Sjávarstígur 2 Hauganesi - breyting á deiliskipulagi

Lögð fram tillaga á vinnslustigi að breytingu á deiliskipulagi Hauganess, unnin af Form ráðgjöf ehf. Tillagan gerir ráð fyrir nýrri 500 m2 lóð fyrir iðnaðarstarfsemi.

Meðfylgjandi er deiliskipulagsuppdráttur.

Á 19. fundi skipulagsráðs þann 10. apríl sl. var eftirfarandi bókað:
"Lögð fram tillaga á vinnslustigi að breytingu á deiliskipulagi Hauganess, unnin af Form ráðgjöf ehf. Tillagan gerir ráð fyrir nýrri 500 m2 lóð fyrir iðnaðarstarfsemi. Meðfylgjandi er deiliskipulagsuppdráttur.Niðurstaða:Skipulagsráð leggur til við sveitarstjórn að hún samþykki að gerð verði breyting á deiliskipulagi til samræmis við erindið þegar samsvarandi breyting á aðalskipulagi hefur tekið gildi. Málsmeðferð deiliskipulagsbreytingar er óveruleg breyting skv. 2. mgr. 43. gr. skipulagslaga nr. 123/2010 og skal tillagan grenndarkynnt skv. 44. gr. laganna. Grenndarkynnt skal fyrir lóðarhöfum Aðalgötu 2, 4, 6, 8 og 10 og Hafnargötu 2, 4 og 6A. Samþykkt samhljóða með fimm atkvæðum."

Grenndarkynningu á áformum um breytingu á deiliskipulagi Hauganess vegna nýrrar 500 m2 lóðar fyrir iðnaðarstarfsemi lauk þann 13. júní sl.
Tvær athugasemdir bárust.

Grenndarkynningu á áformum um breytingu á deiliskipulagi Hauganess vegna nýrrar 500 m2 lóðar fyrir iðnaðarstarfsemi lauk þann 13. júní sl. Tvær athugasemdir bárust.
Málið var áður á dagskrá skipulagsráðs þann 28.júní sl. og var afgreiðslu frestað þar til fyrir lægi samþykki Skipulagsstofnunar fyrir því að málsmeðferð samsvarandi aðalskipulagsbreytingar gæti talist óveruleg skv. 2.mgr. 36.gr. skipulagslaga nr. 123/2010.

Lögð fram uppfærð tillaga Forms teiknistofu að breytingu á deiliskipulagi Hauganess vegna áforma um nýja lóð fyrir iðnaðarstarfsemi.
Uppfærð tillaga gerir ráð fyrir minnkun byggingarreits og lækkun byggingarheimildar úr 50 m2 í 25 m2. Þá eru settir skilmálar um hámarksvegghæð 2,6 m og hámarksmænishæð 3,4 m, tvíhalla þak og að yfirbragð byggingar taki mið af aðliggjandi byggð.
Þá er jafnframt sótt um stækkun lóðarinnar úr 500 m2 í 618 m2.

Á 24. fundi skipulagsráðs þann 11. september sl. var eftirfarandi bókað:
"Lögð fram uppfærð tillaga Forms teiknistofu að breytingu á deiliskipulagi Hauganess vegna áforma um nýja lóð fyrir iðnaðarstarfsemi. Uppfærð tillaga gerir ráð fyrir minnkun byggingarreits og lækkun byggingarheimildar úr 50 m2 í 25 m2. Þá eru settir skilmálar um hámarksvegghæð 2,6 m og hámarksmænishæð 3,4 m, tvíhalla þak og að yfirbragð byggingar taki mið af aðliggjandi byggð. Þá er jafnframt sótt um stækkun lóðarinnar úr 500 m2 í 618 m2. Niðurstaða:Skipulagsráð leggur til við sveitarstjórn að hún samþykki uppfærða tillögu m.t.t. byggingarreits og byggingarmagns skv. 3.mgr. 41.gr. skipulagslaga nr. 123/2010. Umsókn um stækkun lóðar er hafnað. Samþykkt samhljóða með fimm atkvæðum. "