Skipulagsráð

Rúna Ásmundsdóttir frá Vegagerðinni og Anna Bragadóttir frá Eflu mættu til fundar á Teams kl. 14:00, til þess að ræða dagskrárliði 1 og 2.

Þann 9.september var haldinn fundur þar sem aðilar frá fyrirtækjum sem hafa starfsemi á hafnarsvæðinu á Dalvík ræddu leiðir til þess að auka öryggis gangandi vegfarenda sem og athafnasvæði fyrirtækja á svæðinu. Fundurinn setti fram ellefu punkta sem þau töldu brýnt að ráðast í til þess að auka öryggi gangandi vegfarenda á vinnusvæðinu. Einn punkturinn heyrir undir skipulagsráð sem er að "Loka fyrir umferð niður Karlsrauðatorg frá Hafnarbraut, þ.e. norðan við gamla frystihúsið."

Á 13.fundi skipulagsráðs þann 18.október sl. komu þau Bjarki Valberg, Guðrún Birna Sigmarsdóttir og Sveinn Bjarnason frá Mannviti og fóru yfir drög að skipulagslýsingu dags. september 2023 vegna fyrirhugaðrar deiliskipulagsvinnu við íbúðasvæði á Árskógssandi. Eftirfarandi var bókað: Mannvit mun senda frekari gögn og upplýsingar, unnið verður áfram að skipulagslýsingu í samræmi við umræður á fundinum. Samþykkt samhljóða með 5 atkvæðum.
Sveitarstjóri sendi á skipulagsráðgjafa áherslur skipulagsráðs eftir fundinn.

Á 13.fundi skipulagsráðs var tekin fyrir uppfærð skipulagslýsing frá Landmótun vegna fyrirhugaðrar deiliskipulagsvinnu við nýtt íbúðahverfi ofan við Böggvisbraut og utan við Dalvíkurkirkju. Eftirfarandi var bókað: Skipulagsráð óskar eftir að gert verði ráð fyrir lóð fyrir nýja spennistöð 155 innan skipulagssvæðisins. Sveitarstjóra falið að upplýsa Landmótun um umræður á fundinum. Samþykkt samhljóða með 5 atkvæðum.
Sveitarstjóri sendi á skipulagsráðgjafa ábendingar skipulagsráðs varðandi áherslur skipulagsráðsins eftir fundinn.

Á 13.fundi skipulagsráðs þann 18.október sl. komu þau Bjarki Valberg, Guðrún Birna Sigmarsdóttir og Sveinn Bjarnason frá Mannviti og fóru yfir drög að skipulagslýsingu dags. september 2023 frá Mannviti vegna fyrirhugaðrar deiliskipulagsvinnu við nýtt íbúðahverfi sunnan Dalvíkur. Eftirfarandi var bókað: Mannvit mun senda frekari gögn og upplýsingar, unnið verður áfram að skipulagslýsingu í samræmi við umræður á fundinum. Samþykkt samhljóða með 5 atkvæðum.
Sveitarstjóri sendi á skipulagsráðgjafa áherslur skipulagsráðs eftir fundinn.

Á fundi byggðaráð Dalvíkurbyggðar þann 13. júlí 2023 var samþykkt að grenndarkynna skv. 1. mgr. 44. gr. skipulagslaga nr. 123/2010 erindi frá Sverri Bergssyni kt. 210465-3089 þar sem hann sækir um leyfi til að rífa núverandi atvinnuhúsnæði sitt við Sjávargötu 6b á Árskógssandi. Húsið er með tvíhalla þaki, byggt árið 1966. Birt stærð húsnæðisins er 288.0 m² og lóðarstærð er 368.0 m².
Sverrir Bergsson sækir jafnframt um að fá að byggja nýtt atvinnuhúsnæði á grunni núverandi húss. Um er að ræða hús með tvíhalla þaki, burðargrind þess er úr límtré, en útveggir og þak eru úr samlokueiningum með steinullareinagrun á milli litaðri álplatna (Yleinnigar). Vegghæð nýbyggingar er 6 m í stað 3 m á núverandi húsi og mænishæð hækkar úr 6 m í 7.4 m.
Lóðin Sjávargata 6b er inná svæði sem skilgreint er í gildandi aðalskipulagi sem hafnarsvæði.
Grenndarkynningargögn voru send til lóðarhafa við Sjávargötu 2, 4, 6 og 6A. Kynningartími á grenndarkynningargögnunum var fjórar vikur eða frá 6.október 2023 til 7. nóvember 2023.

Í tölvupósti þann 25.október sl. dregur Landsnet umsókn sína um framkvæmdaleyfi vegna undirbúningsframkvæmda fyrir Dalvíkurlínu 2 til baka. Gert er ráð fyrir því að sótt verði um framkvæmdaleyfi fyrir öllu verkinu síðar á þessu ári.

Með umsókn dags. 23.október sl. óskar Ragnar Sverrisson eftir íbúðalóð við Skíðabraut 3 á Dalvík.

Tekin fyrir umsókn frá Þuríði Jónu Jóhannsdóttur um leyfi til þess að byggja sumarhús í landi Kóngsstaða.
Ekki er til deiliskipulag fyrir þetta svæði og þess vegna þurfa þessi áform að fá afgreiðslu skipulagsráðs og sveitarstjórnar áður en byggingafulltrúi getur tekið umsóknina til afgreiðslu.

Á 354. sveitarstjórnarfundi var eftirfarandi tillaga frá Frey Antonssyni samþykkt, dagsett þann 13. janúar 2023, varðandi Skógarhóla 8 og Skógarhóla 10: "Í fyrsta lagi að óúthlutaðar lóðir við Skógarhóla 8 og 10 verði teknar úr auglýsingu. Í öðru lagi að beina því til skipulagsráðs að vinna nú þegar að breytingu á deiliskipulagi og aðalskipulagi á þann veg að til verði ný gata út frá Skógarhólum til norðurs. Fyrirmyndin verði göturnar Lynghólar og Reynihólar og þarna verði lóðir fyrir raðhús og eða parhús. Eftirspurnin síðustu ár hefur verið í lóðir af þessu tagi. Í stað tveggja lóða gætu komið á sama reit lóðir fyrir 10-12 íbúðir. " "...Sveitarstjórn samþykkir samhljóða með 7 atkvæðum ofangreinda tillögu Freys Antonssonar með þeirri breytingu að jarðvegur verði skoðaður áður en mikil vinna fer fram."

Skipulagsráð tók málið fyrir á 7.fundi sínum þann 8.febrúar 2023 og var eftirfarandi bókað: Skipulagsráð leggur til að framkvæmdasvið kanni byggingarhæfi umrædds svæðis og leggi niðurstöður fyrir ráðið þegar þær liggja fyrir. Samþykkt samhljóða með fimm atkvæðum.

Á 336. fundi sveitarstjórnar þann 12. maí 2021 voru samþykktar reglur Dalvíkurbyggðar um tímabundna niðurfellingu eða afslætti á gatnagerðargjöldum í Dalvíkurbyggð. Reglurnar gilda til 31.12.2022 og falla því úr gildi um áramótin. Í reglunum kemur fram að framkvæmdir skulu hefjast innan gildistíma þessara reglna.

Á 353.fundi sveitarstjórnar þann 20.desember 2022 var eftirfarandi bókað:
Til máls tóku:
Katrín Sif Ingvarsdóttir.
Freyr Antonsson, sem leggur til að tímabundin niðurfelling eða afslættir á gatnagerðagjöldum í Dalvíkurbyggð framlengist um eitt ár eða til 31.12.2023 og að vakin sé athygli á því að samkvæmt 3.gr. reglanna þá þurfa framkvæmdir að hefjast innan gildistíma reglnanna.
Felix Rafn Felixson.
Helgi Einarsson.

Fleiri tóku ekki til máls.

Sveitarstjórn samþykkir samhljóða með 7 atkvæðum ofangreinda tillögu Freys Antonssonar um framlengingu á ofangreindum reglum.

Tekið fyrir erindi frá umhverfis-, orku- og loftlagsráðuneytinu, dagsett þann 26. september sl., þar sem fram kemur að til þess að ná markmiðum Íslands í orku- og loftlagsmálum þarf orkuskipti í samgöngum á landi. Í umhverfis- og orku og loftslagsráðuneytinu er unnið að endurskoðun fyrirliggjandi aðgerðaáætlunarum orkuskipti frá árinu 2017. Bent hefur verið á að til að ná fyrrgreindum markmiðum þurfi aðbyggja hratt upp hleðsluinnviði og dreifi- og flutningskerfi raforku.Ljóst er að staðarval fyrir lóðir undirhraðhleðslustöðvar fyrir smáa og stóra bíla er mikilvægt skipulagsmál, enda varðar miklu að hugaðsé að áhrifum á umferð, þörf fyrir aðra þjónustu og að litið sé til framtíðar í jarðefnaeldsneytislausulandi. Í því sambandi þarf að huga að aðgengi áhugasamra aðila að lóðum undir hraðhleðslustöðvarog hleðslugarða og svigrúmi raforkufyrirtækja til að byggja upp innviði sem þjóna þurfahleðsluþörfinni, Orkustofnun hefur bent á að við staðarval vegna hraðhleðslustöðva þurfi að hafa í huga nálægðinavið mikilvæga innviði raforkukerfisins, eins og tengipunkta flutningskerfisins (tengivirki). Í ljósiþess að sveitarfélögin í landinu fara með skipulagsgerð innan sinna sveitarfélagamarka telurráðuneytið rétt að benda þeim á þennan mikilvæga þátt, þrátt fyrir að margir aðrir þættir geti einnighaft áhrif á heppilegt staðarval. Orkustofnun hefur bent á að æskilegt sé að sveitarfélög útbúi orkuskiptaáætlun á sínu svæði í góðu samræaði við helstu hagaðila, þar með talið dreifiveitur. Markmið orkuskiptaáætlunar er veraleiðarljós við skipulagsvinnu þannig að unnt sé að skapa svigrúm til nauðsynlegrar uppbyggingarinnviða í skipulagi og hafa til reiðu mögulegar lóðir sem henta. Hafa verður í huga að orkuskipti álandi ná til einkabíla,bílaleigubíla, hópferðabíla og vöruflutningabíla.

Á 1083.fundi byggðaráðs þann 12.október sl. var eftirfarandi bókað: Byggðaráð samþykkir samhljóða með 3 atkvæðum að vísa ofangreindu erindi til skipulagsráðs til upplýsingar og skoðunar í tengslum við skipulagsvinnu sveitarfélagsins.

Frá umhverfis- og samgöngunefnd Alþingis til umsagnar um frumvarp til laga um tímabundnar undanþágur frá skipulags- og byggingarlöggjöf og skipulagi, 314. mál.

Umsagnarfrestur rann úr 1.nóvember sl.