Umhverfis- og dreifbýlisráð

Farið yfir stöðu þeirra málaflokka sem heyra undir ráðið.

Farið yfir stöðu framkvæmda ársins.

Samningur um sorphirðu rennur út 31. ágúst nk. Verið er að vinna að útboði á sorphiðu sveitarfélagsins þar sem breytingar eru gerðar á sorphirðu til samræmis við breytingu á lögum um hollustuhætti og mengunarvarnir, lögum um meðhöndlun úrlangs og lögum um úrvinnslugjald (EES-reglur, hringrásarhagkerfi).

Viðfangsefni við endurskoðun aðalskipulags lögð fram til kynningar og umræðu. Óskað er eftir tillögum ef ráð og nefndir vilja koma sérstökum málum að skipulagsvinnunni.

Tekið fyrir erindi dags. 2. júlí 2024 frá Hjörleifi Hjartarsyni landverði í Friðlandi Svarfdæla þar sem hann gerir athugasemdir við losun í jarðvegstipp í Hrísahöfða sem Umhverfisstofnun hefur áður gert athugasemdir við. Einnig er í erindinu bent á að mikilvægt sé að bregðast við útbreiðslu ágengra plöntutegunda umhverfis Hrísatjörn.

Á 137. fundi landbúnaðarráðs þann 16. febrúar 2021 var lagt til við sveitarstjórn að unnin yrði jarðfræðileg úttekt og hættumat vegna mögulegra skriðufalla við byggð í sveitarfélaginu.
Á 33. fundi Sveitarstjórnar þann 23. febrúar 2021 var samþykkt að vísa tillögu Landbúnaðarráðs til umhverfis- og tæknisviðs til skoðunar og til að leggja mat á þörf og umfangi.
Málið hefur dagað uppi og er því endurvakið nú.

Fyrir fundinum lá yfirlit yfir vinnu við Umhverfis- og loftslagsstefnu Dalvíkurbyggðar og hugmyndir að næstu skrefum lagðar fram til umræðu. Frestað mál frá 21. fundi þann 07.06.2024.

Tekinn fyrir rafpóstur dagsettur 2. júlí 2024 frá Snorra Finnlaugssyni, sveitarstjóra Hörgársveitar, þar sem hann tilkynnir að fyrstu göngur í Hörgársveit haustið 2024 verði frá miðvikudeginum 11. september til sunnudagsins 15. september og að aðrar göngur verði víðast hvar viku síðar.

Lögð fram uppfærð drög að samningi og samþykkt vegna refa- og minkaveiða.

Með tölvupósti dags. 30. júlí 2024 óskar Freydís Dana Sigurðardóttir, ábúandi í Brekku, eftir aðkomu sveitarfélagsins að breytingum á legu heimreiðarinnar að Brekku til að minnka slysahættu. Vegagerðin mun leggja fram 36,8 % af áætluðum kostnaði við breytinguna.

Lögð fram til kynningar fundargerð 236.fundar Heilbrigðisnefndar Norðurlands eystra sem haldinn var 26. júní 2024.