Veitu- og hafnaráð

Veitu- og hafnarráð þakkar Sigurveigu Árnadóttur fyrir greinargóða kynningu á stöðu jarðhitaleitar í Þorvaldsdal. Vegna áhuga á virkjunarframkvæmdum í Þorvaldsdal þarf að huga að frekari rannsóknum í dalnum, áður og ef til framkvæmda kemur í dalnum.

Veitu og hafnaráð þakkar Óttó Elísassyni fyrir góða kynningu á starfssemi Eims.

Lagt fram til kynningar.

Veitu og hafnarráð samþykkir með 4 atkvæðum leigusamning og viðaukasamning vegna búnaðar frá Nova á þak vatnstanks við Brimnesborgir, með þeim breytingum að í viðaukasamningi í grein 6.4 sé talað um samningsaðila en ekki leigutaka, að í leigusamningi sé talað um töfluskáp í stað 2-4fm og að hvorugur samningurinn sé framseljanlegur. Veitustjóra er falið að fá bæjarlögmann til að koma breytingum inn í samningana og lesa þá yfir, áður en til samþykktar sveitarstjórnar kemur.
Samþykkt með 4 atkvæðum.

Veitustjóra er falið að komast að því hver sverleikinn á lögninni er yfir ánna og hver dýptin niður á lögnina er. Veitustjóri kemur með upplýsingar á næsta fund ráðsins.
Samþykkt með 3 atkvæðum

Veitustjóra er falið að fara yfir verkefnalista hitaveitunnar, og meta hvort hægt sé að ráðast í öll verkefni á þessu ári, og þá hvort hægt sé að fresta hluta af verkefnum, eins og t.d. nýju dæluhúsi á Hamri og nýta frekar fjármuni í að klára að setja djúpdælu á Birnunesborgir, svo hægt sé í framhaldinu að fá gögn um hvað holan getur gefið af sér.
Samþykkt með 3 atkvæðum.