Skólastefna Dalvíkurbyggðar

Hildur Ösp Gylfadóttir sviðsstjóri fræðslu- og menningarsviðs sagði frá fyrirhugaðri endurskoðun á skólastefnum sveitarfélagsins og sameiginlegri stefnu leikskóla, grunnskóla og tónlistarskóla. Óskað var eftir fulltrúa fræðsluráðs í vinnuhópinn. Fræðsluráð tilnefnir Auði Helgadóttur, formann fræðsluráðs í starfshópinn.

Kennsluráðgjafi greindi frá vinnu sem hófst á þessu ári varðandi gerð nýrrar, sameiginlegrar skólastefnu fyrir skóla sveitarfélagsins. Vinnuhópur með fulltrúum allra skóla, skólaskrifstofu og fræðsluráðs hefur hist nokkur skipti en næsta skref er að fá inn raddir fleiri starfsmanna skólanna, foreldra og nemenda. Stefnt er að því að ljúka vinnunni undir vor.

Helga Björt Möller kennsluráðgjafi sagði frá vinnu við skólastefnu Dalvíkurbyggðar. Vinnan er nú á seinni stigum.

Helga Björt Möller kennsluráðgjafi upplýsti fundarmenn um vinnu við gerð nýrrar skólastefnu. Nú hefur vinnuhópur lagt gróf drög að stefnunni og næsta skref er því að leggja hana fyrir ýmsa rýnihópa foreldra og starfsfólks. Það verður gert í ágúst og september.

Með fundarboði fylgdu drög að sameiginlegri skólastefnu leik-, grunn og tónlistarskóla sveitarfélagins.

Starfshópur um gerð skólastefnu Dalvíkurbyggðar hefur fundað reglulega frá ársbyrjun 2014. Fundað hefur verið með rýnihópum nemenda, foreldra og starfsfólks en að auki var spurt um nokkur atriði tengd skólastefnu í rafrænum könnunum til foreldra og starfsfólks í vor. Skólastjórar hafa kynnt tillöguna sínum foreldra- og skólaráðum og komið athugasemdum frá þeim á framfæri til vinnuhópsins.

Fræðsluráð fagnar vinnunni og inntaki skólastefnunnar. Umræður voru um atriði eins og upplýsingatækni og er afgreiðslu frestað fram að næsta fundi ráðsins.

Ný sameiginleg skólastefna leikskóla, grunnskóla og tónlistarskóla sveitarfélagins var lögð fyrir fundinn.

Fræðsluráð samþykkir stefnuna, þakkar starfshópnum góð störf og vísar henni til afgreiðslu sveitarstjórnar.

Jafnframt óskar ráðið eftir því að hver skóli geri innleiðingaráætlun um skólastefnuna og leggi fyrir ráðið hið fyrsta.

Sveitarstjórn samþykkir samhljóða með 6 atkvæðum tillögu að skólastefnu Dalvíkurbyggðar eins og hún liggur fyrir, Gunnþór tekur ekki þátt í atkvæðagreiðslu vegna vanhæfis.

Sveitarstjórn tekur undir þakkir fræðsluráðs til starfshópsins.

Gunnþór kom inn á fundinn að nýju kl. 16:45.

Sviðsstjóri og kennsluráðgjafi upplýstu um að á næstu dögum muni uppsett og útprentuð skólastefna líta dagsins ljós en hún verður send inn á öll heimili í sveitarfélaginu.
Áframhaldandi umræða varð um innleiðingu á stefnunni.

Fræðsluráð óskar eftir innleiðingaráætlun frá hverjum skóla og að þær verði sendar fræðsluskrifstofunni fyrir marslok 2015.

Gísli Bjarnason og Drífa Þórarinsdóttir véku af fundi.

Með fundarboði fylgdu drög að innleiðingaráætlunum Árskógarskóla, Dalvíkurskóla og Káta- og Krílakots vegna nýrrar skólastefnu. Innleiðingaráætlun Tónlistarskóla kemur síðar.



Fræðsluráð óskar eftir umsögnum um áætlanirnar frá starfshópi um gerð skólastefnunnar.

Með fundarboði fylgdu uppfærðar innleiðingaráætlanir Dalvíkurskóla, Árskógarskóla, Kríla- og Kátakots og Tónlistarskóla Dalvíkurbyggðar í tengslum við innleiðingu nýrrar skólastefnu sveitarfélagsins. Þessar uppfærðu áætlanir eru unnar út frá punktum sem vinnuhópur um nýju skólastefnuna skilaði frá sér.

Rætt var um ýmsa þætti sem beint eða óbeint tengjast stefnunni eins og leiktæki á lóð Dalvíkurskóla og LAP verkefnið sem er þróunarverkefni varðandi fjölmenningarlegt skólastarf og Krílakot og Dalvíkurskóli eru í, íbúa- og nemendaþróun í sveitarfélaginu og fleira.



Fræðsluráð samþykkir innleiðingaráætlanirnar og stefnir á að athuga gang innleiðingarinnar í nóvember/desember nk. Skólastjóri Dalvíkurskóla óskaði eftir að leggja fram nýtt skjal á næsta fundi þar sem hann sagði að nýlegar ábendingar hefðu borist frá starfsmönnum skólans, sem rétt er að skoða nánar. Var það samþykkt. Skólastjóri Káta-og Krílakots mun fara yfir áætlunina á næstu dögum með starfsmönnum og uppfæra áætlun ef þörf er á.

Fræðsluráð þakkar skólunum fyrir gott starf, skólastjórunum fyrir upplýsingarnar og hvetur skólana til áframhaldandi innleiðingar.

Fræðsluráð þakkar Magnúsi fyrir upplýsingarnar og lýsir ánægju sinni með þróunina í starfi skólans.