Fjárhagsáætlun 2023; hvatastyrkur ÆskuRækt

Tekið fyrir erindi frá Sveini Arndal Torfasyni, dagsett þann 12. júní 2022, þar sem skorað er á sveitarfélagið að taka til endurskoðunar hvatagreiðslur til barna og ungmenna í gegnum ÆskuRækt/Sportabler. Áskorunin felst í því að Dalvíkurbyggð hækki aldursmörk á hvatagreiðslum upp í 18 ára og á sama tíma að 17-18 ára geti nýtt hvatagreiðslur á einum stað, þ.e. við eina íþrótta/tómstund sé þess óskað.

Á 141. fundi íþrótta- og æskulýðsráðs þann 4. október sl. var eftirfarandi bókað:
"Íþrótta- og æskulýðsráð samþykkir framlögð drög með 4 atkvæðum og vísar þeim til staðfestingar sveitarstjórnar."

Undir þessum lið komu á fund byggðaráðs Gísli Rúnar Gylfason, íþrótta- og æskulýðsfulltrúi, Gísli Bjarnason, sviðsstjóri fræðslu- og menningarsviðs, og Jóhann Már Kristinsson, formaður íþrótta- og æskulýðsráðs, kl. 14:30. Aðrir fulltrúar í íþrótta- og æskulýðsráði boðuðu forföll.

Á 350. sveitarstjórnar þann 18.október sl. var eftirfarandi bókað:
"Á 141. fundi íþrótta- og æskulýðsráðs þann 4. október sl. var eftirfarandi bókað: Íþrótta- og æskulýðsráð samþykkir framlögð drög með 4 atkvæðum og vísar þeim til staðfestingar sveitarstjórnar.Til máls tók forseti sveitartjórnar sem leggur til að þessum lið verði vísað aftur til íþrótta- og æskulýðsráðs og byggðaráðs til umfjöllunar og reglurnar þannig teknar til skoðunar vegna samninga í heild sinni við íþróttafélögin. Helgi Einarsson. Sigríður Jódís Gunnarsdóttir. Felix Rafn Felixson. Lilja Guðnadóttir. Fleiri tóku ekki til máls. Sveitarstjórn samþykkir samhljóða með 7 atkvæðum ofangreinda tillögu forseta sveitarstjórnar."

Með fundarboði byggðaráðs fylgdu ársreikningar 2021 frá íþrótta- og æskulýðsfélögum sem sveitarfélagið er með samninga við ásamt styrktarsamningum við félögin 2020-2023. Einnig samantekt íþrótta- og æskulýðsfulltrúa yfir styrktartölur í samningum undanfarinna ára og samantekt yfir æfingagjöld félaganna.

Til umræðu ofangreint.

Gísli Bjarnason vék af fundi kl. 15:31.

Á 142. fundi íþrótta- og æskulýðsráðs þann 1. nóvember sl. var eftirfarandi bókað:
"Sveitarstjórn vísaði þessu máli aftur til umfjöllunar í íþrótta- og æskulýðsráði. Íþrótta- og æskulýðsráð leggu til að styrkurinn verði 30.000 á ári. Einnig verði beðið með að styrkinn verði hægt að nota í frístund og það tekið upp aftur ef farið verður í að endurskipuleggja frístund."