Íþrótta-, æskulýðs- og menningarráð

Tekið fyrir erindi frá Skíðafélagi Dalvíkur, dagsett þann 10. júní 2022, þar sem fram kemur að aðalfundur Skíðafélags Dalvíkur haldinn 30. maí sl. skorar á sveitarstjórn Dalvíkurbyggðar að standa við uppbyggingaráætlun félagsins. Um sé að ræða byggingu geymsluhúsnæðis á skíðasvæðinu og endurnýjun snjótroðara sem var á áætlun fráfarandi sveitarstjórnar á árunum 2020-2025. Aðalfundur skorar á sveitarstjórn að hefja viðræður við félagið sem fyrst og uppfæra áðurgerða áætlun og í framhaldinu setja fjármagn í verkefnin á árunum 2022-2026.
Byggðaráð vísaði erindinu til ráðsins til umfjöllunar.

Tekið fyrir erindi frá Golfklúbbnum Hamri, bréf dagsett þann 19. júní 2022, þar sem fram kemur að félagið þurfið að treysta á áframhaldandi framlag frá Dalvíkurbyggð til að geta klárað vélageymslu, svo ekki þurfi að koma til kostnaðarsöm lántaka. Vegna vélageymslu, áframhaldandi uppbyggingar á vellinum og kaupa á slátturróbótum þá óskar félagið eftir styrkjum sem hér segir; Árið 2023; 40 - 55 m.kr. Árið 2024; 30 m.kr. Árið 2025; 30 m.kr. Árið 2026; 30 m.kr.
Byggðaráð vísaði erindinu til vinnslu hjá ráðinu.

Tekið fyrir erindi frá knattspyrnudeild UMFS, rafpóstur dagsettur þann 20. júní 2022, þar sem fram kemur að Knattspyrnudeild Dalvikur óskar hér með eftir aðkomu Dalvíkurbyggðar að uppbyggingu heilsárs starfs (100%) í kringum knattspyrnuna í Dalvíkurbyggð og að það komist inn í fjárhagsáætlun 2023. Eins sé mikilvægt að endurskoðun eigi sér stað að aðkomu Dalvíkurbyggðar og íþróttafélaga í sveitarfélaginu að UMSE, þessi mál ættu að vera skoðuð í samhengi, að mati knattspyrnudeildarinnar.

Út er komin Ánægjuvogin, sem unnin er af Rannsóknum & greiningu (R&G) fyrir Íþrótta-og Ólympíusamband Íslands (ÍSÍ) og Ungmennafélags Íslands (UMFÍ). Í Ánægjuvoginni felst að spurningum tengdar íþróttum og íþróttaiðkun er bætt við spurningalista í könnuninni Ungt fólk, sem lögð var fyrir nemendur í 8.-10. bekk í febrúar og mars 2022. Í Ánægjuvoginni er meðal annars spurt um ánægju iðkenda með íþróttafélagið, þjálfara, íþróttaaðstöðu og helstu áhersluatriði þjálfarans í starfi. Einnig eru skoðuð tengsl íþróttaiðkunar nemenda við aðra þætti eins og vímuefnaneyslu og andlega og líkamlega heilsu, svefn og neyslu orkudrykkja.

Gísli Bjarnason, sviðsstjóri fræðslu - og menningarsviðs, lagði fram til kynningar niðurstöður úr Íslensku æskulýðsrannsókninni fyrir Dalvíkurbyggð.