Félagsmálaráð

Trúnaðarmál - 202312071

Bókað í trúnaðarmálabók

Lagður fram til kynningar rafpóstur dags. 23.05.2024 fr a SSNE þar sem fjallar er um að ráðuneyti mennta- og varnamála verið að vinna tillögur að útfærslu á starfsemi svæðisbundinna farsældarráða sem setja þarf á laggirnar samkv. 5.gr. farsældarlaga. Tillögur ráðuneytisins eru að stofnað verði farsældarráð í hverjum landshluta. Í tengslum við það lýsti ráðuneytið yfir vilja sínum að gerður verði viðaukasamningur við Sóknaráætlanir landshlutua og verði veittur stuðningur til að ráða verkefnastjóra í 2 ár til að útfæra starfsemi farsældarráðanna.
Erindi þetta var einnig til umræðu í sveitarstjórn Dalvíkurbyggðar dags. 18.06.2024 þar sem bókað var "Sveitarstjórn samþykkir samhljóða með 7 atkvæðum að veita SSNE umboð Dalvikurbyggðar til að vinna drög að samningi fyrir Norðurland eystra um svæðisbundið farsældaráð barna með starfsfólki ráðuneytisins."

Lagðir voru fram til kynningar og umræðu drög að þjónustusamningum um samþættan heimastuðning á milli Heilbrigðisstofnunar Norðurlands, Dalvíkurbyggð og Dalbæ annars vegar og hins vegar drög að samkomulagi um samþætta heimaþjónustu á milli sömu aðila. Einnig voru kynnt drög að handbók um samþættingu á þjónustu við eldri borgara sveitarfélagsins.

Lagt var fram til kynningar breyting á þjónustusvæði Barnaverndarþjónustu Eyjafjarðar sem og breytinga á nafni.

Barnaverndarþjónusta Norðurþings heyrir nú undir Barnaverndarþjónustu Eyjafjarðar. Um er að ræða sameiginlega barnaverndarþjónustu 10 sveitarfélaga, þ.e. Akureyrarbæjar, Dalvíkurbyggðar, Norðurþings, Langanesbyggðar, Tjörneshrepps, Þingeyjarsveitar, Svalbarðsstrandahrepps, Grýtubakkahrepps, Eyjafjarðar og Hörgárbyggðar. Starfsfólk barnaverndarþjónustu Norðurþings er áfram með starfsstöð í Stjórnsýsluhúsi Norðurþings á Húsavík.

Í ljósi sameiningarinnar er lagt til af hálfu fagráðs barnaverndarþjónustunnar að Barnaverndarþjónusta Eyjafjarðar fái heitið „Barnaverndarþjónusta á Norðurlandi eystra“

Viðfangsefni við endurskoðun aðalskipulags lagt fram til kynningar og umræðu. Óskað er eftir tillögum ef ráð og nefndir vilja koma sérstökum málum að skipulagsvinnunni.

Farið var yfir aksturþjónustureglur fartlaðs fólks 2024.

Lagt fram til kynningar og umræðu drög að gjaldskrám félagsmálasviðs fyrir árið 2025.

Lagður fram til kynningar rafpóstur dags. 03.09.2024 frá Landstúlkun þar sem verið er að minna á fyrirtækið. Það segir í póstinum að starfsmenn fyrirtækisins hafi áralanga reynslu í þýðingum og túlkun fyrir barnavernd, skóla, námskeið, starfsmannafundi, sálfræðinga og margt fleira. Það er þeirra hjartans mál að veita góða þjónustu, og áhersla er lögð á áreiðanleika, sanngjarnt verð og að vera til taks með stuttum fyrirvara.
Fyrirtækið eru aðilar að rammasamningi við Ríkiskaupa.

Lögð fram til kynningar og umræðu vinnugögn vegna fjárhagsáætlunar félagsmálasviðs árið 2025. Farið var yfir tímaramma sem og önnur vinnugögn.

Lagt var fram til kynningar stöðumat sviðsstjóra félagsmálasviðs á fjármálum sviðsins frá janúar -júní 2024

Formaður félagsmálaráðs hóf máls á vandamálum tengdu einelti og ofbeldi.

Formaður félagsmálaráðs ræddi hugmyndir um byggingu á leiguíbúðum á svæði í kringum Dalbæ. Mikilvægt er að horfa til framtíðar hvað varðar þjónustu við eldri borgara sveitarfélagsins og búseta eitt af því sem ræða þarf.