Byggðaráð

Undir þessum lið komu á fund byggðaráðs kl. 13:00 Arnar Páll Guðmundsson, útibússtjóri Landsbankans á Akureyri og Jónas M. Pétursson, útibússtjóri á Dalvík.



Með fundarboði byggðaráðs fylgdi bréf dagsett þann 18. september 2015 frá Landsbankanum til Dalvíkurbyggðar sem viðskiptavinar Sparisjóðs Norðurlands þar sem fram kemur að þann 4. september 2015 tók samruni Landsbankans og Sparisjóðs Norðurlands formlega gildi, eftir að hann var samþykktur af eftirlitsaðilum. Bankaráð Landsbankans samþykkti sama dag samrunann fyrir hönd bankans en áður hafði fundur stofnfjárhafa Sparisjóðsins veitt samþykki sitt. Fram kemur að sameinað fyrirtæki hefur verið rekið undir nafni Landsbankans frá og með mánudeginum 7. september 2015. Starfsmenn sjóðsins eru nú starfsmenn Landsbankans, allar eignir og skuldbindingar sparisjóðsins hafa runnið inn í bankann og hann tekið við rekstri allra útibúa sjóðsins.



Til umræðu ofangreint.



Arnar Páll og Jónas viku af fundi kl. 13:20.

Undir þessum lið kom á fund byggðaráðs Börkur Þór Ottósson, sviðsstjóri umhverfis- og tæknisviðs, kl. 13:20 til að fylgja eftir tillögu að starfs - og fjárhagsáætlun 2016-2019 fyrir umhverfis- og tæknisvið.

Málaflokkur 07; Brunamál- og almannavarnir.

Fjárhagsrammi samþykktur af sveitarstjórn þann 16.06.2015; kr. 33.270.000.

Málaflokkur 08; Hreinlætismál.

Fjárhagsrammi samþykktur af sveitarstjórn þann 16.06.2015; kr. 16.996.000

Málaflokkur 09; Skipulags- og byggingamál.

Fjárhagsrammi samþykktur af sveitarstjórn þann 16.06.2015; kr. 22.313.000

Málaflokkur 10; Samgöngumál.

Fjárhagsrammi samþykktur af sveitarstjórn þann 16.06.2015; kr. 55.943.000

Málaflokkur 11; Umhverfismál.

Fjárhagsrammi samþykktur af sveitarstjórn þann 16.06.2015; kr. 23.734.000. Bætt við fjárhagsrammann af málaflokki 06 kr. 7.614.000 vegna vinnu Vinnuskóla sem færð verður á stofnanir og deildir eftir því sem við á.

Málaflokkur 13; Atvinnumál að hluta; landbúnaðarmál.

Fjárhagsarammi samþykktur af sveitarstjórn þann 16.06.2015; kr. 19.675.000 fyrir allan málaflokkinn.

Málaflokkur 31; Eignasjóður.

Fjárhagsrammi samþykktur af sveitarstjórn þann 16.06.2015; kr. -40.108.000.

Málaflokkur 32; Eignasjóður að hluta.

Fjárhagsrammi samþykktur af sveitarstjórn þann 16.06.2015; kr. 113.304.000 fyrir allan málaflokkinn.



Til umræðu ofangreint.

Undir þessum lið kom á fund byggðaráðs Valur Þór Hilmarsson, umhverfisstjóri, kl. 14:48.





Á 746. fundi byggðaráðs þann 17. september 2015 var eftirfarandi bókað:

"Kristján Guðmundsson kom á fundinn að nýju undir þessum lið kl. 13:40. Á 268. fundi umhverfisráðs var meðal annars eftirfarandi bókað: "Umhverfisráð getur ekki fallist á að veita styrk til íbúasamtaka á Árskógsströnd vegna endurbóta á leiksvæði. Ráðið leggur þó áherslu á að þetta svæði verði ofarlega á verkefnalista næsta árs, og verði þær endurbætur gerðar í samráði við íbúasamtökin. Umhverfisráð vill þó taka fram að ráðið harmar hvernig staðið var að lagfæringum síðastliðið sumar og biðst afsökunar á seinaganginum." Með fundarboði byggðaráðs fylgdi greinargerð frá umhverfisstjóra um leiksvæði í Dalvíkurbyggð, sem byggðaráð óskaði eftir. Til umræðu ofangreint.

Byggðaráð samþykkir samhljóða með 3 atkvæðum að óska eftir kostnaðaráætlun frá sviðsstjóra umhverfis- og tæknisviðs og umhverfisstjóra ef sett yrði upp nýtt einfalt leiksvæði á Árskógssandi sem og kostnaðaráætlun yfir önnur atriði sem þarf að koma í lag á öðrum leikvöllum, sem eru á ábyrgð sveitarfélagsins, í Dalvíkurbyggð. "





Með fundarboði byggðaráðs fylgdi:

Úttekt á opnum leiksvæðum á Hauganesi og Árskógssandi 2015, unnið af Þórey Agnarsdóttur, heilbrigðisfulltrúa, en gerð var rekstrarskoðun þann 10. september s.l. með umhverfisstjóra Dalvíkurbyggðar.

Kostnaðaráætlun frá umhverfis- og tæknisviði hvað varðar viðhald á leiksvæði á Hauganesi, viðhald á leiksvæði á Árskógssandi og viðhald á leiksvæði í Skógarhólum.



Til umræðu ofangreint.

Á 746. fundi byggðaráðs þann 17. september 2015 var eftirfarandi bókað:

"Á 268. fundi umhverfisráðs þann 14. september 2015 var meðal annars eftirfarandi bókað: "Umhverfisráð þakka Gittu fyrir góða ábendingu og felur umhverfisstjóra að kanna möguleika á samstarfi við Hörgársveit og aðkomu Vegagerðarinnar að verkefninu. " Til umræðu ofangreint.

Byggðaráð ítrekar ósk um kostnaðaráætlun með áætlun um aðgerðir gegn ágengum plöntum. "



Með fundarboði fylgdi aðgerðaráætlun umhverfisstjóra um eyðingu illgresis ásamt kostnaðaráætlun.



Til umræðu ofangreint.

Á 738. fundi byggðaráðs þann 18. júní 2015 var eftirfarandi bókað:

"Á 693. fundi byggðaráðs þann 20. mars 2014 samþykkti byggðaráð að fela umhverfisstjóra að leggja fyrir aðgerðaráætlun hvað varðar heftingu á útbreiðslu á lúpínu, kerfils og njóla. Með fundarboði byggðaráðs fylgdi aðgerðaáætlun umhverfisstjóra en reiknað er með að verkefnið taki um fimm ár. Þá verði sveitarfélagið kortlagt að nýju og gerð aðgerðaráætlun í kjölfarið. Fram kemur að landeigendum verður kynnt þessi aðgerðaráætlun bæði á fundum og með bréfpósti þar sem farið varður fram á samstarf þeirra í þessu átaksverkefni.

Byggðaráð samþykkir með 3 atkvæðum að óska eftir kostnaðaráætlun og að skýrt liggi fyrir hver aðkoma Dalvíkurbyggðar á að vera. Byggðaráð óskar eftir að umhverfisstjóri komi á fund byggðaráðs í aðdraganda vinnu við starfs- og fjárhagsáætlun 2016-2019. "



Með fundarboði byggðaráðs fylgdi aðgerðaráætlun umhverfistjóra um eyðingu illgresis ásamt kostnaðaráætlun, sbr. mál 201508092 hér að ofan.



Til umræðu ofangreint.



Valur Þór vék af fundi kl. 15:35.

Frestað.

Á 746. fundi byggðaráðs þann 17. september 2015 var eftirfarandi bókað:

"Á 268. fundi umhverfisráðs þann 14. september 2015 var eftirfarandi bókað: "Tillaga sviðsstjóra um hækkun gjaldskráa umhverfis- og tæknisviðs samkvæmt þeim vísitölum sem viðkomandi gjaldskrár eru tengdar við samþykkt. Þær gjaldskrár sem ekki eru tengdar vísitölu hækka um 3 %. Gjaldþátttaka íbúa er áfram 80% af kostnaði við almenna sorphirðu og gjald vegna dýrahræja hækkað úr 70% í 80% af kostnaði. Þar sem hækkun þessarar gjaldskrár er umfram hækkun vísitölu vill ráðið benda á að við gerð samnings um sorphirðu í Dalvíkurbyggð 1. september 2015 var þjónusta á gámasvæði aukin til muna, móttöku sorps frá sumarhúsum bætt við, og þjónusta við dreifbýli bætt. Ráðið vísar gjaldskrám sviðsins til staðfestingar í byggðarráði." Til umræðu ofangreint.

Byggðaráð frestar frekari umfjöllun og afgreiðslu til næsta fundar. "



Til umræðu ofangreint.

Á 745. fundi byggðaráðs þann 10. september 2015 var eftirfarandi bókað:

"Undir þessum lið kom á fund byggðaráðs Börkur Þór Ottósson, sviðsstjóri umhverfis- og tæknisviðs, kl. 13:00. Á 740. fundi byggðaráðs þann 9. júlí 2015 var eftirfarandi bókað: "Undir þessum lið kom á fund byggðaráðs Þorsteinn K. Björnsson, sviðsstjóri veitu- og hafnasviðs, kl. 09:11. Tvö tilboð bárust í sorpútboð 2015 frá Gámaþjónustu Norðurlands og Íslenska Gámafélaginu. Lægra tilboðið reyndist vera frá GN og lagt er til að veita sveitarstjóra og sviðsstjóra umhverfis- og tæknisviðs heimild til að ganga til samninga við GN um sorphirðu. Tilboð frá Gámaþjónustu Norðurlands er kr. 178.652.940. Tilboð frá Íslenska Gámafélaginu er kr. 179.610.000. Börkur Þór og Þorsteinn viku af fundi kl. 09:43. Byggðaráð samþykkir samhljóða með 3 atkvæðum ofangreinda tillögu, þ.e. að gengið verði til samninga við Gámaþjónustu Norðurlands á grundvelli tilboðs." Börkur Þór kynnti fyrir byggðaráði upplýsingar frá EFLU verkfræðistofu varðandi kostnaðaráætlun vegna útboðs sorphirðu í Dalvíkurbyggð og þjónustu við endurvinnslustöð 2015-2020, en kostnaðaráætlunin var kr. 133.136.000. Til umræðu ofangreint. Börkur Þór vék af fundi kl. 13:32.

Byggðaráð samþykkir samhljóða með 3 atkvæðum að fela sveitarstjóra og sviðsstjóra umhverfis- og tæknisviðs að vinna áfram að málinu í samræmi við umræður á fundinum".



Til umræðu ofangreint.

Með fundarboði byggðaráðs fylgdu eftirtaldi samningar á milli Gámaþjónustu Norðurlands ehf. og Dalvíkurbyggðar sem undirritaðar hafa verið með fyrirvara um samþykki sveitarstjórnar.

Viðaukasamningur vegna eftirstöðva á verði íláta.

Viðaukasamningur vegna leiðréttingar í reikningsgerð Gámaþjónustu Norðurlands gagnvart Dalvíkurbyggð.

Verksamningur um Sorphirður í Dalvíkurbyggð og þjónusta við endurvinnslustöð 2015-2020.



Ofangreindir samningar fara til umfjöllunar og afgreiðslu umhverfisráðs á fundi ráðsins á morgun og þaðan til afgreiðslu í sveitarstjórn.



Til umfjöllunar ofangreint.



Börkur Þór vék af fundi kl. 15:48.

Með fundarboði byggðaráðs fylgdi minnisblað frá Sambandi íslenskra sveitarfélaga, sbr. rafpóstur þann 15. september 2015, er varðar vinnslu fjárhagsáætlana vegna áranna 2016-2019.

Til upplýsingar er niðurstöður þjóðhagsspár fyrir árin 2014-2019 eins og þær birtast með frumvarpi til fjárlaga.

Frestað.

Tekinn fyrir rafpóstur frá Fljótdalshéraði, dagsettur þann 15. september 2015, þar sem boðað er til landsfundar jafnréttisnefnda sveitarfélaga 8.-9. október 2015. Landsfundurinn er opinn fulltrúum jafnréttisnefnda sveitarfélaga eða þeim nefndum sem hefur verið falið þeirra hlutverk. Einnig er annað sveitarstjórnarfólk velkomið ásamt því starfsfólki sem vinnur að jafnréttismálum.

Tekið fyrir erindi frá forsætisráðuneytinu, bréf dagsett þann 23. september 2015, þar sem fram kemur að ráðuneytið telur mikilvægt að fyrir liggi skýr stefna um það hvernig ríkið rækir landeigenda- og umsýsluhlutverk sitt á þjóðlendum samkvæmt lögum nr. 58/1998 og hefur því ákveðið að vinna drög að eigendastefnu fyrir þjóðlendur. Hjálögð eru drög að lýsingu á því hvernig ráðuneytið hyggst vinna að þessu verkefni. Verkefnislýsingin er send þeim sem ráðuneytið telur helst að hafi hagsmuna að gæta og þeim sem áhrif geta haft á stefnumörkunina. Óskað er eftir umsögnum og ábendingum fyrir 9. október n.k.

Með fundarboði byggðaráðs fylgdu fundargerðir stjórnar Eyþings; nr. 270 frá 26. ágúst 2015 og nr. 271 frá 14. september 2015.

Með fundarboði byggðaráðs fylgdi fundargerð stjórnar Sambands íslenskra sveitarfélaga nr. 830 frá 11. september 2015.