Byggðaráð

Undir þessum lið kom á fund byggðarráðs Hildur Ösp Gylfadóttir, sviðsstjóri fræðslu- og menningarsviðs.

Á 37. fundi menningarráðs þann 2. maí 2013 var eftirfarandi bókað:
Sviðsstjóri fór yfir fund sem hann og sveitarstjóri áttu með formanni og gjaldkera Leikfélags Dalvíkur um mögulega samnýtingu á húsnæði Ungó og Sigtúns með Bakkabræðrasetri. Niðurstaða fundarins var að félagið telur að samstarfið geti vel gengið og að hendi þess verði lagt kapp á að ná fram niðurstöðu sem henti báðum aðilum.
Jafnframt upplýsti sviðsstjóri og formaður um fund sem þau áttu ásamt sveitarstjóra og forsvarsmanni Bakkabræðraseturs þar sem rætt var um hvaða forsendur þurfi að vera fyrir hendi til þess að gengið verði til samninga. Meðal forsenda er að stofnað verði sér félag um reksturinn og verði íbúum sveitarfélagsins gert mögulegt að vera aðilar að fyrirtækinu/félaginu.

Sviðstjóri og sveitarstjóri gerðu grein fyrir fundum sem þær hafa átt með forsvarsmönnum Bakkabræðaseturs og Leikfélagi Dalvíkur ásamt formanni menningarráðs.
Einnig voru drög að samningi á milli Dalvíkurbyggðar og Bakkabræðaseturs kynnt á fundinum.

Hildur Ösp vék af fundi.

Undir þessum lið kom á fund byggðarráðs Börkur Þór Ottósson, sviðstjóri umhverfis- og tæknisviðs.

Á 247. fundi sveitarstjórnar þann 14. maí 2013 var eftirfarandi bókað:
Á fundinum var lögð fram greinargerð sviðstjóra umhverfis- og tæknisviðs hvað varðar 10. lið c).

Til máls tók:
Jóhann Ólafsson.
Svanfríður Inga Jónasdóttir.

a) Sveitarstjórn samþykkir samhljóða með 6 atkvæðum afgreiðslu byggðarráðs.
b) Sveitarstjórn samþykkir samhljóða með 6 atkvæðum afgreiðslu byggðarráðs.
c) Sveitarstjórn samþykkir samhljóða með 6 atkvæðum afgreiðslu byggðarráðs.

Tillaga forseta um að byggðarráð fái fullnaðarumboð til þess að klára þetta mál samþykkt samhljóða með 6 atkvæðum.

Sviðstjóri umhverfis- og tæknisviðs gerði grein fyrir viðbrögðum við bréfi sem hann sendi út s.l. föstudag til sauðfjárbænda í sveitarfélaginu og vettvangsferð sviðstjóra og formanns landbúnaðarráðs í gær.
Börkur Þór vék af fundi.

Tekið fyrir bréf frá Landskerfi bókasafna hf., dagsett þann 10. maí 2013, þar sem boðað er til aðalfundar Landskerfis bókasafna hf. föstudaginn 24. maí kl. 14:30 að Höfðatúni 2, 105. Reykjavík.

Tekið fyrir bréf, ódagsett, frá Lífeyrissjóði starfsmanna ríkisins og Lífeyrissjóði hjúkrunarfræðinga þar sem boðað er til ársfundar LSR og LH fimmtudaginn 23. maí að Engjateigi 11 í Reykjavík og hefst fundurinn kl. 15:00.

Launagreiðendur sem greiða iðgjald fyrir starfsmenn sína til LSR eða LH eiga rétt á að senda einn eða fleiri fulltrúa á ársfundinn.

Tekinn fyrir rafpóstur frá Landbyggðin lifir, dagsettur þann 12. maí 2013, þar sem fram kemur að LBL hefur ákveðið að fara ferð um landið og ræða við fólk um hvert Landsbyggðin lifi stefnir, framtíðina og annað sem fólk vill tala um. Þeir sem eru áhugasamir um að hitta gjaldkera og ritara LBL geta haft samband en þau verða á ferðinni 13. - 18. maí.

Björn Snorrason mætti á fundinn undir þessum lið kl. 09:53.

Með fundarboði byggðarráðs fylgdi tillaga að tímaramma vegna vinnu við fjárhagsáætlun 2014-2017.

Einnig fylgdi með til upprifjunar samþykkt um fjárhagsáætlunarferli Dalvíkurbyggðar.
Fyrstu skref eru:

Apríl- maí (þegar ársreikningur liggur fyrir):
a) Framkvæmdastjórn og stjórnsýslunefnd ræða um og koma með hugmyndir að verkefnum, framkvæmdum, áherslum og stefnu.
b) Umræða í bæjarráði um verklag, áherslur, markmið og tímaramma. Teknar til umfjöllunar tillögur og áherslur úr framkvæmdastjórn og stjórnsýslunefnd.
c) Sviðstjóri fjármála- og stjórnsýslusviðs og bæjarstjóri taka saman helstu forsendur og leggur fyrir bæjarráð til umfjöllunar og afgreiðslu. Upplýsinga er m.a. aflað um atvinnuástand, verðlagsbreytingar og kjarasamningamál.
d) Bæjarráð tekur formlega ákvörðun um markmið fjárhagsáætlunar og setur fram stefnu

Til umræðu áherslur, markmið og stefna í rekstri og framkvæmdum sveitarfélagsins.

Á 173. fundi fræðsluráðs þann 8. maí 2013 var eftirfarandi bókað:

Tekið var fyrir erindi skólastjóra Árskógarskóla, Gunnþórs Eyfjörð Gunnþórssonar Ósk um viðbótarfjárveitingu vegna lóðar dagsett í maí 2013. Þar kemur fram beiðni um viðbótarfjárveitingu vegna lóðarinnar við Árskógarskóla upp á 2.000.000 kr. og rökstuðningur vegna þessa.

Fræðsluráð samþykkir beiðnina fyrir sitt leyti en vísar henni til afgreiðslu Byggðaráðs.

Með fundarboði byggðarráðs fylgdi minnisblað skólastjóra Árskógarskóla, sbr. ofangreint.

Á 653. fundi byggðarráðs þann 24. janúar 2013 var eftirfarandi bókað:
Með fundarboði bæjarráðs fylgdi minnisblað bæjarstjóra til bæjarráðs, dagsett þann 22. janúar 2013, um fund sem fulltrúar Dalvíkurbyggðar áttu með fulltrúum frá Verkfræðistofu Norðurlands þann 22. janúar 2013. Tilgangur fundarins var að kynna þjónustu sem fyrirtæki hefur verið að veita sveitarfélögum varðandi skipulag og hönnun framtíðarfjarskipta innan sveitarfélaganna.

Bæjarstjóri gerði grein fyrir ofangreindu fundi.
Bæjarráð felur bæjarstjóra að vinna áfram að málinu í samræmi við umræður á fundinum.

Með fundarboði byggðarráðs fylgdi skýrsla frá Verkfræðistofu Norðurlands hf., dagsett í apríl 2013; Ljósleiðarakerfi, forhönnun og kostnaðarmat.

Til umræðu.

Á 662. fundi byggðarráðs þann 10. maí 2013 var eftirfarandi bókað:
Á fundinum var tekið til umfjöllunar kauptilboð í fasteign Dalvíkurbyggðar við Lokastíg 2, íbúð 0203, fastanúmer 215-5076, dagsett þann 7. maí 2013 að upphæð kr. 6.250.000 frá Jam íbúðum ehf., kt. 440211-0110. Ásett verð er kr. 7.000.000.

Byggðarráð samþykkir samhljóða með 2 atkvæðum að hafna ofangreindu kauptilboði.

Á 247. fundi sveitarstjórnar þann 14. maí 2013 var ofangreindum lið í fundargerð byggðarráðs vísað til byggðarráðs til úrvinnslu.

Með fundarboði byggðarráðs fylgdi nýtt tilboð frá JAM íbúðir ehf., kt. 440211-0110, dagsett þann 10. maí 2013, að upphæð kr. 6.600.000 í húseign Dalvíkurbyggðar við Lokastíg 2, íbúð 0203, fastanúmer 215-5076.

Með fundarboði byggðarráðs fylgdi gildandi reglur Dalvíkurbyggðar um sölu íbúða í eigu Dalvíkurbyggðar sem staðfestar voru í bæjarstjórn þann 24. janúar 2012.

Til umræðu endurskoðun á reglunum.