Skógarhólar - breyting á aðalskipulagi

Lögð fram lýsing, unnin af Teikna - Teiknistofu arkitekta, fyrir breytingu á Aðalskipulagi Dalvíkurbyggðar 2008-2020 og deiliskipulagi Hóla- og Túnahverfis vegna áforma um stækkun íbúðarbyggðar ÍB-314.

Á 18. fundi skipulagsráðs þann 13. mars sl. var eftirfarandi bókað:
"Lögð fram lýsing, unnin af Teikna - Teiknistofu arkitekta, fyrir breytingu á Aðalskipulagi Dalvíkurbyggðar 2008-2020 og deiliskipulagi Hóla- og Túnahverfis vegna áforma um stækkun íbúðarbyggðar ÍB-314. Niðurstaða:Skipulagsráð leggur til við sveitarstjórn að hún samþykki lýsinguna og að hún verði kynnt skv. 1. mgr. 30. gr. og 1. mgr. 40. gr. skipulagslaga nr. 123/2010. Samþykkt samhljóða með fimm atkvæðum. "

Lögð fram tillaga á vinnslustigi að breytingu á Aðalskipulagi Dalvíkurbyggðar 2008-2020 vegna stækkunar á íbúðarsvæði 314-ÍB, unnin af Teikna teiknistofu.
Kynningu skipulagslýsingar lauk þann 6. apríl sl.
Engar athugasemdir bárust. Umsagnir bárust frá Minjastofnun Íslands, Rarik, Vegagerðinni, Heilbrigðiseftirliti Norðurlands eystra og Mílu.
Meðfylgjandi er skipulagsuppdráttur.

Á 19. fundi skipulagsráðs þann 10. apríl sl. var eftirfarandi bókað:
"Lögð fram tillaga á vinnslustigi að breytingu á Aðalskipulagi Dalvíkurbyggðar 2008-2020 vegna stækkunar á íbúðarsvæði 314-ÍB, unnin af Teikna teiknistofu. Kynningu skipulagslýsingar lauk þann 6. apríl sl. Engar athugasemdir bárust. Umsagnir bárust frá Minjastofnun Íslands, Rarik, Vegagerðinni, Heilbrigðiseftirliti Norðurlands eystra og Mílu. Meðfylgjandi er skipulagsuppdráttur. Niðurstaða:Skipulagsráð leggur til við sveitarstjórn að hún samþykki framlagða tillögu á vinnslustigi og að tillagan verði kynnt skv. 2. mgr. 30. gr. skipulagslaga nr. 123/2010. Er afgreiðslan með fyrirvara um umsögn Skipulagsstofnunar. Samþykkt samhljóða með fimm atkvæðum."