Skipulagsráð

Með innsendu erindi dags. 4. apríl sækja þau Kristján Guðmundsson og Telma Björg Þórarinsdóttir um lóðina við Böggvisbraut 14, Dalvík.

Tekið fyrir innsend ósk á íbúagátt, dagsett 3. apríl 2023, um framlengingu á frest til að skila inn fullnægjandi byggingarnefndarteikningum skv. 4. gr. um lóðaveitingar í Dalvíkurbyggð.

Lögð fram til kynningar skýrsla frá innviðaráðuneytinu um bættar starfsaðstæður kjörinna fulltrúa.

Með fundarboði skipulagsráðs fylgdi yfirlit yfir stöðu bókhalds í samanburði við fjárhagsáætlun 2023 fyrir janúar- og febrúarmánuð. Sviðsstjóri framkvæmdasviðs gerði grein fyrir ofangreindri skýrslu.

Með innsendum rafpósti dags. 9. mars 2023 óskar Ottó Biering Ottósson fyrir hönd EGO hús ehf eftir að biðskýli við Öldugötu 12-16 verði fært.

Grenndarkynningu vegna erindis hestamannafélagsins Hrings þar sem óskað var eftir framkvæmdarleyfi fyrir reiðveg í landi Böggvisstaða, lauk þann 6. febrúar 2023 án athugasemda frá þeim nágrönnum sem send voru grenndarkynningargögn.
Send voru út kynningargögn á fjóra nágranna í formi afstöðumyndar og kynningarbréfs frá sviðsstjóra framkvæmdasviðs.

Tekin fyrir tillaga sem barst 31. mars 2023, þar sem Ottó Biering Ottósson fyrir hönd EGO hús ehf óskar eftir leyfi skipulagsráðs til að reisa fjörgra íbúða raðhús á einni hæð með einhalla þaki á tilgreindum lóðum.

Tekið fyrir erindi dags. 12. apríl 2023 frá Kötlu ehf. lóðarhafa einbýlishúsalóðanna við Lyngholt 4, 6 og 8 Hauganesi.
Í erindinu er óskað eftir breytingu á deiliskipulagi lóðanna sem felst í því að byggja tvö einnar hæðar raðhús á lóðunum í stað þriggja einbýlishúsa á einni hæð. bæði raðhúsin verða fjóra íbúða hús. Lóð nr. 4 er stækkuð til norðurs á kostnað lóðar nr. 6 og lóðir nr. 6 og 8 eru sameinaðar í eina lóð.
Heildarflatarmál lóðanna helst óbreytt og hámarksbyggingarmagn innan lóðanna verður 600 m² eftir sameininguna, en var áður 900 m² fyrir þessar þrjár lóðir.

Grenndarkynningu vegna óverulegs frávikiks á deiliskipulagi fólkvangsins í Böggvisstaðafjalli lauk þann 26. mars 2023 án athugasemda.

Tekið fyrir erindi dags. 30. mars 2023 frá fjórum lóðarhöfum frístundahúsalóðanna í landi Skáldalæks ytri.
Í erindinu óska lóðarhafar frístundalóðanna í landi Skáldalæks ytra eftir leyfi til þess að fá að breyta deiliskipulagi lóða nr. 1, 2 og 4.
Breytingin felst í því að hámarksbyggingarmagn lóða nr. 1, 2 og 4 er aukið úr 110 m² uppí 170 m² annað er óbreytt. Meðfylgjandi erindinu er tillaga að deiliskipulagsbreytingu dags. 02.04.2023 sem unnin er af Ágústi Hafsteinssyni arkitekt hjá Form ráðgjöf.

Til umræðu og afgreiðslu tilboð í deiliskipulagsvinnu ofan Böggvisbrautar á Dalvík

Óveruleg deiliskipulagsbreyting var grennarkynnt skv. 2. mgr. 43. gr. skipulagslaga nr. 123/2010 eftirfarandi lóðarhöfum:
Öldugötu 25, 27 og 29, Öldugötu 12-16, 18, 22. Ægisgötu 13, 15, 17, 19, 19a, 21 og 23.
Grenndarkynningarferlinu lauk 4. apríl án athugasemda.

Tekið fyrir erindi dags. 30. mars 2023 frá Hestamannafélaginu Hring Hringsholti / Ytra-Holti. Í erindinu er tíunduð framtíðarsýn félagsins varðandi uppbyggingu á starfssvæði hestamannafélagsins, þar eru m.a. uppi hugmyndir um byggingu á nýrri reiðhöll með tengibyggingu yfir í núverandi hesthús. Einnig er talað um hugsanlega viðbyggingu við núverandi hesthús auk fjölgunar á gerðum, bílastæðum og fleira. Ekkert deiliskipulag liggur fyrir á svæðinu og fer hestamannfélagið þess á leit við Dalvíkurbyggð að sveitarfélagið ráðist vinnu í deiliskipulag á grundvelli innsendra hugmynda frá stjórn félagsins

Til umræðu forgangslisti fyrir deiliskipulagsvinnu í Dalvíkurbyggð.

Til afgreiðslu niðurstöður úr nafnasamkeppni fyrir fjórar nýjar götur á Hauganesi.

Tekið fyrir erindi frá Sigrúnu Friðriksdóttur og Sigursveini Friðrikssyni dags.22. mars 2022 þar sem óskað er eftir endurskoðun á lóðarleigu fyrir Karlsbraut 13, Dalvík.

Á 8. fundi umhverfis-og dreifbýlisráðs þann 31. mars 2023 var afgreiðslu umsóknar um breytta landnokun á Syðra-Holti vísa til skipulagsráðs.

Tekið fyrir erindi dags. 11. apríl 2023 frá Sæfrakt ehf lóðarhafa atvinnulóðarinnar við Gunnarsbraut 8-10 á Dalvík.
Í erindinu er óskað eftir breytingu á deiliskipulagi Dalvíkurhafnar sem felst í því að breikka byggingarreit lóðarinnar Gunnarsbraut 8 um 3.5 m til vesturs. Hámarksbyggingarmagn og lóðarstærð lóðarinnar helst óbreytt. Meðfylgjandi erindinu er tillaga í formi afstöðumyndar dags. 10.04.2023 sem unnin er af Haraldi Árnasyni hjá HSÁ teiknistofu.

Með innsendu erindi dags. 11. apríl 2023 óskar Valbjörn Ægir Vilhjálmsson fyrir hönd lóðarhafa eftir stækkun á lóð og byggingarreit samkvæmt meðfylgjandi gögnum.