggur jákvæð umsögn frá skipulagsfulltrúa.

Við nýafstaðin þinglok Alþingis var samþykkt frumvarp til laga um breytingu á lögum um tekjustofna sveitarfélaga sem snýr einkum að gjaldfrjálsum skólamáltíðum í grunnskólum landsins. Lögin má rekja til sameiginlegrar yfirlýsingar ríkisstjórnarinnar og Sambands íslenskra sveitarfélaga frá 7. mars sl. sem hafði það að markmiði að greiða fyrir langtímakjarasamningum á vinnumarkaði.

Á 1114.fundi byggðaráðs var eftirfarandi bókað: Tekið fyrir erindi frá deildarstjóra Eigna- og framkvæmdadeildar, dagsett þann 2. júlí sl., þar sem fram kemur að ekkert tilboð barst í verkið vegna endurbóta á Sundlaug Dalvíkur í Íþróttamiðstöðinni. Lagt er til að framkvæmdum verði frestað í ár og útboðið verði auglýst aftur strax í byrjun næsta árs með verktíma að vori og fram á sumar.
Byggðaráð samþykkir samhljóða með 3 atkvæðum ofangreinda tillögu og felur framkvæmdasviði að leggja fram viðaukabeiðni vegna ofangreindar breytinga á fjárhags- og framkvæmdaáætlun 2024.

Fyrir fundinum liggur viðaukabeiðni frá deildarstjóra Eigna- og framkvæmdadeildar þar sem óskað er eftir viðauka við fjárhagáætlun 2024.

Hagstofa Íslands birti nýja þjóðhagsspá sína þann 28.júní sl. þar sem farið var yfir efnahagshorfur til næstu ára.