Byggðaráð

a) Forsendur Dalvíkurbyggðar með fjárhagsáætlun 2025

Með fundarboði byggðaráðs fylgdi samantekt sviðsstjóra fjármála- og stjórnsýslusviðs á helstu almennum og sérstækum forsendum Dalvíkurbyggðar vegna vinnu við fjárhagsáætlun 2025-2028, fyrstu drög, ásamt fylgigögnum.

b) Drög að fjárhagsramma

Með fundarboði byggðaráðs fylgdu fyrstu drög að fjárhagsramma vegna vinnu við fjárhagsáætlun 2025 ásamt fylgigögnum sem gera grein fyrir helstu forsendum og breytingum.

c) Annað

Á 365. fundi sveitarstjórnar þann 23. janúar sl. var eftirfarandi bókað:
"Á 1092. fundi byggðaráðs þann 11. janúar sl. var eftirfarandi bókað: "Með fundarboði byggðaráðs fylgdi ný tillaga sviðsstjóra fjármála- og stjórnsýslusviðs að samþykkt um starfskjör, laun og þóknanir kjörinna fulltrúa Dalvíkurbyggðar. Drögin hafa fengið umsögn framkvæmdastjórnar og ekki komu fram athugasemdir.Niðurstaða:Byggðaráð samþykkir samhljóða með 3 atkvæðum fyrirliggjandi drög að samþykktinni með breytingu á 1. mgr.í 13. lið og vísar henni til umfjöllunar og afgreiðslu sveitarstjórnar."Niðurstaða:Til máls tóku: Kristinn Bogi Antonsson. Freyr Antonsson. Fleiri tóku ekki til máls. Sveitarstjórn samþykkir samhljóða með 7 atkvæðum fyrirliggjandi tillögu að samþykkt um starfskjör, laun og þóknanir kjörinna fulltrúa í Dalvíkurbyggð."

Á fundinum var farið fyrir tillögu að breytingum / leiðréttingum á ofangreindu þannig að liðurinn að aðalmenn í byggðaráði fái 3% af þingfararkaupi fyrir hvern fund falli út.

Til umræðu ofangreint.

Með fundarboði byggðaráðs fylgdi tillaga að ferli og leiðbeiningum fyrir stjórnendum vegna ráðninga í störf hjá sveitarfélaginu ásamt fylgigögnum og verklagsreglum.

Til umræðu ofangreint.

Tekinn fyrir fundargerð, dagsett þann 9. apríl sl., frá Vegagerðinni vegna samráðsfundar um almenningssamgöngur með fulltrúum sveitarfélaga á austanverðum Tröllaskaga. Einnig sátu fundinn fulltrúi frá SSNE og fulltrúar frá Menntaskólanum á Tröllaskaga.

Tekinn fyrir rafpóstur, dagsettur þann 13. ágúst sl., þar sem Markaðsstofa Norðurlands boðar til fundar um málefni Flugklasans Air 66N. Óskað er eftir þátttöku fulltrúa allra sveitarfélaga á Norðurlandi sem og fulltrúa SSNV og SSNE. Fundurinn ver fram á Akureyri mánudaginn 26. ágúst nk. frá kl. 13:00 og áætlaður til kl. 15:00.

Á 23. fundi skipulagsráðs þann 7. ágúst sl. var eftirfarandi bókað:
"Á fundi umhverfisráðs Dalvíkurbyggðar þann 2. febrúar 2018 var samþykkt að deiliskipulag fyrir frístunda- og iðnaðarlóðir í landi Upsa verði endurskoðað m.t.t. þess að fella út frístundabyggð á svæðinu. Umrædd breyting kallar á breytingu á Aðalskipulagi Dalvíkurbyggðar 2008-2020. Málið var áður á dagskrá skipulagsráðs þann 28.júní sl. og var afgreiðslu frestað. Niðurstaða:Skipulagsráð leggur til við sveitarstjórn að deiliskipulag fyrir frístunda- og iðnaðarlóðir í landi Upsa verði endurskoðað m.t.t. ákvæða í Aðalskipulagi Dalvíkurbyggðar 2008-2020 og áformum um uppbyggingu nýrra mannvirkja á lóð vatnsveitu Dalvíkur. Samþykkt samhljóða með fimm atkvæðum."

Á 23. fundi skipulagsráðs þann 7. ágúst sl. var eftirfarandi bókað:
"Erindi dagsett 14.júní 2024 þar sem Sigurður Ásgeirsson sækir um byggingarleyfi fyrir bílgeymslu á lóð nr. 4C við Hjarðarslóð. Ekki er í gildi deiliskipulag á svæðinu. Niðurstaða:Skipulagsráð samþykkir að áformin verði grenndarkynnt skv. 44.gr. skipulagslaga nr. 123/2010 þegar fullnægjandi grenndarkynningargögn hafa borist ásamt samþykki allra lóðarhafa á lóð nr. 4 við Hjarðarslóð. Grenndarkynnt skal fyrir lóðarhöfum Hjarðarslóð 1A-F, 2A-E, 3A-E og 6A-F. Vísað til sveitarstjórnar til staðfestingar. "

Á 23. fundi skipulagsráðs þann 7. ágúst sl. var eftirfarandi bókað:
"Erindi dagsett 2.júlí 2024 þar sem Jóhann Guðni Reynisson f.h. Ektabaða ehf. sækir um stöðuleyfi fyrir þjónustuhús á lóð nr. 9 við Hafnargötu á Hauganesi. Fyrirhugað þjónustuhús verður staðsett utan núverandi byggingarreits lóðarinnar. Meðfylgjandi er afstöðuteikning. Niðurstaða:Skipulagsráð leggur til við sveitarstjórn að hún samþykki erindið. Samþykkt samhljóða með fimm atkvæðum. Útgáfu stöðuleyfis er vísað til afgreiðslu byggingarfulltrúa."

Á 23. fundi skipulagsráðs þann 7. ágúst sl. var eftirfarndi bókað:
"Erindi dagsett 1.júlí 2024 þar sem Hörgársveit óskar umsagnar Dalvíkurbyggðar um skipulagslýsingu fyrir breytingu á Aðalskipulagi Hörgársveitar 2012-2024 vegna áforma um lagningu Blöndulínu 3. Umsagnarfrestur var veittur til 29.júlí 2024 en óskað hefur verið eftir fresti til 8.ágúst nk.Niðurstaða:Skipulagsráð gerir ekki athugasemdir við framlagða skipulagslýsingu. Samþykkt samhljóða með fimm atkvæðum."

Á 23. fundi skipulagsráðs þann 7. ágúst sl. var eftirfarandi bókað:
"Lagður fram til umræðu listi yfir forgangsverkefni í deiliskipulagsgerð fyrir Dalvíkurbyggð sem samþykktur var á fundi sveitarstjórnar í nóvember sl. Niðurstaða:Skipulagsráð leggur til við sveitarstjórn að vinna við deiliskipulagsgerð fyrir eftirfarandi svæði verði sett á forgangslista fyrir deiliskipulagsgerð: - Verslunar- og þjónustusvæði 406-V. - Útivistarsvæði frá Hrísahöfða að Böggvisstaðasandi. - Ahafnasvæði 812-A við Melbrún. - Skólasvæði við Árskóg. - Útsýnisstaður í Múla við Mígindisfoss. Samþykkt samhljóða með fimm atkvæðum."

Á 22. fundi umhverfis- og dreifbýlisráðs þann 9. ágúst sl. var eftirfarandi bókað:
"Samningur um sorphirðu rennur út 31. ágúst nk. Verið er að vinna að útboði á sorphiðu sveitarfélagsins þar sem breytingar eru gerðar á sorphirðu til samræmis við breytingu á lögum um hollustuhætti og mengunarvarnir, lögum um meðhöndlun úrlangs og lögum um úrvinnslugjald (EES-reglur, hringrásarhagkerfi).Niðurstaða:Umhverfis- og dreifbýlisráð leggur til við Byggðaráð að samið verði við Terra um áframhaldandi þjónustu vegna sorphirðu. Samningurinn gildi til 31.12.2024 og byggi á núverandi samningi. Samþykkt samhljóða með fjórum atkvæðum. "

a) Á 22. fundi umhverfis- og dreifbýlisráðs þann 9. ágúst sl. var eftirfarandi bókað:
"Umhverfis-og dreifbýlisráð leggur til að vegna sérstakra aðstæðna eftir slæmt vor og ljóst er að uppskerutími verður með seinna móti vegna kals, að seinni göngum verði seinkað um viku, eða til 20.- 21. september. Geta þá bændur á hverju gangnasvæði fyrir sig komið sér saman um hvort fyrstu göngur séu gengnar helgina 6. - 7. september eða 13.- 14. september. Samþykkt samhljóða með fjórum atkvæðum."

b) Með fundarboði byggðaráðs fylgdi einnig erindi frá fjallskilanefnd Svarfaðardalsdeildar, dagsett þann 12. ágúst sl., þar sem fram kemur að Fjallskilanefnd gerir ekki athugasemd við að göngum og réttum verði frestað um viku vegna aðstæðna við heyöflun en leggur til að fyrri göngur verði 13.-14. september og seinni göngur 20.-21. september. Mikilvægt sé að gengið verði á öllum gangnasvæðum á sama tíma og ekki verði um val bænda hvort fyrri göngur verði 6.-7. eða 13.-14. september. Fjallskilanefnd bendir á að samkvæmt Fjallskilasamþykkt fyrir sveitarfélög við Eyjafjörð er gert ráð fyrir samráði við nágrannasveitarfélög ef vikið er frá tímaramma við ákvörðun haustgangna. Nú þegar hefur Hörgársveit tilkynnt að fyrri göngur verði 11.-15. september, hins vegar hefur ekkert samráð verið haft við Árskógsdeild, en mikilvægt er að samræmi verði í gangnadögum hvort heldur er innan Dalvíkurbyggðar eða við nágrannasveitarfélög.

Á 22. fundi umhverfis- og dreifbýlisráðs þann 9. ágúst sl. var eftirfarandi bókað:
"Lögð fram uppfærð drög að samningi og samþykkt vegna refa- og minkaveiða. Niðurstaða:Umhverfis- og dreifbýlisráð samþykkir framlögð drög að samningi og samþykkt með áorðnum breytingum. Samþykkt samhljóða með þremur atkvæðum. "

Á 22. fundi umhverfis- og dreifbýlisráðs þann 9. ágúst sl. var eftirfarandi bókað:
"Með tölvupósti dags. 30. júlí 2024 óskar Freydís Dana Sigurðardóttir, ábúandi í Brekku, eftir aðkomu sveitarfélagsins að breytingum á legu heimreiðarinnar að Brekku til að minnka slysahættu. Vegagerðin mun leggja fram 36,8 % af áætluðum kostnaði við breytinguna.Niðurstaða:Umhverfis- og dreifbýlisráð hafnar erindinu og bendir á að sveitarfélagið komi ekki að viðhaldi á heimreiðum. Samþykkt samhljóða með fjórum atkvæðum."

Lögð fram til kynningar fundargerð stjórnar húsfélags Ráðhúss Dalvíkur frá 8. ágúst sl.

Fundargerðin er í 13 liðum.
Liður 1 er sér mál á dagskrá; mál 201112047.
Liður 4 er sér mál á dagskrá; mál 202401108.
Liður 6 er sér mál á dagskrá; mál 202407014.
Liður 7 er sér mál á dagskrá; mál 2024070001.
Liður 8 er sér mál á dagskrá; mál 202304030.

Fundargerðin er í 12 liðum.
Liður 3 er sér mál á dagskrá; mál 202201091.
Liður 8 er sér mál á dagskrá; mál 202405039.
Liður 10 er sér mál á dagskrá; mál 202408002.
Liður 11 er sér mál á dagskrá; mál 202407072.