Veitu- og hafnaráð

Úttekt unnin af ÍSOR fyrir umhverfis-, orku- og loftslagsráðuneytið, gefin út í maí 2023. Úttektin felur í sér að leggja mat á stöðu rannsókna og gagna um auðlindina, hvernig þróun nýtingar hefur verið og hvaða tækifæri eru til sjálfbærrar nýtingar jarðhita til framtíðar. Í köflum 8.29 og 8.30 er umfjöllun um Hitaveitu Dalvíkur og Brimnes/Birnunesborgir.

Fyrirspurn frá Hjörleifi Hjartarsyni hvort möguleiki er á að byggja létta göngubrú samhliða hitaveitumannvirki yfir Svarfaðardalsá. Settar eru fram þrjár spurningar sem óskað er svara við.

Til upplýsingar þá var á árinu 2022 sótt um styrk í Framkvæmdasjóð ferðamannastaða, vegna framkvæmda 2023, fyrir göngubrú yfir Svarfaðardalsá. Umsókn Dalvíkurbyggðar var hafnað.

Samorka auglýsir að opnað hafi verið fyrir umsóknir sveitarfélaga um styrki til fráveituframkvæmda. Umsóknarfrestur er til 1.september 2023.

Með fundarboði fylgdu gögn er varða málið, vonir stóðu til að ný gögn varðandi útfærslu og áætlaðan kostnað vegna fráveitu við nýja götu myndu berast fyrir fundinn.

Orkusjóður auglýsir eftir umsóknum um styrki til jarðhitaleitar. Áherslur sjóðsins snúa að því að ráðast í átak við leit að heitu vatni á þeim svæðum þar sem nú er notuð raforka og/eða olía til húshitunar og vísað til loftslagsmarkmiða.

Veitu- og hafnarráð tók málið fyrir á 123.fundi sínum þann 5.apríl sl. og var eftirfarandi bókað:
"Farið yfir skýrslu Mannvits og virkjun Brimnesár rædd. Veitu- og hafnaráð sér ekki að Dalvíkurbyggð eigi að vera að fara í þessháttar framkvæmdir. Ráðið beinir því til byggðaráðs að haldinn verði íbúafundur sem allra fyrst til þess að kynna íbúum innihald skýrslunnar. Samþykkt samhljóða með fimm atkvæðum."
Á 1064.fundi byggðaráðs þann 13.apríl var eftirfarandi bókað: "Byggðaráð felur sviðsstjóra framkvæmdasviðs að undirbúa fundinn og hann fari fram sem fyrst í maí."
Íbúafundur var haldinn 3.maí í Menningarhúsinu Bergi, Dalvík.

Orkustofnun og Veðurstofa Íslands hafa um árabil haft samstarf um skráningu á nýtingu vatns, bæði yfirborðsvatns og grunnvatns og með þeim hætti haft mikilvægar upplýsingar um vatnsauðlindina og hafa þær nýst sem undirstaða í skýrslugerð um vatn og vatnsnotkun, m.a. til alþjóðlegra stofnana.

Orkustofnun óskar hér með eftir skilum fyrir síðasta ár, þ.e. 2022, bæði um upptöku og notkun vatnsveitna.

Sveitarstjóri í samráði við verkstjóra veitna hefur sent Orkustofnun umbeðin gögn.

Í tölvupósti dags. 25.apríl sl. tilkynnir Vegagerðin um tafir á endurbyggingu Norðurgarðs. Í stað þess að verkið verði unnið í ár og á næsta ári þá hliðast það til um eitt ár og mun verktaki hefja rekstur stálþils á árinu 2024 og þekja verður steypt á árinu 2025.

Á 1072.fundi byggðaráðs þann 29.júní sl. var tekin fyrir heildarviðauki I við fjárhagsáætlun 2023; fjárhagsáætlunarlíkan, þar sem tekið er tillit til þessa.

Lögð fram til kynningar og umræðu drög að Samgönguáætlun 2024-2025 þar sem fram kemur áætlaðar framkvæmdir við hafnir Dalvíkurbyggðar á þessum árum.

Í tölvupósti þann 29.mars 2023 hvatti Orkusjóður aðildarhafnir Hafnasambands Íslands til þess að sækja um styrki til orkuskipta í höfnum. Umsóknarfrestur var til 19.apríl 2023.

Með fundarboði fylgdu punktar af fundi sem haldinn var í Ráðhúsi Dalvíkur þann 9.júní sl. þar sem aðilar frá fyrirtækjum sem hafa starfsemi á hafnarsvæðinu voru boðaðir.

Rædd voru öryggismál og farið yfir það sem má betur fara í öryggismálum og skráð niður þau atriði sem aðilar voru sammála um að þyrfti að huga að.

Sveitarstjóri upplýsti að gengið hefði verið frá ráðningu Arnþórs Hjörleifssonar í stöðu hafnavarðar frá og með 1.september 2023.

Norðursigling sækir um að setja upp svokallaðan "sendiherra" á höfninni á Árskógssandi, helst hjá Hríseyjarferjunni.