Skipulagsráð

Steinþór Traustason, Bjarki Þórir Valberg og Arna Dögg Arnarsdóttir frá verkfræðistofunni Cowi (áður Mannvit) kynntu drög að deiliskipulagstillögu fyrir nýtt deiliskipulag íbúðarbyggðar sunnan Dalvíkur.
Kynningu skipulagslýsingar fyrir deiliskipulagið lauk þann 13. febrúar sl. Engar athugasemdir bárust. Umsagnir bárust frá Skipulagsstofnun, Rarik, Heilbrigðiseftirliti Norðurlands eystra, Vegagerðinni og Minjastofnun Íslands.

Steinþór, Bjarki og Arna sátu fundinn í fjarfundabúnaði undir þessum dagskrárlið.

Lögð fram lýsing, unnin af Teikna - Teiknistofu arkitekta, fyrir breytingu á Aðalskipulagi Dalvíkurbyggðar 2008-2020 og deiliskipulagi Hóla- og Túnahverfis vegna áforma um stækkun íbúðarbyggðar ÍB-314.

Lögð fram tillaga að breytingu á Aðalskipulagi Dalvíkurbyggðar 2008-2020 vegna stækkunar á íbúðarsvæðum ÍB-302 og ÍB-303, unnin af Teikna - Teiknistofu arkitekta.

Á fundi skipulagsráðs þann 14. febrúar sl. var ákveðið að breyta forsendum fyrir vinnu við nýtt deiliskipulag fyrir miðsvæði Dalvíkur. Deiliskipulagsvinnu við miðsvæði verður frestað og í stað þess verður lögð áhersla á að ljúka deiliskipulagsvinnu fyrir íbúðarlóðir í nágrenni við Dalbæ.
Í samræmi við það eru nú lögð fram drög að tillögu að breytingu á deiliskipulagi íbúðarsvæðis við Kirkjuveg, unnin af Form ráðgjöf ehf.
Tillagan gerir ráð fyrir stækkun skipulagssvæðisins til vesturs að Karlsrauðatorgi, breytingum á afmörkun lóða og vegtengingum auk þess sem skilgreindar verða þrjár nýjar lóðir fyrir parhús, raðhús og fjölbýlishús fyrir íbúa 60 ára og eldri.

Meðfylgjandi er deiliskipulagsuppdráttur.

Erindi dagsett 4. mars 2024 þar sem Arnar Már Snorrason sækir um breytingu á deiliskipulagi fyrir lóð nr. 11 við Aðalgötu á Hauganesi.
Breytingin felur í sér stækkun á byggingarreit ásamt því að nýtingarhlutfall hækkar úr 0,1 í 0,2.
Meðfylgjandi eru skýringaruppdrættir.

Erindi dagsett 7. febrúar 2024 þar sem Stefán Örn Stefánsson sækir um breytingu á deiliskipulagi fyrir Gullbringuland í Svarfaðardal.
Breytingin felst í eftirfarandi:
- Stækkun byggingarreits á lóð Bringu.
- Skiptingu lóðarinnar Gullbringu í tvær lóðir sem fá staðföngin Gullbringa og Efri Gullbringa.

Meðfylgjandi er deiliskipulagsuppdráttur.

Erindi dagsett 5. mars 2024 þar sem Kristín Helga Gunnarsdóttir óskar eftir heimild fyrir tveimur bílastæðum framan við hús nr. 7B við Skíðabraut.
Ekki er í gildi deiliskipulag á svæðinu.

Erindi dagsett 16. janúar 2024 þar sem Landsnet hf. sækir um framkvæmdaleyfi fyrir lagningu Dalvíkurlínu 2.
Meðfylgjandi eru framkvæmdalýsing og yfirlitsmynd.

Erindi dagsett 1. mars 2024 þar sem Hafþór Helgason óskar eftir niðurfellingu á gatnagerðargjöldum fyrir lóð nr. 10 við Hringtún.

Erindi dagsett 7. desember 2023 þar sem Ævar Bóasson sækir um breytingu á staðfanginu Hella land í Hella.

Lögð fram tillaga að breytingum á erindisbréfi skipulagsráðs þar sem m.a. er gert ráð fyrir auknum heimildum til fullnaðarafgreiðslu mála.
Málið var áður á dagskrá skipulagsráðs þann 14. febrúar sl.

Lögð fram tillaga að endurskoðuðum reglum Dalvíkurbyggðar um úthlutun lóða í sveitarfélaginu.
Málið var áður á dagskrá skipulagsráðs þann 14. febrúar sl.

Lögð fram tillaga að uppfærslu á Almennum byggingarskilmálum fyrir lóðir sem Dalvíkurbyggð úthlutar.

Lögð fram samantekt á lausum lóðum í Dalvíkurbyggð.

Lagðar fram til kynningar fundargerðir 67. fundar dags. 19. febrúar 2024 og 68.fundar dags. 4. mars 2024, með fullnaðarafgreiðslum erinda.