Sveitarstjórn

Fundargerðin er í 6 liðum.
Liður 3 er sér liður á dagskrá.

Fundargerðin er í 11 liðum.
Liður 5 er sér liður á dagskrá.
Liður 6 er sér liður á dagskrá.
Liður 7 er sér liður á dagskrá.
Liður 8 er sér liður á dagskrá.

Fundargerðin er í 13 liðum.
Liður 1 er sér liður á dagskrá.

Fundargerðin er í 8 liðum.
Liður 4 er sér liður á dagskrá.
Liður 5 er sér liður á dagskrá.
Liður 6 er sér liður á dagskrá.
Liður 7 er sér liður á dagskrá.

Fundargerðin er í 8 liðum.
Liður 6 er sér liður á dagskrá.

Fundargerðin er 1 liður og ekkert þarfnast afgreiðslu.

Fundargerðin er í 10 liðum.
Liður 2 er sér liður á dagskrá.
Liður 5 er sér liður á dagskrá.
Liður 7 er sér liður á dagskrá.

Fundargerðin er í 8 liðum. Ekkert þarfnast afgreiðslu.

Fundargerðin er í 11 liðum.
Liður 5 er sér liður á dagskrá.

Með fundarboði sveitarstjórnar fylgdi tillaga að breytingu á Samþykkt um stjórn Dalvíkurbyggðar nr. 408/2022 til fyrri umræðu. Um er að ræða breytingu á 47. gr. vegna breytinga á þjónustu vegna barnaverndar. Í C-lið bætast við tveir töluliðir; Umdæmisráð barnaverndar og Barnaverndarþjónusta Eyjafjarðar.

a) Samningur við Akureyrarbæ um Barnaverndarþjónustu Eyjafjarðar. Fyrri umræða.
b) Samþykkt um fullnaðarafgreiðslu mála hjá Barnaverndarþjónustu Eyjafjarðar. Fyrri umræða.

Á 1058. fundi byggðaráðs þann 9. febrúar sl. var eftirfarandi bókað:
"Á 354. fundi sveitarstjórnar þann 17. janúar sl. var eftirfarandi bókað: "Á 1054. fundi byggðaráðs þann 12. janúar sl. var eftirfarandi bókað: Á 1053. fundi byggðaráðs þann 5. janúar sl. var eftirfarandi bókað: "Með fundarboði byggðaráðs fylgdi svarbréf frá Mennta- og barnamálaráðuneytinu, dagsett þann 22. desember sl, þar sem fram kemur að umsókn Dalvíkurbyggðar um undanþágu frá skilyrðum um lágmarksíbúafjölda vegna barnaverndarþjónustu á grundvelli 3. mgr. 11. gr. barnaverndarlaga nr. 80/2022 er samþykkt til eins mánðar þar sem samningur við önnur sveitarfélög um starfrækslu barnaverndarþjónustu er í bígerð. Sækja þarf um undanþágu að nýju fyrir 20. janúar nk. ef ekki næst að klára fyrrgreindan samning. Sveitarstjóri upplýsti að áfram er unnið að samningsdrögum við Akureyrarbæ og markmiðið að hægt verði að taka þau til umfjöllunar og afgreiðslu í sveitarstjórnar 17. janúar nk.Niðurstaða:Lagt fram til kynningar." Með fundarboði byggðaráðs fylgdi rafpóstur dagsettur þann 11. janúar sl. frá Velferðarsviði Akureyrarbæjar sem inniheldur drög að samningi um barnaverndarþjónustu Akureyrjarbæjar og Dalvíkurbyggðar ásamt málsmeðferðarreglum og kostnaðarskiptingu sem barst 12. janúar.Niðurstaða:Byggðaráð samþykkir samhljóða með 3 atkvæðum að fela sveitarstjóra að sækja um áframhaldandi undanþágu fyrir 20. janúar til og með 28. febrúar 2023."Niðurstaða:Enginn tók til máls. Sveitarstjórn samþykkir samhljóða með 7 atkvæðum ofangreinda afgreiðslu byggðaráðs og felur sveitarstjóra að sækja um áframhaldandi undanþágu fyrir 20. janúar nk. og til og með 28. febrúar 2023 á meðan samningur við Akureyrarbæ um starfsrækslu barnaverndarþjónustu er í vinnslu." Með fundarboði byggðaráðs fylgdu drög að samningi Akureyrarbæjar og Dalvíkurbyggðar um Barnaverndarþjónustu Eyjafjarðar ásamt samþykkt um fullnaðarafgreiðslu mála hjá Barnaverndarþjónustu Eyjafjarðar samkvæmt 3. mgr. 123. gr. barnaverndarlaga nr. 80/2002.Niðurstaða:Byggðaráð samþykkir samhljóða með 3 atkvæðum fyrirliggjandi drög að samningi um Barnaverndarþjónustu Eyjafjarðar ásamt samþykkt um fullnaðarafgreiðslu og vísar samningi og samþykkt til fyrri umræðu í sveitarstjórn."

Á 1057. fundi byggðaráðs þann 2. febrúar 2023 var eftirfarandi bókað:
"Freyr Antonsson vék af fundi undir þessum lið vegna vanhæfis kl. 13:15. Þar sem varaformaður byggðaráðs vék af fundi vegna vanhæfis var kosið um fundarstjóra. Niðurstaða var að Felix Rafn Felixson tók við fundarstjórn undir þessum lið. Tekið fyrir minnisblað frá sveitarstjóra, dagsett þann 31. janúar 2023, kemur fram að taka þarf aðstöðu til þess hvort að breyta eigi opnunartíma áfengisveitingastaða í flokki III. Jafnframt þurfi að taka afstöðu til hvort fella eigi út eftirfarandi ákvæði í Lögreglusamþykkt Dalvíkurbyggðar: "Sveitarstjóri getur heimilað að skemmtanir megi standa lengur en að framan greinir, ef sérstaklega stendur á. Hið sama gildir um einkasamkvæmi á umræddum stöðum." Fram kemur að í mars 2020 var Lögreglusamþykktin tekin til endurskoðunar og lagðar til breytingar á opnunartíma áfengisveitingastaða í flokki III þannig að opnunartíminn verði lengdur til kl. 01:00 virka daga. Þetta var lagt til eftir ábendingar frá rekstraraðilum í sveitarfélaginu og einnig eftir samanburð við lögreglusamþykktir nágrannasveitarfélaganna. Málið var ekki klárað alla leið og því tók ofangreind breytingartillaga ekki gildi. Með fundarboði byggðaráðs fylgdi gildandi Lögreglusamþykkt fyrir Dalvíkurbyggðar með ofangreindum breytingatillögum.Niðurstaða:Byggðaráð samþykkir samhljóða með 2 atkvæðum ofangreindar breytingartillögur á Lögreglusamþykkt Dalvíkurbyggðar og vísar samþykktinni til fyrri umræðu í sveitarstjórn. Freyr Antonsson tekur ekki þátt í umfjöllun og afgreiðslu vegna vanhæfis."

Freyr Antonsson kom inn á fundinn að nýju og tók við fundarstjórn kl. 16:26.
Helgi Einarsson kom inn á fundinn að nýju kl. 16:26.

Á 1058. fundi byggðaráðs þann 9. febrúar sl. var eftirfarandi bókað:
"Undir þessum lið komu á fund byggðaráðs Bjarni Daníel Daníelsson, sviðsstjóri framkvæmdasviðs, og Helga Íris Ingólfsdóttir, deildarstjóri Eigna- og framkvæmdadeildar, kl. 15:08. Á 6. fundi umhverfis- og dreifbýlisráðs þann 3. febrúar sl. var eftirfarandi bókað: "Á 354. fundi sveitarstjórnar var eftirfarandadi bókað þegar tekin var fyrir framlagðar breytingar á viðmiðunarreglum snjómokstur í Dalvíkurbyggð. Til máls tók forseti sveitarstjórnar sem leggur fram eftirfarandi tillögu: Sveitarstjórn samþykkir að vísa breytingu á reglum um mokstur á heimreiðum til byggðaráðs og umhverfis- og dreifbýlisráðs til frekari skoðunar og kostnaðargreiningar. Fleiri tóku ekki til máls. Sveitarstjórn samþykkir samhljóða með 7 atkvæðum ofangreinda tillögu forseta sveitarstjórnar. Fyrir fundinn eru lagðar fram frekari útfærslur á breytingum á viðmiðunarreglunum ásamt kostnaðargreiningu vegna þeirra. Niðurstaða:Umhverfis- og dreifbýlisráð samþykkir framlagðar breytingar á viðmiðunarreglum um snjómokstur. Samþykkt samhljóða með fimm atkvæðum." Bjarni Daníel og Helga íris kynntu meðfylgjandi gögn sem og minnisblað deildarstjóra Eigna- og framkvæmdadeildar dagsett þann 7. febrúar sl. Með fundargögnum fylgir kostnaðaráætlun fyrir heimreiðamokstur miðað við tillögur ráðsins. Helga Íris vék af fundi kl. 15:46. Bjarni Daníel vék af fundi kl. 15:57.Niðurstaða:Byggðaráð samþykkir samhljóða með 3 atkvæðum ofangreinda tillögu og breytingar á viðmiðunarreglum um snjómokstur með áorðnum breytingum / leiðréttingum sem gerðar voru á fundinum. Vísað til umfjöllunar og afgreiðslu til sveitarstjórnar."

Á 1058. fundi byggðaráðs þann 9. febrúar sl. var eftirfarandi bókað:
"Með fundarboði byggðaráðs fylgdi tillaga að húsnæðisáætlun Dalvíkurbyggðar fyrir árið 2023.Niðurstaða:Byggðaráð gerir ekki athugasemdir við fyrirliggjandi tillögu að húsnæðisáætlun sveitarfélagsins og vísar henni til umfjöllunar og afgreiðslu í sveitarstjórn."

Á 1056. fundi byggðaráðs þann 26. janúar sl. voru samþykktir 3 launaviðaukar:
a) Viðauki nr.2 við fjárhagsáætlun 2023 að upphæð kr. 3.993.537 vegna aukins stöðuhlufalls.
b) Viðauki nr. 3 við fjárhagsáætlun 2023 að upphæð kr. 2.569.029 vegna veikindalauna.
c) Viðauki nr 4 við fjárhagsáætlun 2023 að upphæð kr. 5.961.819 vegna veikindalauna.
d) Viðauki nr. 5. við fjárhagsáætlun 2023 að upphæð kr. -368.865 vegna leiðréttingar á launaáætlun vegna ráðningar.

Á 1056. fundi byggðaráðs þann 26. janúar sl. samþykkti byggðaráð viðauka vegna veikindalauna að upphæð kr. 5.876.597, viðauka nr. 1 við fjárhagsáætlun 2023.

Á 1058. fundi byggðaráðs þann 9. febrúar sl. var eftirfarandi bókað:
"Undir þessum lið kom á fund byggðaráðs Kolbeinn Óttarson Proppé og Gísli Ingimundarson, kl. 14:40. Á 1039. fundi byggðaráðs þann 27. september sl. var eftirfarandi bókað: "Tekið fyrir erindi frá Björgunarbátasjóði Norðurlands, dagsett þann 19. september 2022, þar sem óskað er eftir stuðningi við kaup á nýju björgunarskipi, þ.e. nýjum Sigurvin.. Heimahöfn þess verður í Fjallabyggð en starfssvæðið nær frá Skagatá í vestri til Tjörness í austri. Fyrir hönd sjóðsins þá óskar Kolbeinn Óttarsson Proppé eftir því að fá að mæta á fund byggðaráðs og kynna verkefnið betur, fjárþörfina og leiðir til að dreifa fjárhagsstuðningi yfir lengri tíma.Niðurstaða:Byggðaráð samþykkir samhljóða með 3 atkvæðum að bjóða Kolbeini Óttarsyni Proppe til fundar við tækifæri." Kolbeinn og Gísli viku af fundi kl. 15:07.Niðurstaða:Byggðaráð samþykkir samhljóða með 3 atkvæðum að leggja til við sveitarstjórn að Dalvíkurbyggð leggi fram alls kr. 5.000.000 í verkefnið, kr. 2.500.000 árið 2023 og kr. 2.500.000 árið 2024."

Á 94. fundi menningarráðs þann 31. janúar sl. var eftirfarandi bókað:
"Björk Hólm Þorteinsdóttir, forstöðumaður safna og framkvæmdastjóri Menningarhússins Bergs, fór yfir niðurstöður á þjónustukönnun sem lögð var fyrir íbúa Dalvíkurbyggðar nú í janúar 2023.Niðurstaða:Menningarráð leggur til að Bókasafn Dalvíkurbyggðar hafi sama opnunartíma fram til 1. júní 2023 og sumaropnun frá 10:00 - 17:00. Opnunartími verði svo endurskoðaður fyrir haustið 2023."

Á 1056. fundi byggðaráðs þann 26. janúar sl. var eftirfarandi bókað:
"Tekið fyrir erindi frá vinnuhópi Dalvíkurbyggðar um farartæki, tæki og tæknibúnað, dagsett þann 23. janúar sl., þar sem fram kemur að vinnuhópurinn fundaði í lok nóvember og fór yfir og lagði mat á farartækjakost og farartækjaþörf sveitarfélagsins. Samkvæmt þarfagreiningu er ljóst að bílaeign á Eigna- og framkvæmdadeild er of mikil, eða sex bílar, auk þess sem komið er að miklu viðhaldi einhverra þeirra. Þörf fyrir ökutæki á deildinni er mismikil eftir árstíðum eða 3-4 bílar og myndu þeir bílar sem eftir yrðu ná að dekka þá þörf. Í dag eru þrír af bílum Eigna- og framkvæmdadeildar uppi í Böggvisstaðaskála; einn í lagi og myndi nýtast yfir sumarmánuðina, einn sem þarfnast viðgerðar og einn sem ekki er hægt að nýta nema í varahluti. Niðurstaða fundarins er sú að óska eftir því við Byggðaráð að fá heimild til sölu á eftirfarandi tveimur bifreiðum í eigu Dalvíkurbyggðar: a) Subaru Forester AO-465 b) Toyota Hilux YJ-175 Niðurstaða:Byggðaráð samþykkir samhljóða með 3 atkvæðum ofangreint erindi og veitir heimild fyrir sölu á ofangreindum 2 bifreiðum."

Á 279. fundi fræðsluráðs var eftirfarandi bókað:
"Tekið fyrir bréf frá Björk Hólm Þorsteinsdóttir, forstöðumanni safna og Menningarhúss Bergs dags.18.01.2023, þar sem hún er bjóða fulltrúum úr fræðsluráði til að taka þátt í grunnvinnu fyrir framtíðarsýn Byggðasafnsins í Dalvíkurbyggð.Niðurstaða:Fræðsluráð, leggur til með fimm atkvæðum að Benedikt Snær Magnússon, taki þátt í vinnufundi 3. mars 2023."

Á 94.fundi menningarráðs var eftirfarandi bókað:
"Björk Hólm Þorteinsdóttir, forstöðumaður safna og framkvæmdastjóri Menningarhússins Bergs, kynnti verkefnið og óskaði eftir þátttöku menningarráðs í verkefninu.Niðurstaða:Menningarráð fagnar verkefninu. Menningarráð mætir í verkefnið 3. mars."

a) Tillaga að vinnuhópi vegna húsnæðismála stofnana sveitarfélagsins ásamt erindisbréfi.
Á 1056. fundi byggðaráðs þann 26. janúar sl. var eftirfarandi bókað:
"Á 354. fundi sveitarstjórnar þann 17. janúar sl. var samþykkt að fela sveitarstjóra að koma með tillögu að vinnuhópi varðandi húsnæðismál stofnana sveitarfélagsins. Með fundarboði fylgdi tillaga sveitarstjóra að ofangreindum vinnuhópi ásamt erindisbréfi.Niðurstaða:Byggðaráð samþykkir samhljóða með 3 atkvæðum að leggja til að eftirtaldir skipi vinnuhópinn: Sveitarstjóri, forseti sveitarstjórnar, deildarstjóri Eigna- og framkvæmdadeildar, sviðsstjóri fræðslu- og menningarsviðs. Byggðaráð samþykkir samhljóða með 3 atkvæðum erindisbréfið eins og það liggur fyrir og vísar því til umfjöllunar og afgreiðslu sveitarstjórnar með þeirri breytingu að verklok verði 15. maí nk."

b) Ályktun menningarráðs varðandi framtíðarhúsnæði fyrir Byggðasafnið.
Á 94. fundi menningarráðs þann 31. janúar sl. var eftirfarandi bókað:
"Tekin fyrir skýrsla frá Eflu dags. 15.12.2022. Óskað var eftir við Eflu að gera ástandsskoðun á húsnæði í Karlsrauðatorgi 7. (Hvoll - Byggðarsafn). Björk Hólm Þorteinsdóttir, forstöðumaður safna og framkvæmdastjóri Menningarhússins Bergs, fór yfir helstu niðurstöður úr skýrslu og næstu skref í úrbótum.Niðurstaða:Menningarráð leggur til við sveitastjórn Dalvíkurbyggðar að finna framtíðarhúsnæði fyrir Byggðasafn Dalvíkurbyggðar sem fyrst."

Á 1055. fundi byggðaráðs þann 19. janúar sl. var eftirfarandi bókað:
"Tekinn fyrir rafpóstur frá Samorku, dagsettur þann 09. janúar 2023, þar sem fram kemur að stefnumótunardagur Samorku verður haldinn 17. febrúar nk. á Fosshóteli í Reykjavík. Aðildarfélögum er boðið að taka þátt í stefnumótuninni og móta þannig starf samtakanna næstu misserin. Miðað er við 1-2 fulltrúa frá hverju aðildarfyrirtæki.Byggðaráð samþykkir samhljóða með 3 atkvæðum að fela Frey Antonssyni og Felix Rafni Felixsyni að sækja stefnumótunardag Samorku. "

Á 6. fundi umhverfis- og dreifbýlisráðs þann 3. febrúar sl. var eftirfarandi bókað:
"Til kynningar breytingar sem urðu um áramótin á fyrirkomulagi á greiðslum úr úrvinnslusjóði. Um áramótin komu til framkvæmda lög sem samþykkt voru á Alþingi í júní á sl. ári og hafa það megin markmið að styðja við hringrásarhagkerfið í meðhöndlun og meðferð úrgangs. Með lögunum verða jafnframt verulegar breytingar á framlengdri framleiðendaábyrgð. Úrvinnslusjóður mun því hér eftir greiða sveitarfélögunum kostnað við sérstaka söfnun úrgangs sem ber framleiðendaábyrgð.Niðurstaða:Umhverfis- og dreifbýlisráð felur sviðsstjóra framkvæmdasviðs að sækja kynningarfund hjá Úrvinnslusjóði sem verður haldinn 15.febrúar kl. 10 og undirbúi samantekt um málið og leggi fyrir ráðið. Samþykkt samhljóða með fimm atkvæðum."

Lögð fram til kynningar fundargerð stjórnar Dalbæjar frá 17. nóvember 2022.