Sveitarstjórn

Fundargerðin er í 7 liðum.
2. liður er sér liður á dagskrá.
3. liður er sér liður á dagskrá.
6. liður er sér liður á dagskrá.

Fundargerðin er í 13 liðum.
1. liður er sér liður á dagskrá.
2. liður er sér liður á dagskrá.
3. liður er sér liður á dagskrá.
13. liður er sér liður á dagskrá.

Fundargerðin er í 14 liðum.
2. liður er sér liður á dagskrá.
3. liður er sér liður á dagskrá.
5. liður er sér liður á dagskrá.
6. liður er sér liður á dagskrá.
9. liður er sér liður á dagskrá.
10. liður er sér liður á dagskrá.
14. liður er sér liður á dagskrá.

Fundargerðin er í 8 liðum.
1. liður er sér liður á dagskrá.
4. liður er sér liður á dagskrá.
5. liður er sér liður á dagskrá.
7. liður er sér liður á dagskrá.

Fundargerðin er í 7 liðum og ekkert þarfnast afgreiðslu.

Fundargerðin er í 8 liðum og ekkert þarfnast afgreiðslu.

Fundargerðin er í 10 liðum.
1. liður er sér liður á dagskrá.
3. liður er sér liður á dagskrá.

Fundargerðin er í 6 liðum.
1. liður er sér liður á dagskrá.
2. liður er sér liður á dagskrá.
3. liður er sér liður á dagskrá.

Fundargerðin er í 15 liðum og ekkert þarfnast afgreiðslu.

Fundargerðin er í 5 liðum.
5. liður er sér liður á dagskrá.

Fundargerðin er í 7 liðum.
1. liður er sér liður á dagskrá.
2. liður er sér liður á dagskrá.
4. liður er sér liður á dagskrá.
6. liður er sér liðr á dagskrá.

Fundargerðin er í 9 liðum.
2. liður er sér liður á dagskrá.
7. liður er sér liður á dagskrá.

Á 1025. fundi byggðaráðs þann 19. apríl sl. var eftirfarandi bókað:
"Undir þessum lið komu á fund byggðaráðs Þorsteinn G. Þorsteinsson, löggiltur endurskoðandi hjá KPMG, sviðsstjórarnir Bjarni Daníel Daníelsson, Eyrún Rafnsdóttir og Gísli Bjarnason, og Þórhalla Karlsdóttir, aðalmaður í sveitarstjórn, kl. 13:00. Þórunn Andrésdóttir boðaði forföll. Endurskoðandi sveitarfélagsins, Þorsteinn G. Þorsteinsson, kynnti helstu niðurstöður ársreiknings Dalvíkurbyggðar fyrir árið 2021. Gísli vék af fundi kl. 14:12. Eyrún og Þórhalla viku af fundi kl. 14:29. Þorsteinn vék af fundi kl. 14:31. Byggðaráð samþykkir samhljóða með 3 atkvæðum að vísa ársreikningi Dalvíkurbyggðar fyrir árið 2021 til fyrri umræðu í sveitarstjórn, sem er þriðjudaginn 26. apríl nk."

Með fundarboði sveitarstjórnar fylgdi ársreikningur Dalvíkurbyggðar 2021, sundurliðun ársreiknings 2021, skýrsla til sveitarstjóra um stjórnsýsluendurskoðun 2021 og endurskoðunarskýrsla 2021.

Til máls tók:
Katrín Sigurjónsdóttir, sem gerði grein fyrir helstu niðurstöðum úr ársreikningi Dalvíkurbyggðar 2021.

Helstu niðurstöður eru:
Rekstrarniðurstaða Samstæðu A- og B- hluta er neikvæð um 37,8 m.kr. Gert var ráð fyrir að niðurstaðan yrði neikvæð um 91,2 m.kr.
Hækkun á lífeyrisskuldbindingu sveitarfélagsins fyrir samstæðuna var um 135,2 m.kr en gert var ráð fyrir 58,9 m.kr. Hækkunin varð mun meiri vegna ytri ákvarðana um breytingar á forsendum vegna útreikninga.
Rekstrarniðurstaða A-hluta er neikvæð um 32,9 m.kr. Gert var ráð fyrir að niðurstaðan yrði neikvæð um 82,2 m.kr.
Veltufé frá rekstri fyrir Samstæðu A- og B- hluta er 304,8 m.kr. Fjárfestingar voru 121,0 m.kr og lántaka ársins 2021 var engin.

Að öðru leiti er vísað til framsögu sveitarstjóra sem verður birt með fundargerð sveitarstjórnar ásamt ársreikningnum.

Á 1022. fundi byggðaráðs þann 24. mars sl. var eftirfarandi bókað:
"Tekið fyrir erindi frá skólastjóra Árskógarskóla, dagsett þann 11. mars 2022, þar sem óskað er eftir heimild til að ráða leikskólakennara/starfsmann í 100% stöðu til að hægt verði að taka við börnum sem bíða eftir leikskólaplássi. Kostnaður er átælaður kr. 1.646.196 frá 1. apríl til 8. júlí miðað við ráðningu á leikskólakennara. Byggðaráð samþykkir samhljóða með 3 atkvæðum ofangreinda beiðni um launaviðauka við deild 04240 að upphæð kr. 1.646.196, viðauki nr. 3 við fjárhagsáætlun 2022 og að honum verði mætt með lækkun á handbæru fé. Vísað til umfjöllunar og afgreiðslu í sveitarstjórn."

Á 1024. fundi byggðaráðs þann 7. apríl sl., var eftirfarandi bókað:
"Tekið fyrir erindi frá sviðsstjóra félagsmálasviðs, dagsett þann 6. apríl 2022, er varðar beiðni um viðauka á félagsmálasviði vegna ráðningar félagsráðgjafa. Í erindinu er óskað eftir heimild til að bæta við stöðugildi á sviðinu sem og eftir viðauka til að hægt sé að ráða félagsráðgjafa til starfa á félagsmálasviði. Lagabreytingar hafa átt sér stað undanfarin misseri s.s. breyting á lögum um barnavernd sem og lög um farsæld barna. Þar eru lagðar skyldur á sveitarfélögin að félagsráðgjafi sé í starfi. Ýmsar útfærslur gætu verið á starfi félagsráðgjafa en ekkert er enn þá fast í hendi með það. Samkvæmt útreikningum starfsmannaþjónustu sveitarfélagsins þá er umbeðinn viðauki að fjárhæð kr. 9.620.998. Félagsráðgjafinn ætti einnig að sinna öldrunarþjónustu að þeim hluta sem sviðsstjóri felur honum. Byggðaráð samþykkir samhljóða með 3 atkvæðum ofangreinda beiðni um nýtt starf og stöðugildi félagsráðgjafa, allt að 100% stöðu. Vísað til umfjöllunar og afgreiðslu sveitarstjórnar."

Þórhalla Karlsdóttir kom inn á fundinn að nýju kl. 16:43 og tók við fundarstjórn.

Á 1023. fundi byggðaráðs þann 29. mars sl. var eftirfarandi bókað:
"Tekið fyrir erindi frá Júlíusi Garðari Júlíussyni, rafpóstur dagsettur þann 29. mars sl, þar sem óskað er eftir afléttingu á kvöðum vegna sölu á eigninni við Kirkjuveg 11, íbúð 0011 en íbúðin er háð ákvæðum laga um almennar kaupleiguíbúðir, eins og þau eru á hverjum tíma.Byggðaráð samþykkir samhljóða með 3 atkvæðum afléttingu á öllum ofangreindum kvöðum er snúa að Dalvíkurbyggð. Vísað til umfjöllunar og afgreiðslu sveitarstjórnar."

Á 1025. fundi byggðaráðs þann 19. apríl sl. var eftirfarandi bókað:

"Á fundinum var til umfjöllunar kauptilboð í fasteignina við Lokastíg 2, ibúð 0203. Byggðaráð samþykkir samhljóða með 3 atkvæðum að hafna ofangreindu kauptilboði og að eignin verði tekin tímabundið af söluskrá."

Þórhalla Karlsdóttir kom inn á fundinn að nýju og tók við fundarstjórn kl. 16:46.

Á 1023. fundi byggðaráðs þann 29. mars sl., var eftirfarandi bókað:
"Á 1022. fundi byggðaráðs þann 24. mars sl. var eftirfarandi bókað: "Undir þessum lið komu á fund byggðaráðs Helga Íris Ingólfsdóttir, deildarstjóri Eigna- og framkvæmdadeildar og Bjarni Daníel Daníelsson, sviðsstjóri framkvæmdasviðs, kl. 8:23. Á 343. fundi sveitarstjórnar þann 22. mars 2022 var eftirfarandi bókað: Á 369. fundi umhverfisráðs þann 4. mars 2022 var eftirfarandi bókað: "Tekið fyrir erindi frá Gísla Bjarnasyni, sviðsstjóra Fræðslusviðs Dalvíkurbyggðar, þar sem hann óskar eftir stækkun lóðar Krílakots (Karlsrauðatorg 23) vegna endurnýjunar á leiksvæði leikskólans. Erindi samþykkt samhljóða með fimm atkvæðum. Til máls tók Katrín Sigurjónsdóttir sem leggur til að þessum lið verði vísað til byggðaráðs. Einnig tók til máls: Þórhalla Karlsdóttir. Sveitarstjórn samþykkir samhljóða með 7 atkvæðum ofangreinda tillögu um að vísa þessum lið til byggðaráðs." Á fundi innkauparáðs (framkvæmdastjórnar) þann 22. desember sl. voru til umræðu innkaup Dalvíkurbyggðar samkvæmt fjárhagsáætlun 2022. Varðandi hönnun og framkvæmdir á lóð Krílakots þá var ákveðið að stofnaður yrði stýrihópur um verkefnið með hagaðilum um málið (starfsfólk, foreldrar, börn, Eignasjóður), kynnt í byggðaráði þann 6. janúar sl. Helga Íris og Bjarni Daníel viku af fundi kl. 08:48.Byggðaráð samþykkir samhljóða með 3 atkvæðum að stofnaður verði stýrihópur í samræmi við fjárhagsáætlunarferli með erindisbréfi. Erindisbréf verði lagt fyrir næsta fund byggðaráðs. Byggðaráð samþykkir samhljóða með 3 atkvæðum að deildarstjóri Eigna- og framkvæmdadeildar geri verðfyrirspurn vegna hönnunar á leikskólalóðinni miðað við áformaða stækkun á lóðinni." Með fundarboði byggðaráðs fylgdi drög sviðsstjóra fjármála- og stjórnsýslusviðs að erindisbréfi fyrir vinnuhópinn.a) Byggðaráð samþykkir samhljóða með 3 atkvæðum að eftirtaldir skipi stýrihópinn: Sviðsstjóri framkvæmdasviðs, sviðsstjóri fræðslu- og menningarsviðs, leikskólastjóri Krílakots, formaður fræðslu- og byggðaráðs, deildarstjóri Eigna- og framkvæmdadeildar. b) Byggðaráð samþykkir samhljóða með 3 atkvæðum að fela stýrihópnum að ganga eftir tilnefningum í rýnihópinn í samræmi við uppskrift erindisbréfsins. c) Byggðaráð samþykkir samhljóða með 3 atkvæðum fyrirliggjandi drög að erindisbréfi fyrir vinnuhópinn með áorðnum breytingum í samræmi við a) og b) lið hér að ofan."

Á 144. fundi landbúnaðarráðs þann 7. apríl sl. var eftirfarandi bókað:
"Lögð fram drög að endurskoðaðri búfjársamþykkt. Landbúnaðarráð samþykkir framlögð drög að breytingum á búfjársamþykkt Dalvíkurbyggðar með fjórum atkvæðum og vísar henni til afgreiðslu sveitarstjórnar. "

Á 1023. fundi byggðaráðs þann 31. mars sl. var eftirfarandi bókað:
"Á 952. fundi byggðaráðs þann 27. ágúst 2020 var eftirfarandi bókað: "Undir þessum lið sat launafulltrúi áfram fundinn og kynnti tillögu vinnuhóps að Jafnlaunastefnu Dalvíkurbyggðar. Tillagan var kynnt á fundi framkvæmdastjórnar þann 24. ágúst s.l. og ekki komu fram ábendingar. Til umræðu ofangreint. Rúna Kristin vék af fundi kl.13:35. Byggðaráð samþykkir samhljóða með 3 atkvæðum ofangreinda tillögu að Jafnlaunastefnu Dalvíkurbyggðar eins og hún liggur fyrir." Með fundarboði byggðaráðs fylgdi uppfærð og yfirfarin Jafnlaunastefna Dalvíkurbyggðar af frá rýnifundi stjórnenda (framkvæmdastjórn) þann 23. mars sl. Byggðaráð samþykkir samhljóða með 3 atkvæðum Jafnlaunastefnu Dalvíkurbyggðar með þeim breytingartillögum sem liggja fyrir og vísar henni til umfjöllunar og afgreiðslu sveitarstjórnar."

Á 1024. fundi byggðaráðs þann 7. apríl 2022 var eftirfarandi bókað:
"Tekið fyrir erindi frá Sambandi íslenskra sveitarfélaga, bréf dagsett þann 25. mars 2022, þar sem með vísan til 5. gr. 2. mgr. laga nr. 162/2006 með síðari breytingum þá hefur Sambandið sett viðmiðunarreglur um framlög til stjórnmálasamtaka. Viðmiðunarreglurnar eru kynntar í bréfinu. Miðað er við kr. 189 á hvern íbúa sem á lögheimili í viðkomandi sveitarfélagi 1. janúar ár hvert. Miðað við fjölda íbúa Dalvíkurbyggðar 1.1.2022 þá væri upphæðin kr. 351.540. Gert er ráð fyrir kr. 350.000 í fjárhagsáætlun Dalvíkurbyggðar 2022. Byggðaráð samþykkir samhljóða með 3 atkvæðum að taka mið af ofangreindum viðmiðunarreglum."

Á 269. fundi fræðsluráðs þann 20. apríl 2022 var eftirfarandi bókað:
"Gísli Bjarnason, sviðsstjóri fræðslu - og menningarsviðs, fór yfir endurskoðaðar inntökureglur í leikskólum Dalvíkurbyggðar.Fræðsluráð Dalvíkurbyggðar, samþykkir inntökureglur með fimm atkvæðum og vísar þeim til samþykktar í sveitastjórn Dalvíkurbyggðar."

Á 1023. fundi byggðaráðs þann 29. mars sl. var eftirfarandi bókað:
"Guðmundur St. Jónsson vék af fundi undir þessum lið kl. 13:16 vegna vanhæfis. Tekinn fyrir rafpóstur frá stjórn Fiskidagsins mikla, dagsettur þann 25. mars sl., þar sem fram kemur að Fiskideginum mikla er frestað í þriðja sinn en blásið til samkomunnar á ný sumarið 2023. Á 337. fundi sveitarstjórnar þann 15. júní 2021 var staðfestur styrktarsamningur við Fiskidaginn mikla fyrir árin 2021 og 2022. Fram kemur í samningnum að laugardaginn 6. ágúst 2022 ætlar Fiskidagsnefnd að halda 20 ára afmælishátíð og Dalvíkurbyggð muni styrkja Fiskidaginn um kr. 5.500.000 á fjárhagsáætlun 2022. Byggðaráð samþykkir samhljóða með 2 atkvæðum að vísa ofangreindu til umfjöllunar og afgreiðslu sveitarstjórnar, Guðmundur St. Jónsson tekur ekki þátt í umfjöllun og afgreiðslu vegna vanhæfis."

Á 1024. fundi byggðaráðs þann 7. apríl sl. var eftirfarandi bókað:
"Á 31. fundi skólanefndar Tónlistarskólans á Tröllaskaga þann 31. mars sl. var eftirfarandi bókað: "Gísli Bjarnason, sviðsstjóri og Ríkey Sigurbjörnsdóttir, deildarstjóri, fóru yfir helstu breytingar á samstarfssamning milli Dalvíkurbyggðar og Fjallabyggðar um samrekstur á tónlistarskóla. Samstarfssamingur um samrekstur á tónlistarskóla milli Dalvíkurbyggðar og Fjallabyggðar rennur út í lok árs 2022. Gísli Bjarnason, sviðsstjóri og Ríkey Sigurbjörnsdóttir, deildarstjóri lögðu fyrir drög að endurskoðuðum samningi. Skólanefnd TÁT, gerði smávægilegar breytingar á samstarfssamningi og vísar honum til frekari umræðu og samþykktar í Byggðaráði Dalvíkurbyggðar og Bæjarráði Fjallabyggðar." Sviðsstjóri fræðslu- og menningarsviðs gerði grein fyrir ofangreindum samningsdrögum. Gísli vék af fundi kl. 14:10. Byggðaráð samþykkir samhljóða með 3 atkvæðum ofangreind samningsdrög með þeim breytingum sem lagðar voru til á fundinum á 14. gr. Vísað til umfjöllunar og afgreiðslu sveitarstjórnar."

Á 1024. fundi byggðaráðs þann 7. apríl sl. var eftirfarandi bókað:
"Tekið fyrir minnisblað frá Bjarna Jóhanni Valdimarssyni, tölvuumsjónarmann, um miðlun rafrænna reikninga. Þar kemur fram að UT-teymi Dalvíkurbyggðar leggur til, að vel athuguðu máli, að flytja alla skeytamiðlun Dalvíkurbyggðar yfir til Unimaze. Upphaf þessarar endurskoðunar kom í kjölfar breytinga vegna orkukerfisins sem Dalvíkurbyggð notar fyrir Hitaveitu Dalvíkur. Byggðaráð samþykkir samhljóða með 3 atkvæðum að skipt verði um þjónustuaðila og samið verði við Unimaze um rafræna skeytamiðlun. Vísað til umfjöllunar og afgreiðslu sveitarstjórnar."

Á 269. fundi fræðsluráðs þann 20. apríl sl. var eftirfarandi bókað:
"Friðrik Arnarson, skólastjóri Árskógar - og Dalvíkurskóla og Ágústa Kristín Bjarnadóttir, aðstoðarleikskólastjóri á Krílakoti, fóru yfir skóladagatöl skólanna fyrir skólaárið 2022 - 2023. Fræðsluráð Dalvíkurbyggðar, samþykkir skóladagatöl skólanna fyrir skólaárið 2022 - 2023 með fimm atkvæðum og vísar þeim til samþykktar í sveitastjórn Dalvíkurbyggðar."

Á 31. fundi skólanefndar Tónlistarskólans á Tröllaskaga þann 31. mars sl. var eftirfarandi bókað:
"Magnús Guðmundur Ólafsson, skólastjóri TÁT, fór yfir skóladagatal TÁT fyrir skólaárið 2022 - 2023. Skólanefnd TÁT, samþykkir með tveimur greiddum atkvæðum skóladagatal TÁT fyrir skólaárið 2022 - 2023."

Á 1022. fundi byggðaráðs þann 24. mars sl. var eftirfarandi bókað:
"Tekið fyrir aðalfundarboð frá Veiðifélagi Svarfaðardalsár, rafpóstur dagsettur þann 21. mars sl., þar sem boðar er til aðalfundar miðvikudaginn 1. apríl 2022 kl. 20:00 að Rimum. Byggðaráð samþykkir samhljóða með 3 atkvæðum að fela sveitarstjóra að mæta á fundinn fyrir hönd Dalvíkurbyggðar, til vara sviðsstjóra framkvæmdasviðs."

Á 113. fundi veitu- og hafnaráðs þann 25. mars sl. var eftirfarandi bókað:
"Tekið fyrir boð frá Norðurorku hf. á ársfund félagsins sem verður haldinn fimmtudaginn 31. mars nk. kl. 15.00 í Menningarhúsinu Hofi. Sviðsstjóri greindi frá fundi sem forsvarsmenn Norðurorku áttu með Dalvíkurbyggð nýverið. Á fundinum var rætt um að skipað verði í samstarfshóp um rannsóknir og samstarf í veitumálum. Erindisbréf liggur ekki fyrir og því mun verða fjallað nánar um það á næsta fundi ráðsins. Veitu- og hafnaráð samþykkir að senda fulltrúa á ársfund Norðurorku og felur sviðsstjóra að senda inn tilkynningu um þátttöku til Norðurorku."

Á 1024. fundi byggðaráðs þann 7. apríl 2022 var eftirfarandi bókað:
"Tekið fyrir erindi frá Sýslumanninum á Norðurlandi eystra, dagsett þann 30. mars 2022, þar sem óskað er eftir umsögn vegna umsóknar frá Í Tröllahöndum ehf. um leyfi til reksturs gististaðar í flokki II-D Gistiskóli í Félagsheimilinu Rimar. Byggðaráð gerir ekki athugasemdir við ofangreinda umsókn með fyrirvara um umsögn slökkviliðsstjóra og byggingafulltrúa."

Kristján E. Hjartarson kom að nýju á fundinn undir þessum lið kl. 17:08.

Á 1022. fundi byggðaráðs þann 24. mars 2022 var eftirfarandi bókað:
"Tekið fyrir erindi frá Dómsmálaráðherra , afrit af bréfi til Sambands íslenskra sveitarfélaga, dagsett þann 21. mars 2022, er varðar endurskipulagningu sýslumannsembætta. Eins og fram hefur komið í fréttum hefur gagngerri endurskoðun á skipulagi sýslumannsembættanna verið hleypt af stokkunum sem miðar að því að sameina embætti landsins í eitt. Með bréfi þessu freistar ráðherra þess að vekja athygli sveitarstjórnarmanna um allt land á þessu mikilvæga verkefni til þess að tryggja að sveitarstjórnarmönnum auðnist að sjá þau miklu tækifæri sem felast almennt í starfrænni vegferð hins opinbera og þá sérstaklega fyrirhuguðum breytingum á landsbyggðinni. Til að eyða öllum vafa áréttar ráðherra að markmið þeirra aðgerða sem eru boðaðar eru ekki að færa núverandi starfsemi, sem er sinnt á 27 stöðum um land allt, undir eitt þak á höfuðborgarsvæðinu. Þvert á móti er markmiðið að efla núverandi starfsemi og styrkja þær starfsstöðvar sem eru að þjónusta almenning um land allt. Fram kemur að dómsmálaráðuneytið vill gjarnan eiga farsælt samráð við sveitarfélög landsins í þeirri vinnu sem bíður ráðuneytisins næstu misserin. Byggðaráð fagnar því að markmiðið sé að efla núverandi starfsemi og styrkja þær starfsstöðvar sem eru að þjónusta almenning um land allt og þar meðal væntanlega starfsstöðina í Dalvíkurbyggð."

Á 1025. fundi byggðaráðs þann 19. apríl sl. var eftirfarandi bókað:
"Á 1023. fundi byggðaráðs þann 31. mar sl. var eftirfarandi bókað: Tekið fyrir erindi frá Eignarhaldsfélagi Brunabótafélags Íslands, dagsett þann 24. mars 2022, er varðar Styrktarsjóð EBÍ. Umsóknarfrestur er til loka apríl. Hver aðildarsveitarfélag getur sent inn eina umsókn. Byggðaráð samþykkir samhljóða með 3 atkvæðum að fela framkvæmdastjórn að koma með tillögu að verkefni sem sækja á um fyrir í sjóðinn." Á fundi framkvæmdastjórnar þann 11. apríl sl. var ofangreint til umfjöllunar og tillaga er um að ítreka umsóknina frá því í fyrra um styrk til hönnunar og uppsetningu á skilti sem vísar vegfarendum á útivistarsvæðið "austur á sandi. Byggðaráð samþykkir samhljóða með 3 atkvæðum ofangreinda tillögu."

Á 1024. fundi byggðaráðs þann 7. apríl sl. var eftirfarandi bókað:
"Tekið fyrir erindi frá Norðurorku hf., dagsett þann 25. mars 2022, þar sem vísað er í fund fulltrúa Norðurorku hf og Dalvíkurbyggðar þann 8. mars sl. Óskað er eftir að komið verði á fót teymi frá Dalvíkurbyggð og Norðurorku sem hafi það hlutverk að kanna samstarf um nýtingu jarðvarma og tengingu hitaveitna. Í þessu samhengi er vísað til samkomulags milli Norðurorku og Dalvíkurbyggðar frá 10. mars 2015. Byggðaráð samþykkir samhljóða með 3 atkvæðum að leggja til við sveitarstjórn að skipað verði í ofangreint teymi í samráði við veitu- og hafnaráð og samvinna verði hafin á næstu vikum á grundvelli samningsins frá árinu 2015."

Á 144. fundi landbúnaðarráðs þann 7. apríl sl. var eftirfarandi bókað:
"Til umræðu ákvörðun um fjallskil og göngur haustið 2022. Samkvæmt venju eru fyrstu göngur og réttir aðra helgi í september eða 9.-11. september. Að öllu jöfnu hafa aðrar göngur verið viku síðar en ekki eru gerðar kröfur um að þær þurfi að vera samtímis á öllum gangnasvæðum eins og fyrstu göngur ef annað þykir henta betur. Eftirleitir og hrossasmölun verða 30. sept. - 1. okt. Samþykkt samhljóða með fjórum atkvæðum."

Á 371. fundi umhverfisráðs þann 8. apríl 2022 var eftirfarandi bókað:
"Tekin fyrir umsókn dagsett 18. mars 2022 frá Sigmari Erni Harðarsyni og Maríu Björk Stefánsdóttur um lóðina að Böggvisbraut 14 á Dalvík. Umhverfisráð samþykkir umsóknina og felur skipulags- og tæknifulltrúa að úthluta lóðinni. Samþykkt samhljóða með þremur atkvæðum."

Á 371. fundi umhverfisráðs þann 8. apríl sl. var eftirfarandi bókað:
"Teknar fyrir umsóknir frá Kötlu ehf. dagsettar 23. mars 2022 um fjórar lóðir á Hauganesi. Lóðirnar sem óskað er eftir eru: Lyngholt 4, 6 og 8 og Klapparstígur 18.Umhverfisráð samþykkir umsóknirnar og felur skipulags- og tæknifulltrúa að úthluta lóðunum. Samþykkt samhljóða með fjórum atkvæðum."

Jón Ingi Sveinsson kom á fundinn að nýju undir þessum lið kl. 17:15.
Á 371. fundi umhverfisráðs þann 8. apríl sl. var eftirfarandi bókað:
"Lögð fram drög að skipulagslýsingu vegna deiliskipulags við Dalbæ, Kirkjuveg og Karlsrauðatorg á Dalvík og breytingar á aðalskipulagi Dalvíkurbyggðar 2008-2020 unnin af Form ráðgjöf og Teiknistofu Arkitekta. Umhverfisráð samþykkir fyrirliggjandi drög að skipulagslýsingu með þeim breytingum sem gerðar voru á fundinum og leggur til við sveitarstjórn að hún verði auglýst skv. 40. gr skipulagslaga nr. 123/2010. Samþykkt samhljóða með fjórum atkvæðum."

Á 371. fundi umhverfisráðs þann 8. apríl sl. var eftirfarandi bókað:
"Tekin aftur fyrir umsagnarbeiðni Skipulagsstofnunar fyrir Íslandsþara en umhverfisráð fól starfsmönnum Framkvæmdasviðs að vinna drög að umsögn um verkefnið fyrir fundinn. Byggðaráð fjallaði um drögin og gerði ekki athugasemdir við þau en lagði áherslu á að umhverfisráð fjallaði um umsögnina áður en hún yrði send til Skipulagsstofnunar. Gefinn var viðbótarfrestur til 8. apríl 2022. Umhverfisráð fjallaði um umsagnardrögin og lagði til breytingar m.t.t. umsagnarbeiðninnar sjálfrar. Umhverfisráð samþykkir að framkvæmdin sé ekki háð mati á umhverfisáhrifum enda kallar hún á skipulagsbreytingar sem heimila samráð og grenndarkynningar skv. lögum þar um. Samþykkt samhljóða með fjórum atkvæðum."

Á 113. fundi veitu- og hafnaráðs þann 25. mars sl. var eftirfarandi bókað:
"Tekið fyrir erindi frá Sambandi sveitarfélaga dagsett 7. mars, beiðni um upplýsingar. Á 442. stjórnarfundi Hafnasambands Íslands, sem var haldinn 18. febrúar sl., var fjallað um áform um breytingar á hafnalögum nr. 61/2003. Í þeim tillögum sem eru í gangi er verið að ræða breytingu á skilgreiningu á hafnasvæðum á sjó. Stjórnin telur að um mjög stórt mál sé að ræða varðandi ábyrgð, hagsmuni og stöðu einstakra hafnarsvæða og því mikilvægt að gefinn sé rýmri tími til að yfirfara og meta þau atriði frá öllum hliðum, áður en frekari tillögur eru útfærðar í þessum efnum. Stjórn hafnasambandsins óskar því eftir að aðildarhafnir fari yfir og skoði hvaða áhrif eftirfarandi breyting á skilgreiningu hafnarsvæðis hafi á viðkomandi hafnasjóð. Breytingin sem um ræðir hljóðar svo: "Hafnarsvæði nær til ystu marka varanlegra hafnarmannvirkja sem eru óaðskiljanlegur hluti hafnarinnar, eða til þeirra marka sem helgast af náttúrulegum landfræðilegum þáttum er skýla vogum og víkum eða svipuðum skýldum svæðum. Við afmörkun hafnarsvæða skal jafnframt horft til lóðspunkta og annarra svæða sem tengjast starfsemi hafnar." Mikilvægt er fyrir stjórn hafnasambandsins að hafa þessar upplýsingar til að sjá heildarstöðuna því aðstæður geta verið og eru ólíkar og ekki vit í því að taka þessa umræðu við ráðuneyti og þing fyrr en þessi gögn liggja fyrir frá aðildarhöfnum. Einnig væri æskilegt að fá með svörum siglingakort af viðkomandi hafnarsvæði þar sem mörk ytri og innri hafnar, lóðspunktar og annað sem máli skiptir í þessum efnum er merkt inná kortið. Óskað er eftir upplýsingum frá höfnum og myndum af siglingakortum í seinasta lagi 29. mars nk. Veitu- og hafnaráð felur sviðsstjóra að svara könnuninni og senda inn umbeðin gögn fyrir 29. mars nk. Veitu- og hafnaráð telur ekki æskilegt að þrengja að núverandi skilgreiningu ytri marka hafna Dalvíkurbyggðar."

Með vísan í 72. gr. nýrra kosningalaga nr. 112 frá 25. júní 2021 með síðari breytingum þá þarf að kjósa nýja fulltrúa í yfirkjörstjórn Dalvíkurbyggðar í staðinn fyrir aðalmennina Bjarna Jóhann Valdimarsson og Ingibjörgu Maríu Ingvadóttur og í staðinn fyrir varamanninn Guðbjörgu Ingu Ragnarsdóttur.

Til máls tók Katrín Sigurjónsdóttir sem leggur fram eftirfarandi tillögu:
Íris Daníelsdóttir, Sunnubraut 2, Dalvík, í stað Ingibjargar Maríu Ingvadóttur frá B-lista.
Einar Hafliðason, Urðum, Svarfaðardal, í stað Guðbjargar Ingu Ragnarsdóttur frá B-lista.

Fyrir liggur tilnefning frá J-lista um;
Jón Steingrím Sæmundsson, Ásvegi 2, Dalvík, í stað Bjarna Jóhanns Valdimarssonar.

Með fundarboði sveitarstjórnar fylgdi eftirfarandi tillaga;

"Ákvörðun sveitarstjórnar um fjölda kjördeilda og kjörstaði vegna kosninga til sveitarstjórnar 14. maí 2022, sbr. 11. gr. III. kafla laga um kosningar nr. 112 frá 25. júní 2021 og sbr. 78 gr. X III. kafla sömu laga um kosningar til sveitarstjórna, með síðari breytingum. Sbr. 11. og 78. gr. laga um kosningar til sveitarstjórnar nr. 112 frá 25. júní 2021 með síðari breytingum samþykkir sveitarstjórn eina kjördeild í Dalvíkurbyggð og verður hún í Dalvíkurskóla, líkt og verið hefur undanfarnar kosningar. "

Á 1024. fundi byggðaráðs þann 7. apríl sl. var eftirfarandi bókað:
"Tekið fyrir erindi frá Sýslumanninum á Norðurlandi eystra, rafpóstur dagsettur þann 5. apríl 2022, um utankjörfundaratkvæðagreiðslu vegna sveitarstjórnarkosninga þann 14. maí nk. Að breyttum kosningalögum, sbr. 69. gr. l. nr. 112/2021, er framkvæmdinni nú lýst svo: "Atkvæðagreiðsla utan kjörfundar getur farið fram: [] Í húsnæði á vegum sveitarfélags, enda skal sýslumaður að ósk sveitarstjórnar skipa kjörstjóra, sem getur verið starfsmaður sveitarfélags, til þess að annast atkvæðagreiðslu. Heimilt er að ósk sveitarfélags að slíkur kjörstaður sé hreyfanlegur, enda sé jafnræðis gætt við veitingu þeirrar þjónustu.". Sýslumaður bendir á að ósk sveitarstjórnar er nú forsenda skipunar kjörstjóra Sýslumanns. Standi vilji sveitarstjórna áframhaldandi samstarfs óskar Sýslumaður staðfestingar á því, svo fljótt sem verða má. Óskað er upplýsinga um mögulega kjörstjóraefni að teknu tilliti til vanhæfissjónarmiða. Gert er ráð fyrir að upphaf utankjörfundaratkvæðagreiðslu í samstarfi við sveitarfélögin hefjist um næstu mánaðarmót. Sveitarstjóri og sviðsstjóri fjármála- og stjórnsýslusviðs gerðu grein fyrir þeirri umfjöllun sem ofangreint hefur fengið innanhúss og hvort og hvaða kostir eru í stöðinni.Byggðaráð samþykkir samhljóða með 3 atkvæðum að óska eftir að utankjörfundaratkvæðagreiðsla fari fram í Dalvíkurbyggð í samstarfi við Sýslumanninn á Norðurlandi eystra og með því fyrirkomulagi sem starfsmenn hafa lagt til, sbr. ofangreint."

Með fundarboði sveitarstjórnar fylgdi eftirfarandi upplýsingar:
"Samkvæmt Samþykkt um stjórn Dalvíkurbyggðar þá hefur byggðaráð umboð sveitarstjórnar að semja kjörskrá vegna almennra kosninga, fjalla um athugasemdir, gera nauðsynlegar leiðréttingar og úrskurðar um ágreiningsmál sem upp kunna að koma fram að kjördegi.Samkvæmt nýjum kosningalögum þá þarf sveitarstjórn ekki lengur að staðfesta kjörskrá og þar af leiðandi þarf ekki lengur að undirrita kjörskrá þegar hún er lögð fram almenningi til sýnis. Jafnframt tekur núna Þjóðskrá Íslands við athugasemdum við kjörskrá.b) Ákvörðun sveitarstjórnar um fjölda kjördeilda og kjörstaði vegna kosninga til sveitarstjórnar 14. maí 2022, sbr. 11. gr. III. kafla laga um kosningar nr. 112 frá 25. júní 2021 og sbr. 78 gr. X III. kafla sömu laga um kosningar til sveitarstjórna, með síðari breytingum.Sbr. 11. og 78. gr. laga um kosningar til sveitarstjórnar nr. 112 frá 25. júní 2021 með síðari breytingum samþykkir sveitarstjórn eina kjördeild í Dalvíkurbyggð og verður hún í Dalvíkurskóla, líkt og verið hefur undanfarnar kosningar. "

Einnig fylgdu með leiðbeiningar til sveitarstjórna um meðferð kjörskrár vegna sveitarstjórnarkosninga þann 14. maí nk. frá Þjóðskrá Íslands. Kjörskrá miðast við skráningu lögheimilis í þjóðskrá 38 dögum fyrir kjördag þann 6. apríl 2022.Athugasemdum við kjörskrá skal beint til Þjóðskrár sem tekur þær til meðferðar. Kjörskrá skal liggja frammi almenningi til sýnis á skrifstofum sveitarfélaga eða öðrum hentugum stað eigi síðar en 21 degi fyrir kjördag. Á kjörskrá í Dalvíkurbyggð eru alls 1.437.

Sjá auglýsingu um framlagingu kjörskráar á heimasíðu Dalvíkurbyggðar.
https://www.dalvikurbyggd.is/is/frettir-1/category/1/sveitarstjornarkosningar-i-dalvikurbyggd-14-mai-2022

Lögð fram til kynningar fundargerð stjórnar Dalbæjar frá 17. febrúar sl.