Byggðaráð

Undir þessum lið kom á fund byggðaráðs Gísli Bjarnason, sviðsstjóri fræðslu- og menningarsviðs, kl. 13:15.

Á 300. fundi fræðsluráðs þann 11. desember sl. var eftirfarandi bókað:
"Gísli Bjarnason, sviðsstjóri fræðslu - og menningarsviðs, fer yfir drög að samningi við Háskólann á Akureyri.
Niðurstaða : Fræðsluráð vísar samningi til Byggðaráðs og farið verði sérstaklega yfir uppsagnarákvæði samningsins."

Með fundarboð byggðaráðs fylgdi:
Drög að samningi á milli Dalvíkurbyggðar og Háskólans á Akureyri um skólaþjónustuu við leik- og grunnskóla, rannsóknir og úttektir.
Minnisblað dagsett þann 06.11.2024 þar sem skólastjórnendur, aðstoðarskólastjórar og deildarstjórar leik- og grunnskóla í Dalvíkurbyggð ásamt sviðsstjóra leggja til að haldið verði áfram með samning við Háskólann á Akureyri en sett verði inn í hann endurskoðunarákvæði vegna óvissu um hvað frumvarp um skólaþjónustu sem var komið í umræðu.

Til umræðu ofangreint.

Gísli vék af fundi kl. 13:30.

Undir þessum lið komu á fund byggðaráðs Halla Dögg Káradóttir, veitustjóri, Helga Íris Ingólfsdóttir, deildarstjóri Eigna- og framkvæmdadeildar, og María Markúsdóttir, skipulagsfulltrúi, kl. 13:41.

Til umræðu fjárfestingar, framkvæmdir, viðhald og skipulagsmál skv. samþykktri starfs- og fjárhagsáætlun 2025.

Halla Dögg, Helga Íris og María viku af fundi kl. 14:42.

Á 1135. fundi byggðaráðs þann 12. desember sl. var eftirfarandi bókað:
"Á 1133. fundi byggðaráðs þann 28.nóvember sl. voru drög að samningi á milli Dalvíkurbyggðar og Ektabaða ehf. um uppbyggingu á landsvæði ofan Haugness til umfjöllunar og var afgreiðslu frestað.
Með fundaboði byggðaráðs fylgdu ofangreind drög að samningi eftir yfirferð bæjarlögmanns með lögmanni Ektabaða ehf.
Til umræðu og yfirferðar ofangreind drög.
Niðurstaða : Afgreiðslu frestað og sveitartjóra falið að vinna málið áfram með bæjarlögmanni."

Með fundarboði byggðaráðs fylgdu nýjustu drög að ofangreindum samningi.

Með fundarboði byggðaráðs fylgdu drög að húsnæðisáætlun Dalvíkurbyggðar fyrir árið 2025.
Áætlunin hefur farið til umfjöllunar í umhverfis- og dreifbýlisráði, félagsmálaráði, fræðsluráði, veitu- og hafnaráði og skipulagsráði.

Skipulagsráð vísar til þeirra deiliskipulagsverkefna sem eru í gangi. Umhverfis- og dreifbýlisráð telur að þörf sé á uppbyggingu á leiguíbúðum fyrir eldri borgara og ætti sú þörf að koma fram í húsnæðisáætlunni. Önnur fagráð sem hafa fjallað um áætlunina leggja hana fram til kynningar.

Til umræðu ofangreint.

Á 26. fundi umhverfis- og dreifbýlisráðs þann 8. nóvember sl. var eftirfarandi bókað:
"Tekin fyrir tilkynning um stöðu verkefnisins Endurskoðun leiðarkerfis landsbyggðarvagna frá Vegagerðinni. Eftir samráðsfundi Vegagerðarinnar með hagsmunaaðilum í vor þá er verið að vinna að breytingum á landsbyggðarstrætó með það að markmiði að skoða hverja akstursleið út frá gæðum, nýtni og gagnsemi. Stefnt er því að tillaga að breyttu leiðakerfi verði send hagaðilum til umsagnar um ánaðarmótin nóvember - desember og að útboð skv. breyttu kerfi verði auglýst í janúar 2025.
Niðurstaða : Lagt fram til kynningar."

Með fundarboði byggðaráðs fylgdi tilkynning um stöðu verkefnis, #2 frá 20. desember sl.

Með fundarboði byggðaráðs fylgdi skýrsla og tillögur vinnuhóps Dalvíkurbyggðar um húsnæðismál stofnana sveitarfélagsins, drög #4. Vinnuhópinn skipa: Sveitarstjóri, forseti sveitarstjórnar,sviðsstjóri fræðslu- og menningarsviðs, deildarstjóri Eigna- og framkvæmdadeildar.

Á 1130. fundi byggðaráðs þann 7. nóvember sl. var eftirfarandi bókað:
"Tekið fyrir minnisblað frá skipulagsfulltrúa, dagsett þann 6. nóvember sl., þar sem vísað er til samningsdraga á milli Dalvíkurbyggðar og Loftmynda ehf. frá september 2018 en samningur virðist ekki hafa verið undirritaður.
Meðfylgjandi eru drög að samningi við Loftmyndir ehf. um viðhald á tölvutækum landfræðilegum gögnum og rekstur á kortasjá.
Til umræðu ofangreint.
Niðurstaða : Byggðaráð frestar afgreiðslu og óskar eftir nánari upplýsingum um samningsdrögum, m.a. grein 8 um uppsögn og gildistíma."

Með fundarboði byggðaráðs fylgdi rafpóstur skipulagsfulltrúa, dagsettur þann 6. janúar sl., þar sem fram koma svör Loftmynda við vangaveltum byggðaráðs.

Með fundarboði byggðaráðs fylgdi vottunarákvörðun frá iCert, dagsett þann 20. desember sl., þar sem fram kemur að með hliðsjón af öllu því sem framan greinir og öllum gögnum málsins hefur vottunarnefnd iCert nú lokið afgreiðslu málsins og tekið ákvörðun um að veita Dalvíkurbyggð vottun á að jafnlaunakerfi Dalvíkurbyggðar uppfylli kröfur staðalsins ÍST 85:2012, í samræmi við 7. gr. reglugerðar nr. 1030/2017, um vottun á jafnlaunakerfum fyrirtækja og stofnana á grundvelli staðalsins ÍST 85, sbr. ákvæði laga nr. 150/2020, um jafna stöðu og jafnan rétt kynjanna, með síðari breytingum.
Því til staðfestingar veitir iCert Dalvíkurbyggð vottunarskírteini til varðveislu með gildistíma til þriggja ára frá útgáfudagsetningu með fyrirvara um áframhaldandi samræmi við kröfur staðalsins. Dalvíkurbyggð er veitt heimild til notkunar vottunarmerkis iCert fyrir jafnlaunavottun í samræmi við reglur iCert þar að lútandi.


Sviðsstjóri fjármála- og stjórnsýslusviðs kynnti helstu niðurstöður úr skýrslu jafnlaunakerfis.

Samkvæmt lögum nr. 94/1986 um kjarasamninga opinberra starfsmanna sksal birta fyrir 1. febrúar ár hvert skrá yfir þau störf sem falla undir ákvæði þar sem heimild til verkfalls nær ekki til.

Með fundarboði byggðaráðs fylgdi gildandi skrá með tillögum að nokkrum breytingum.

Tekið fyrir erindi frá Sýslumanninum á Norðurlandi eystra, dagsett þann 17. desember sl., þar sem óskað er umsagnar. vegna umsóknar um tækifærisleyfi frá Þorrablótsnefnd Árskógsstrandar vegna þorrablóts í Árskógi þann 1. febrúar nk.

Fyrir liggur jákvæð umsögn frá skipulagsfulltrúa og slökkviliðsstjóra.

Tekið fyrir erindi frá Sýslumanninum á Norðurlandi eystra, dagsett þann 10. desember sl, þar sem óskað er umsagnar vegna umsóknar um rekstrarleyfi gistingar í flokki II frá Gísla, Eiríki og Helga ehf vegna Karlsrauðatorgs 11.
Fyrir liggur neikvæð umsögn skipulagsfulltrúa þar sem umrædd fasteign er skráð sem einbýlishús í fasteignaskrá og er fyrirhuguð starfsemi innan svæðis sem skilgreint er sem íbúðarsvæði 303-ÍB í Aðalskipulagi Dalvíkurbyggðar 2008-2020 og bendir skipulagsfulltrúi á að fyrirhuguð starfsemi samræmist ekki fyrirliggjandi skipulagi og skipulagsskilmálum svæðisins.

Tekinn fyrir rafpóstur frá SSNE, dagsettur þann 17. desember sl, þar sem boðað er rafræns aukaþings SSNE sem haldið var á Teams 7. janúar sl kl. 14:00.
Þar sem tilefni þingsins er samþykkt nýrrar Sóknaráætlunar Norðurlands eystra 2025-2029 er sérstök athygli vakin á að þingið er öllum opið og viljum við sérstaklega hvetja alla kjörna fulltrúa til að mæta á þingið þó þau séu ekki þingfulltrúar sinna sveitarfélaga

Lögð fram til kynningar fundargerð stjórnar SSNE nr. 69 frá 13. desember sl.

Lögð fram til kynningar fundargerð stjórnar Sambands íslenska sveitarfélaga nr. 959 frá 29. nóvember sl.