Byggðaráð

Undir þessum lið komu á fund byggðaráðs fulltrúar frá Félagi eldri borgara sem skipa Öldungaráð, Helga Mattína Björnsdóttir, Valdimar Bragason, Kolbrún Pálsdóttir, Hildurgunnur Jóhannesdóttir frá HSN, og Eyrún Rafnsdóttir, sviðsstjóri félagsmálasviðs, kl. 13:15.

Á 1131. fundi byggðaráðs þann 14.11.2024 var eftirfarandi bókað:


Undir þessum lið komu á fund byggðaráðs fulltrúar úr Öldungaráði; Helga Mattína Björnsdóttir, Valdimar Bragason og Kolbrún Pálsdóttir frá stjórn og Félagi eldri borgara í Dalvíkurbyggð, Hildigunnur Jóhannesdóttir, fulltrúi HSN í Öldungaráði, og Eyrún Rafnsdóttir, sviðsstjóri félagsmálasviðs, kl. 13:15.
Með fundarboði byggðaráðs þá fylgdi fundargerð frá síðasta fundi, 6. fundi þann 16. mars 2023.
Til umræðu:
a) Þau atriði sem voru til umræðu á síðasta fundi og staða þeirra.
b) Ný atriði frá Félagi eldri borgara.
Sviðstjóri fjármála- og stjórnsýslusviðs ritaði fundargerð um þau atriði sem voru rædd undir þessum lið og sendir á fundarmenn til yfirferðar og staðfestingar.
Í hverju sveitarfélagi skal starfa formlegur samráðsvettvangur er nefnist Öldungaráð þar sem fjallað er um þjónustu við aldraðra og framkvæmd og þróun öldrunarmála.
Samkvæmt lögum um málefni aldraðra nr. 125/1999 með síðari breytingum þá skal Öldungaráð hafa eftirtalin verkefni á starfssvæði sinu:
1. Að fylgjast með heilsufari og félagslegri velferð aldraðra og samhæfa þjónustu.
2. Að gera tillögur til sveitarstjórna um öldrunarþjónustu.
3. Að leitast við að tryggja að aldraðir fái þá þjónustu sem þeir þarfnast og kynna öldruðum þá kosti sem í boði eru.
Helga Mattína, Valdimar, Kolbrún og Hildigunnur viku af fundi kl. 14:17.
Niðurstaða : Byggðaráð þakkar fulltrúum í Öldungaráði fyrir komuna og góðan fund.
Lagt fram til kynningar."

Með fundarboði byggðaráðs fylgdi síðasta fundargerð.

Til umræðu ýmis mál sem sveitarstjóri tók saman í fundargerð.

Eyrún Rafnsdóttir vék af fundi kl. 14:15 til annarra starfa.

Helga Mattína, Valdimar, Kolbrún, Hildigunnur viku af fundi kl. 14:19.

Undir þessum lið kom á fund byggðaráðs Halla Dögg Káradóttir, veitustjóri, kl. 14:20 í gegnum TEAMS.

Með fundarboði byggðaráðs fylgdu eftirfarandi gögn:

Fundargerð vinnuhóps um tækjabúnað Dalvíkurbyggðar, frá 09.10.2024.
Erindi til byggðaráðs dagsett þann 10.10.2024.
Minnisblað sviðsstjóra fræðslu- og menningarsviðs til vinnuhópsins, dagsett þann 02.10.2024, varðandi ósk um að selja Nissan Rafmagnsbíl.

Í samþykktri fjárhags- og fjárfestingaáætlun 2025-2028 koma fram heimildir stofnana og deilda vegna kaupa á bifreiðum, tækjum og búnaði. Með fundarboði byggðaráðs fylgdu upplýsingar um heimildir vegna Framkvæmdasviðs.

Halla Dögg vék af fundi kl. 14:39.

Undir þessum lið kom á fund byggðaráðs Jón Stefán Jónsson, íþróttafulltrúi, kl. 14:35 í gegnum TEAMS.

Á 1135. fundur byggðaráðs þann 12. desember sl. var m.a. eftirfarandi bókað:
"Byggðaráð samþykkir samhljóða með 3 atkvæðum að fela íþróttafulltrúa að vinna áfram að ofangreindum styrktarsamningi við UFMS og að gerður verði einnig sérstakur rekstrarsamningur um rekstur knattspyrnuvalla og almennan viðhaldskostnað þannig að skýrt liggi fyrir hvað er innan styrktarsamnings og hvað er útfært með öðrum hætti."

Á 169. fundi íþrótta- og æskulýðsráðs þann 4. febrúar sl. voru lögð fram drög að rekstrarsamningi við UMFS um knattspyrnuvöllinn og hann samþykktur samhljóða. Íþrótta- og æskulýðsráð vísaði samningum til umfjöllunar í byggðaráði.

Jón Stefán gerði grein fyrir helstu forsendum samningdraganna.

Með fundarboði byggðaráðs fylgdu einnig samningar við Ungmennafélag Svarfdæla um uppbyggingu á knattspyrnuvelli, afnotaréttarsamningur og fylgigögn frá 2019.

Jón Stefán vék af fundi kl. 14:58.

Tekið fyrir erindi frá Svæðiskipulagi Eyjafjarðar, dagsett þann 28. janúar sl. þar sem því er velt upp hvort að sveitarfélagið sé tilbúð að láta skoða með hinum 6 sveitarfélögunum við Eyjafjörð þann kost að setja upp sameiginlega skrifstofu sem sæi um vinnslu skipulags- og byggingarmála fyrir öll sveitarfélögin við Eyjafjörð. Einnig er því velt upp hvað hvað eigi að gera við Svæðiskipulag Eyjafjarðar og nokkrir valkostir tilgreindir varðandi það.

Fram kemur að síðstu ár hefur mönnum embætta á sviði skipulags- og byggingarmála reynst nokkur áskorun fyrir sveitarfélögin. Með sameiginlegri skrifstofu mætti mögulega efla faglagt starf og minnka röskun við mannabreytingar þar sem fleiri starfsmenn væru saman að störfum.

Óskað er afgreiðslu á erindinu við fyrsta tækifæri.

Tekið fyri erindi frá skipulagsfulltrúa, dagsett þann 5. febrúar 2025, þar sem óskað er eftir viðauka við fjárhagsáætlun 2025 til innleiðinar á OneLandRobot hugbúnaðarlausn frá OneSystems.

Óskað er eftir viðauka samtals að upphæð kr. 1.677.042 við deild 09210 sem lagt er til að sé mætt með tilfærslu á milli liða:
09210-4338 hækki um kr. 281.520.
09210-4331 hækki um kr. 340.548.
09210-2850 hækki um kr. 1.054.975.
Á móti lækki liður 09210-4320 um kr. 1.020.001 og liður 09210-4391 lækki um kr. 657.041.

Tekið fyrir erindi frá Magna Lögmönnum ehf., dagsett þann 27. janúar sl., er varðar breytingu á fjárhæð landbóta til Dalvíkurbyggðar vegna Dalvíkurlínu 2.

Einnig fylgdi með sambærilegt erindi, dagsett þann 13. maí sl., til upplýsingar.

Tekið fyrir erindi frá Eignaveri fasteignasölu ehf., dagsett þann 30. janúar sl., þar sem Dalvíkurbyggð er boðinn forkaupsréttur á grundvelli erfðafestusamnings á eignunum fnr. 215-6697 og fnr. 215-6698 sem landeigandi vegna sölu á umræddum eignum.

Á 1138. fundi byggðaráðs þann 30. janúar sl. var eftirfarandi bókað:
"Tekið fyrir erindi frá Laxós ehf. dagett þann 28. janúar sl. er varðar áhrif framkvæmda og reksturs fiskeldisáforma Laxóss ehf., á Dalvíkurbyggð og samfélagið við Eyjafjörð. Fyrir liggur jafnframt erindi frá Laxós ehf. dagsett þann 25. nóvember sl. þar sem óskað er eftir að gerð verði viljayfirlýsing á milli Dalvíkurbyggðar og Laxós ehf. um ofangreint verkefni, ásamt drögum að viljayfirlýsingu.
Með fundarboði byggðaráðs fylgdu jafnframt upplýsingar um niðurstöður íbúakönnunar sem gerð var á íbúafundi félagsins, sbr. rafpóstur dagsettur 23. janúar sl. Fram kemur jafnframt að forsvarsmenn Laxós ehf vonast nú sterklega til að sveitarstjórnin taki málið fyrir í ljósi þess að nú fyrir liggja sterkar ábendingar um öflugan stuðning íbúa við verkefnið. Enn fremur er vonast til að sveitarstjórnin sjái sér fært um að afgreiða fyrirliggjandi drög að viljayfirlýsingu við verkefnið á þann hátt að hún verði sterk stoð við framgang verkefnisins og stuðli að náinni og
öflugri samvinnu sveitarfélagsins, íbúa og Laxóss ehf um framgang verkefnisins.
Niðurstaða : Byggðaráð samþykkir samhljóða með 3 atkvæðum að fela sveitarstjóra að gera drög að viljayfirlýsingu við Laxós ehf. um ofangreint verkefni.
Byggðaráð samþykkir samhljóða með 3 atkvæðum að óska eftir að fá þrívíddarteikningar frá forsvarsmönnum Laxós ehf. sem sýna fyrirhuguð mannvirki á svæðinu."

Sveitarstjóri gerði grein fyrir meðfylgjandi drögum að viljayfirlýsingu. Til umræðu fyrirliggjandi drög.

Á 1138. fundi byggðaráðs þann 30. janúar sl. var eftirfarandi bókað:
Með fundarboði byggðaráðs fylgdi erindi frá Matvælaráðuneytinu, dagsett þann 22. janúar 2025, þar sem gert er grein fyrir úthutun byggðakvóta innan Dalvíkurbyggðar.
Samtals er eftirfarandi til ráðstöfunar fiskveiðiárið 2024/2025:
Árskógssandur 84,339 þorskígildistonn.
Dalvík 27,468 þorskígildistonn.
Hauganes 30,00 þorskígildistonn.
Þess er óskað að sveitarstjórnir sem ekki hafa fyrirhugað að senda ráðuneytinu tillögur að sérreglum sendi ráðuneytinu staðfestingu um slíkt. Í þeim tilvikum þar sem þess er óskað að leggja fram tillögur að sérreglum er sveitarstjórn gefinn kostur á að senda ráðuneytinu tillögur til 21. febrúar nk.
Niðurstaða : Byggðaráð samþykkir samhljóða með 3 atkvæðum að fela sveitarstjóra að afla upplýsinga á milli funda frá Fiskistofu um forsendur að baki úthlutunar byggðakvóta innan Dalvíkurbyggðar þar sem byggðakvótinn lækkar um 150 þorskígildistonn á milli ára."

Sveitarstjóri gerði grein fyrir þeim upplýsingum sem hún hefur aflað um ofangreint samkvæmt símtali við starfsmann Matvælaráðuneytisins. Jafnframt fylgdu með fundarboði byggðaráðs upplýsingar um úthlutun byggðakvóta til byggðarlaga innan Dalvíkurbyggðar fyrir síðustu 4 fiskveiðiár.

Á 1138. fundi byggðaráðs þann 30. janúar 2025 var eftirfarandi bókað:
"Tekið fyrir erindi frá Draumablá ehf., dagsett þann 17. janúar 2025, þar sem fram kemur áhuga fyrirtækisins að koma að rekstri tjaldsvæðisins á Dalvík. Vísað er í upplýsingar úr fundargerðum sveitarfélagsins um uppsögn á samningi við landamerki. Fram kemur að Draumablá ehf. hefur haft umsjón með tjaldsvæðinu á Dalvík fyrir hönd
Landamerki ehf. að undanskildu síðasta sumrli. Óskað er svara um hvort og þá hvernig rekstri svæðisins verður háttað næsta sumar. Fram kemur að Draumablá er tilbúin til samtals en eru einnig tilbúin að bjóða í reksturinn verði hann boðinn út.
Niðurstaða : Afgreiðslu frestað."

Með fundarboði byggðaráðs fylgdu drög að verðfyrirspurn vegna rekstur á tjaldsvæðinu á Dalvík.
Til umræðu meðfylgjandi drög. M.a. rætt sérstaklega um samningstíma.

Á 371. fundi sveitarstjórnar þann 17. september sl. var eftirfarandi bókað:
Á 280. fundi félagsmálaráðs þann 10. september sl. var eftirfarandi bókað:
"Formaður félagsmálaráðs ræddi hugmyndir um byggingu á leiguíbúðum á svæði í kringum Dalbæ. Mikilvægt er að horfa til framtíðar hvað varðar þjónustu við eldri borgara sveitarfélagsins og búseta eitt af því sem ræða þarf.
Niðurstaða:Félagsmálaráð skorar á stjórn Dalbæjar og sveitastjórn að vinna að því að byggja upp tólf leiguíbúðir í nálægð við Dalbæ."
Niðurstaða : Til máls tók:
Freyr Antonsson sem leggur til að stofnaður verði vinnuhópur sem verði þannig skipaður:
Formaður og varaformaður stjórnar Dalbæjar
Hjúkrunarframkvæmdastjóri Dalbæjar
Sveitarstjóri
Aðalmenn í byggðarráði.
Fleiri tóku ekki til máls.
Sveitarstjórn samþykkir samhljóða með 7 atkvæðum ofangreinda tillögu forseta sveitarstjórnar."

Sveitarstjóri og sviðsstjóri fjármála- og stjórnsýslusviðs kynntu fundargerðir starfs- og kjaranefndar frá 14. og 29. janúar sl.

Lagðar fram til kynningar 3 fundargerðir stjórnar Sambands íslenskra sveitarfélaga nr. 960-962.