Byggðaráð

Tekið fyrir bréf frá Sambandi íslenskra sveitarfélaga, dagsett þann 31. maí 2013, er varðar leiðbeiningar til sveitarstjórna um viðauka við fjárhagsáætlun. Tilgangur bréfsins er að árétta hvaða kröfur um breytt verklag felast í ákvæðum sveitarstjórnarlaga og ef þörf er á að víkja frá upphaflegri og bindandi fjárhagsáætlun með gerð viðauka.

Ofangreint til umræðu á fundinum.

Með fundarboði byggðarráðs fylgdi samantekt sviðstjóra fjármála- og stjórnsýslusviðs yfir þá viðauka við fjárhagsáætlun 2013 sem byggðarráð hefur samþykkti á árinu, með vísan í mál og erindi sem tekin hafa verið fyrir á fundum byggðarráðs. Einnig fylgdi með tillaga að eftirfarandi breytingum:

a) Breytingar á tekjum vegna framlaga frá Jöfnunarsjóði og vegna álagningar fasteignaskatts og álagðra þjónustugjalda.
b) Hækkun á uppfærslu lífeyrisskuldbindinga.
c) Breytingar á fjárhagsáætlun málaflokka 57 og 58; félagslegar íbúðir vegna sölu á 4 íbúðum.

Tekið fyrir erindi frá forstöðumanni bóka- og héraðsskjalasafns, bréf dagsett þann 30. maí 2013, þar sem óskað er eftir viðauka við fjárhagsáætlun safnanna vegna veikinda og breytinga í starfsmannamálum safnanna. Að frádregnu framlagi frá Vinnumálastofnun er óskað eftir viðauka að upphæð kr. 1.942.590 fyrir söfnin.

Tekið fyrir erindi frá leikskólastjóra Krílakots, dagsett þann 6. maí 2013, þar sem óskað er eftir viðauka að upphæð kr. 697.676 við fjárhagsáætlun skólans vegna veikinda starfsmanna.

Tekið fyrir erindi frá skólastjóra Árskógarskóla, sviðstjóra umhverfis- og tæknisvið og garðyrkjustjóra, bréf dagsett þann 4. júní 2013, þar sem óskað er eftir viðauka við fjárhagsáætlun að upphæð kr. 3.000.000 vegna flutnings og niðursetningar leiktækja.

Fram kemur m.a. að reiknað hafði verið með að hægt væri að flytja þau leiktæki sem voru sunnan skólans (stór leiktæki) og nýta undirlag fyrir þau. Heilbrigðiseftirlitið kom á staðinn og benti á að núverandi undirlag og bil milli leiktækja er á undanþágu og því megi ekki færa það til enda fengist svæðið ekki vottað.

Undir þessum lið komu á fund byggðarráðs Börkur Þór Ottósson, sviðstjóri umhverfis- og tæknisviðs, og Þorsteinn K. Björnsson, sviðstjóri veitu- og hafnasviðs.

Með fundarboði byggðarráðs fylgdi minnisblað með óskum um viðauka við fjárhagsáætlun 2013 ásamt vinnublöðum.

09 Skipulags- og byggingarmál, kr. 5.505.000, aðallega vegna launakostnaðar.
10 Umferðar- og samgöngumál, kr. 17.500.000,- vegna snjómoksturs.
41 Hafnasjóður, kr. 1.190.000, vegna launakostnaðar.
43 Vatnsveita, kr. -1.069.000, vegna launakostnaðar.
47 Hitaveita, kr. 858.000, vegna launakostnaðar.
73 Fráveita, kr. 340.000, vegna launakostnaðar.
32 Eignasjóður, kr. 3.000.000, vegna framkvæmda við Ungó.
74 Fráveita, kr. 4.000.000, vegna breytinga á dæluhúsi og dælum.
Alls kr. 24.324.000 vegna rekstur og kr. 7.000.000 vegna fjárfestinga.

Ofangreint til umræðu sem og breytingar á umhverfis- og tæknisviði og veitu- og hafnasviði.

Jóhann Ólafsson vék af fundi undir þessum lið kl. 10:20.

Börkur Þór og Þorsteinn viku af fundi.

Á 3. fundi veitu- og hafnaráðs þann 22. maí 2013 var eftifarandi bókað:
Dalvíkurbyggð er að fara að opna íbúagátt sem þátt í að auka þjónustu við bæjarbúa. Einn þáttur er að viðskiptavinir Hitaveitu Dalvíkur geti kynnt sér ýmsar upplýsingar úr upplýsingakerfi veitunnar sem ber heitið "Mín orka".
Kynnt var tilboð það sem fram kemur í rafpósti til sviðsstjóra fjármála- og stjórnsýslusviðs sem dagsettur er 14.05.2013.
Sviðstjóra falið að ræða frekar við Applicon um málið.

Með fundarboði byggðaráðs fylgdu upplýsingar um kostnað vegna kaupa og innleiðingar á "Mín Orka" sem og árlegan kostnað. Einnig fylgdu með upplýsingar um núverandi kostnað vegna birtingu á reikningum í heimabanka sem og kostnað við að senda út reikninga á pappír til þeirra viðskiptavina sem þess óska.

Líklegur árlegur viðbótarkostnaður yrði um kr. 111.000 án vsk að því gefnu að engin breyting verði á þeim kostnaði vegna þeirra viðskiptavina sem fá reikninga á pappír í pósti en sá kostnaður er áætlaður kr. 363.000.

Með kaupum og innleiðingu á Mín Orka með birtingu í gegnum Íbúagáttina þá er um aukna þjónustu að ræða þar sem viðskiptavinir geta séð fleiri upplýsingar en reikninga.

Með fundarboði byggðarráðs fylgdi stöðumat stjórnenda á starfs- og fjárhagsáætlun janúar - mars 2013.
Sviðstjóri fjármála- og stjórnsýslusviðs kynnti mat stjórnenda.

Á 664. fundi byggðarráðs þann 23. maí 2013 var til umræðu forsendur fjárhagsáætlunar vegna vinnu við fjárhagsramma 2014-2017.

Til umræðu forsendur fjárhagsramma.

Sviðstjóri fjármála- og stjórnsýslusviðs gerði byggðarráði grein fyrir stjórnarfundi byggðasamlags um málefni fatlaðra á Norðurlandi vestra sem hún sat í gegnum fjarfund föstudaginn 24. maí s.l.

Tekin fyrir fréttatilkynning frá Atvinnuþróunarfélagi Eyjafjarðar, dagsett þann 23. maí 2013, þar sem fram kemur að stofnað hefur verið félagið Dysnes Þróunarfélag ehf. til uppbyggingar, markaðsstarfs og kynningar á Dysnesi við Eyjafjörð sem framtíðar hafnarsvæði vegna þjónustu við námu og olíuvinnslu fyrir norðan land. Að félaginu standa Eimskip, Mannvit, Slippurinn, Hafnasamlag Norðurlands og Atvinnuþróunarfélag Eyjafjarðar.

Tekið fyrir erindi frá Sambandi íslenskra sveitarfélaga, bréf dagsett þann 30. maí 2013, þar sem fram kemur að nýsköpunarverðlaunin í opinberri þjónustu og stjórnsýslu verða veitt í þriðja skipti 29. janúar 2014 á Grand hóteli í Reykjavík. Sveitarfélög geta því byrjað að velta fyrir sér tilnefningum en í september verða nánari upplýsingar sendar og óskað eftir formlegum tilnefningum. Gert er ráð fyrir að frestur til að leggja þær fram verði til 1. nóvember n.k.

Tekið fyrir bréf frá Hagmunasamtökum Heimilanna, sem barst í rafpósti þann 24. maí 2013, þar sem fram kemur m.a. að Hagmunasamtök heimilanna beina þeirri áskorun til sveitarfélaga á landsvísu að hefja sem fyrst aðgerðir til að stemma stigu við heimilisleysi í sveitarfélaginu sem rekja má til skorts á aðgæslu að réttindum neytenda við nauðunarsölur og aðrar fullnustuaðgerðir. Í bréfinu er kynnt ályktun um áskorun til sveitarstjórnar sem samþykkt var á aðalfundi samtakanna 15. maí s.l.

Á 663. fundi byggðarráðs samþykkti byggðarráð að taka reglur um sölu á íbúðum í eigu Dalvíkurbygðar til endurskoðunar.

Rætt á fundinum.
Með fundarboði byggðarráðs fylgdu reglurnar með hugmynd að breytingu.

Bókað í trúnaðarmálabók.

Bókað í trúnaðarmálabók.